ರಿಕಿ ಪಾಂಟಿಂಗ್​ ಸ್ಥಾನವನ್ನು ಯಾರು ತುಂಬಲಿದ್ದಾರೆ; ನೂತನ ಕೋಚ್​ ಕುರಿತು ಸುಳಿವು ನೀಡಿದ ದಾದಾ

ನವದೆಹಲಿ: 18ನೇ ಆವೃತ್ತಿಯ ಐಪಿಎಲ್​ಗೆ ಶುರುವಾಗುವುದಕ್ಕೆ ಸಾಕಷ್ಟು ಸಮಯ ಉಳಿದಿದ್ದು, ಅದಕ್ಕೂ ಮುನ್ನವೇ ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿ ಬದಲಾವಣೆಯ ಪರ್ವ ಶುರುವಾದಂತೆ ಕಾಣುತ್ತಿದೆ. ಇದಕ್ಕೆ ಪೂರಕವಾಗಿ ಕೋಚ್​ ಸ್ಥಾನದಿಂದ ರಿಕಿ ಪಾಂಟಿಂಗ್​ರನ್ನು ವಜಾ ಮಾಡಲಾಗಿದ್ದು, ಮುಂದಿನ ದಿನಗಳಲ್ಲಿ ಮತ್ತಷ್ಟು ಬದಲಾವಣೆಯ ಮುನ್ಸೂಚನೆ ನೀಡಿದೆ.

2018ರಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಕೋಚ್​ ಆಗಿ ಅಧಿಕಾರ ವಹಿಸಿಕೊಂಡ ಪಾಂಟಿಂಗ್​ ಪ್ರತಿ ಆವೃತ್ತಿಗೆ 3.5 ಕೋಟಿ ರೂ. ವೇತನ ಪಡೆಯುತ್ತಿದ್ದರು. ಆದ5ರೆ, ಪಾಂಟಿಂಗ್​ ಅವರ ಕೋಚಿಂಗ್​ನಲ್ಲಿ ತಂಡವು 2019 (ಪ್ಲೇಆಫ್​), 2020 (ಫೈನಲ್​), 2021 (ಪ್ಲೇಆಫ್​) ಪ್ರವೇಶಿಸಿತ್ತು. ಆದರೆ, ಕಳೆದ ಆವೃತ್ತಿ ತಂಡವು ಪ್ಲೇಆಫ್​ ಪ್ರವೇಶಿಸುವಲ್ಲಿ ವಿಫಲವಾಗಿದ್ದು, ಪಾಂಟಿಂಗ್​ ತಲೆದಂಡಕ್ಕೆ ಕಾರಣ ಎಂದು ಹೇಳಲಾಗಿದೆ. ಇತ್ತ ಸೌರವ್​ ಗಂಗೂಲಿ ತಾವೇ ಮುಂದಿನ ಕೋಚ್​ ಎಂದು ಸುಳಿವು ನೀಡಿದ್ದಾರೆ.

ಈ ಕುರಿತು ಮಾತನಾಡಿರುವ ಡೆಲ್ಲಿ ಕ್ಯಾಪಿಟಲ್ಸ್​ ಮೆಂಟರ್​ ಸೌರವ್​ ಗಂಗೂಲಿ, ತಂಡದ ಕಳಪೆ ಪ್ರದರ್ಶನವನ್ನು ಗಮದಲ್ಲಿಟ್ಟುಕೊಂಡು ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ. ನಾವು ಮುಂದಿನ ವರ್ಷದ ಐಪಿಎಲ್​ಗೆ ಯೋಜಿಸಬೇಕಿದೆ. ನಾನು ಡೆಲ್ಲಿ ಕ್ಯಾಪಿಟಲ್ಸ್​ಗೆ ಒಮ್ಮೆ ಕಪ್​ ಗೆಲ್ಲಿಸಿಕೊಡಬೇಕೆಂದು ಬಯಸುತ್ತೇನೆ. ಮುಂದಿನ ವರ್ಷ ನಡೆಯಲಿರುವ ಮೆಗಾ ಹರಾಜಿಗೆ ನಾವು ಈಗಿನಿಂದಲೇ ತಯಾರಿ ಆರಂಭಿಸಬೇಕಿದೆ.

ಇದನ್ನೂ ಓದಿ: ರಾಜಕೀಯ-ಪ್ರಜಾಪ್ರಭುತ್ವದಲ್ಲಿ ಹಿಂಸೆಗೆ ಸ್ಥಾನವಿಲ್ಲ; ಸ್ನೇಹಿತನ​ ಮೇಲಿನ ದಾಳಿಯನ್ನು ಖಂಡಿಸಿದ ಪ್ರಧಾನಿ ಮೋದಿ

ತಂಡ ಮುಂದುವರೆಯಬೇಕೆಂದರೆ ನಾವು ಭಾರತೀಯರನ್ನು ಕೋಚ್​ ಆಗಿ ನೇಮಿಸಬೇಕಿದೆ. ಈ ನಿಟ್ಟಿನಲ್ಲಿ ನಾವು ತಂಡದ ಮ್ಯಾನೇಜ್​ಮೆಂಟ್​ನೊಂದಿಗೆ ಮಾತನಾಡಬೇಕಿದೆ. ತಂಡಕ್ಕೆ ಹೊಸ ಆಟಗಾರರನ್ನು ಕರೆತರಬೇಕಾಗಿದ್ದು, ಮುಖ್ಯ ಕೋಚ್​ ಆಗಿ ನನ್ನ ಕೆಲಸ ಹೇಗಿರಲಿದೆ ಎಂದು ನೋಡಬೇಕಿದೆ. ಒಟ್ಟಿನಲ್ಲಿ ತಂಡಕ್ಕೆ ಕಪ್​ ಗೆಲ್ಲಿಸಿಕೊಡುವ ನಿಟ್ಟಿನಲ್ಲಿ ಪ್ರತಿಯೊಬ್ಬರು ಕೆಲಸ ಮಾಡಲಿದ್ದೇವೆ ಎಂದು ಸೌರವ್​ ಗಂಗೂಲಿ ತಿಳಿಸಿದ್ದಾರೆ.

ಸದ್ಯ ಕೇಳಿ ಬಂದಿರುವ ಮಾಹಿತಿ ಪ್ರಕಾರ ರಿಕಿ ಪಾಂಟಿಂಗ್ ಅವರಿಂದ ತೆರವಾಗಿರುವ ಈ ಸ್ಥಾನವನ್ನು ಅಂದರೆ ಮುಖ್ಯ ಕೋಚ್ ಹುದ್ದೆಯನ್ನು ಸ್ವತಃ ಗಂಗೂಲಿ ಅವರೇ ನಿರ್ವಹಿಸಲಿದ್ದಾರೆ ಎಂದು ವರದಿಯಾಗಿದೆ. ಡೆಲ್ಲಿ ಕ್ಯಾಪಿಟಲ್ಸ್​ ಮ್ಯಾನೇಜ್​ಮೆಂಟ್​ ಈ ಬಗ್ಗೆ ಅಧಿಕೃತ ಮಾಹಿತಿ ಹಂಚಿಕೊಳ್ಳಬೇಕಿದೆ.

https://www.vijayavani.net/woman-calls-off-wedding-after-groom-guests-fight-over-air-cooler

https://www.vijayavani.net/tamil-nadu-bsp-chief-k-armstrongs-murder-accused-killed-in-police-encounter