VIDEO: ಫೋನ್ ಎ- ಫ್ರೇಂಡ್​ ಅಂತಾ ಹೆಂಡತಿಗೆ ಕರೆ ಮಾಡಿದ್ರೆ ಉತ್ತರಿಸಿದ್ದು ಇನ್ಯಾರೋ? ಲೈವ್​ನಲ್ಲಿ ಬಯಲಾಯ್ತಾ ಪತ್ನಿ ಅಫೇರ್​...!

ನ್ಯೂಯಾರ್ಕ್​: ಕೌನ್​ ಬನೇಗಾ ಕರೋಡ್​ಪತಿ ಅಥವಾ ಕನ್ನಡದ ಕೋಟ್ಯಧಿಪತಿ ಕಾರ್ಯಕ್ರಮದ ಮೂಲ ಅವತರಣಿಕೆಯಾದ ಹೂ ವಾಂಟ್ಸ್​ ಟೂ ಬಿ ಎ ಮಿಲಿಯನೇರ್​ನಲ್ಲಿ ಮುಜುಗರದ ಸಂಗತಿಯೊಂದು ನಡೆದಿದೆ.

ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಜೆ.ಪಿ. ಹೊಗಾನ್ ಎಂಬುವರಿಗೆ 16,000 ಡಾಲರ್​ ಮೌಲ್ಯದ (ಅಂದಾಜು 11.75 ಲಕ್ಷ ರೂ.) ಪ್ರಶ್ನೆಯೊಂದಕ್ಕೆ ಉತ್ತರ ಗೊತ್ತಾಗಲಿಲ್ಲ. ಜರ್ಮನಿಯಲ್ಲಿ ಯಾವುದು ವಾರಾಂತ್ಯದ ಭಾಗವಾಗಿದೆ ಎಂದು ಪ್ರಶ್ನೆ ಕೇಳಿ ನಾಲ್ಕು ಆಯ್ಕೆಗಳನ್ನು ನೀಡಲಾಗಿತ್ತು. ಪತ್ನಿ ಕೆಲ ಕಾಲ ಜರ್ಮನಿಯಲ್ಲಿದ್ದರಿಂದ ಆಕೆಗೆ ಉತ್ತರ ಗೊತ್ತಿರಬಹುದು ಎಂದು ಉತ್ತರ ಕೇಳಲು ಸ್ಪರ್ಧಿ ಫೋನ್​-ಎ- ಫ್ರೆಂಡ್​ಗೆ ಮೊರೆ ಹೋಗುತ್ತಾನೆ.

ಇದನ್ನೂ ಓದಿ; ದೇಶೀಯ ಕರೊನಾ ಲಸಿಕೆ ಕ್ಷಮತೆ ಸಾಬೀತು; ಪ್ರಾಣಿಗಳಲ್ಲಿ ಪ್ರಯೋಗ ಯಶಸ್ವಿ 

ಅಂತೆಯೇ ಕಾರ್ಯಕ್ರಮದ ಆಯೋಜಕರು ಆತ ನೀಡಿದ ನಂಬರ್​ಗೆ ಕರೆ ಮಾಡುತ್ತಾರೆ. ಆದರೆ, ಅಲ್ಲಿಂದ ಪುರುಷನ ಧ್ವನಿ ಕೇಳುತ್ತದೆ. ಇದರಿಂದ ವಿಚಲಿತಗೊಂಡ ಆಯೋಜಕ ಇದು ಪುರುಷನ ಧ್ವನಿ ಇದ್ದ ಹಾಗಿದೆ ಎಂದು ಕಾರ್ಯಕ್ರಮದ ಮಧ್ಯದಲ್ಲಿಯೇ ಹೇಳುತ್ತಾನೆ. ಇರಲಿ, ಆಕೆ ಸಂಪೂರ್ಣ ಮುಗ್ದೆಯಾಗಿಬಹುದು ಎಂದು ಹೇಳುತ್ತಾನೆ.

ಇನ್ನೊಮ್ಮೆ ಕರೆ ಮಾಡಿದಾಗ ಹೊಗಾನ್​ ಪತ್ನಿ ಕರೆ ಸ್ವೀಕರಿಸುತ್ತಾಳೆ. ಫೋನ್​ ಮಾಡಿದ ಉದ್ದೇಶ ತಿಳಿಸುವ ನಿರೂಪಕ ಬಳಿಕ ಮತ್ತೊಂದು ಎಡವಟ್ಟು ಮಾಡುತ್ತಾನೆ. ನಿಮ್ಮೊಂದಿಗೆ ಯಾರೂ ಇಲ್ಲ ಎಂದುಕೊಳ್ಳುತ್ತೇನೆ ಎಂದು ಕೇಳಿ ಮತ್ತಷ್ಟು ಮುಜುಗರ ಉಂಟು ಮಾಡುತ್ತಾನೆ. ಈ ವಿಡಿಯೋ ಭಾರಿ ವೈರಲ್​ ಆಗಿದೆ. ಹಲವರು ವ್ಯಂಗ್ಯವಾಡಿದ್ದಾರೆ. ಜತೆಗೆ ನಿರೂಪಕನನ್ನು ತರಾಟೆಗೂ ತೆಗೆದುಕೊಂಡಿದ್ದಾರೆ.

ಇದನ್ನೂ ಓದಿ; ಪಿಎಫ್​ ಗ್ರಾಹಕರಿಗೆ ಸಿಗಲಿದೆ ಏಳು ಲಕ್ಷ ರೂ. ವಿಮಾ ಹಣ..! 

ಅಷ್ಟಕ್ಕೂ ಆಗಿದ್ದೇನೆಂದರೆ, ಮೊದಲ ಬಾರಿ ಕರೆ ಮಾಡಿದಾಗ ಸಾರಿ..., ದೇರ್​ ಇಸ್​ ನೋ ಸರ್ವೀಸ್​ ಎಂಬ ಧ್ವನಿಮುದ್ರಿತ ಸಂದೇಶ ಕೇಳಿದೆ. ಅದು ಪುರುಷನದ್ದಾಗಿತ್ತು. ಇದನ್ನು ಅರಿಯದೇ ನಿರೂಪಕ ಎಡವಟ್ಟು ಮಾಡಿದ್ದಾನೆ. ಕೊನೆಗೆ ಹೊಗಾನ್​ 64,000 ಡಾಲರ್​ (ಅಂದಾಜು 47 ಲಕ್ಷ ರೂ.) ಜಯಿಸಿದ್ದಾರೆ. ಆದರೆ, ಕಾರ್ಯಕ್ರಮದಿಂದಾದ ಮುಜುಗರ ಮಾತ್ರ ಅಷ್ಟಿಷ್ಟಲ್ಲ ಎಂದಿದ್ದಾರೆ.

https://www.vijayavani.net/singer-anuradha-paudwals-son-aditya-paudwal-passes-away/