ಇದೇ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಎದುರು ಆಡಿದ್ದ ಆರ್ಸಿಬಿ, ಕನ್ನಡಿಗ ಕೆ.ಎಲ್. ರಾಹುಲ್ ಆರ್ಭಟಕ್ಕೆ ತತ್ತರಿಸಿತ್ತು. ಪಂದ್ಯ ಗೆದ್ದ ಖುಷಿಯಲ್ಲಿ ‘ಇದು ನನ್ನ ನೆಲ, ನನ್ನ ತವರು. ಇತರರಿಗಿಂತ ಇಲ್ಲಿನ ಬಗ್ಗೆ ನನಗೆ ಚೆನ್ನಾಗಿ ಗೊತ್ತಿದೆ’ ಎಂದು ‘ಕಾಂತಾರ’ ಚಿತ್ರದ ಕ್ಲೈಮ್ಯಾಕ್ಸ್ ನೆನಪಿಸಿದ ಕೆ.ಎಲ್. ರಾಹುಲ್, ತಮ್ಮ ಬ್ಯಾಟ್ನಿಂದ ವೃತ್ತಾಕಾರ ಬರೆದು, ಇದು ನನ್ನದು ಎಂಬ ಸಂದೇಶವನ್ನು ಸಾರಿದ್ದರು. ಇಂದು ಅರುಣ್ ಜೆಟ್ಲಿ ಸ್ಟೇಡಿಯಂನಲ್ಲಿ ನಡೆಯಲಿರುವ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಕೆ.ಎಲ್. ರಾಹುಲ್ಗೆ ಕೊಹ್ಲಿ ತಕ್ಕ ಉತ್ತರ ಕೊಡಲಿದ್ದಾರೆ ಎಂದು ಆರ್ಸಿಬಿ ಫ್ಯಾನ್ಸ್ಗಳು ಮಾತ್ರವಲ್ಲದೇ ಹಿರಿಯ ಕ್ರಿಕೆಟಿಗರು ಕೂಡ ಅಪೇಕ್ಷಿಸಿದ್ದಾರೆ.
