ಲಂಡನ್​ನಲ್ಲಿ ಎಲ್ಲಿ ವಾಸವಿದ್ದಾರೆ ವಿರೂಷ್ಕಾ ದಂಪತಿ: ವಿಳಾಸ ಬಹಿರಂಗಪಡಿಸಿದ ಮಾಜಿ ಕ್ರಿಕೆಟಿಗ! Virat Kohli

Virat Kohli : ಟೀಮ್​ ಇಂಡಿಯಾದ ಸೂಪರ್ ಸ್ಟಾರ್ ವಿರಾಟ್ ಕೊಹ್ಲಿ ಭಾರತದಿಂದ ಲಂಡನ್​ಗೆ ಸ್ಥಳಾಂತರಗೊಳ್ಳುತ್ತಿದ್ದಾರೆ ಎಂಬ ವರದಿಗಳು ಬಹಳ ವರ್ಷದಿಂದ ಚರ್ಚೆಯಾಗುತ್ತಲೇ ಇದೆ. ಕ್ರಿಕೆಟ್​ನಿಂದ ನಿವೃತ್ತರಾದ ಬಳಿಕ ಕುಟುಂಬದೊಂದಿಗೆ ಲಂಡನ್​ನಲ್ಲಿ ನೆಲೆಸಲು ನಿರ್ಧರಿಸಿದ್ದಾರೆ ಎಂದು ವರದಿಯಾಗಿದೆ. ಇದರ ನಡುವೆ ವಿರಾಟ್ ಕೊಹ್ಲಿ ಮತ್ತು ಅನುಷ್ಕಾ ಶರ್ಮ ಆಗಾಗ್ಗೆ ರಜೆಗಾಗಿ ಲಂಡನ್​ಗೆ ಭೇಟಿ ನೀಡುತ್ತಾರೆ. ಇದಕ್ಕೆ ಸಂಬಂಧಿಸಿದ ಫೋಟೋ ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಲೇ ಇರುತ್ತದೆ.

ಇಂಗ್ಲೆಂಡ್​ ವಿರುದ್ಧ ಐದು ಪಂದ್ಯಗಳ ಟೆಸ್ಟ್​ ಸರಣಿಯ ಮೊದಲನೇ ಪಂದ್ಯ ಆರಂಭವಾಗುವುದಕ್ಕೂ ಮುನ್ನವೇ ಟೀಮ್​ ಇಂಡಿಯಾ ನಾಯಕ ಶುಭಮಾನ್​ ಗಿಲ್​, ಉಪನಾಯಕ ರಿಷಭ್​ ಪಂತ್ ಹಾಗೂ ವೇಗಿ ಮೊಹಮ್ಮದ್​ ಸಿರಾಜ್​ ಅವರಿಗೆ ಲಂಡನ್​ನ ತಮ್ಮ ನಿವಾಸದಲ್ಲಿ ಕೊಹ್ಲಿ ಆತಿಥ್ಯ ನೀಡಿದ್ದಾರೆ ಎಂಬ ಸುದ್ದಿ ಕೆಲವು ದಿನಗಳ ಹಿಂದೆ ಸಿಕ್ಕಾಪಟ್ಟೆ ವೈರಲ್​ ಆಯಿತು. ಈಗಾಗಲೇ ಕೊಹ್ಲಿ ಲಂಡನ್​ನಲ್ಲಿ ನೆಲೆಸಿದ್ದಾರೆ ಎಂಬ ಸುದ್ದಿ ಇದೆ. ಆದರೆ, ಲಂಡನ್​ನಲ್ಲಿ ಎಲ್ಲಿ ನೆಲೆಸಿದ್ದಾರೆ ಎಂಬುದರ ಬಗ್ಗೆ ಯಾವುದೇ ಮಾಹಿತಿ ಇಲ್ಲ. ಆದರೀಗ, ಅದು ಕೂಡ ಬಹಿರಂಗವಾಗಿದೆ.

ವಿರಾಟ್​ ಕೊಹ್ಲಿ ಅವರು ಪ್ರಸ್ತುತ ಲಂಡನ್​ನ ನಾಟಿಂಗ್ ಹಿಲ್​ನಲ್ಲಿ ವಾಸಿಸುತ್ತಿದ್ದಾರೆ ಎಂದು ಈ ಹಿಂದೆ ವರದಿಯಾಗಿತ್ತು. ಆದರೆ, ಅದು ಸುಳ್ಳು ಎನ್ನಲಾಗಿದೆ. ಇದೀಗ ಇಂಗ್ಲೆಂಡ್‌ನ ಮಾಜಿ ಕ್ರಿಕೆಟಿಗ ಜೊನಾಥನ್ ಟ್ರಾಟ್ ಈ ಬಗ್ಗೆ ಸುಳಿವು ನೀಡಿದ್ದಾರೆ. ಕೊಹ್ಲಿ ಲಂಡನ್‌ನ ಸೇಂಟ್ ಜಾನ್ಸ್​ವುಡ್‌ನಲ್ಲಿ ವಾಸಿಸುತ್ತಿದ್ದಾರೆ ಎಂದು ಜೊನಾಥನ್ ಉಲ್ಲೇಖಿಸಿದ್ದಾರೆ. ಯಾವಾಗ ಈ ಸುಳಿವು ನೀಡಿದ್ರೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಚರ್ಚೆಯಾಗುತ್ತಿದೆ. ಸೋನಿ ಸ್ಪೋರ್ಟ್ಸ್‌ನಲ್ಲಿ ಭಾರತ-ಇಂಗ್ಲೆಂಡ್ ಎರಡನೇ ಟೆಸ್ಟ್ ಕುರಿತ ಚರ್ಚೆಯ ಸಂದರ್ಭದಲ್ಲಿ ಜೊನಾಥನ್​ ಅವರು ಇದನ್ನು ಪ್ರಸ್ತಾಪಿಸಿದ್ದಾರೆ.

ಇದನ್ನೂ ಓದಿ: ನನ್ನ ಬಗ್ಗೆ… ಎಡ್ಜ್‌ಬಾಸ್ಟನ್‌ ಟೆಸ್ಟ್​ಗೂ ಮುನ್ನ ಆಕಾಶ್​ಗೆ ಸಹೋದರಿ ಕಳುಹಿಸಿದ ಸಂದೇಶ ಮನಕಲಕುವಂತಿದೆ! Akash Deep

ಕೊಹ್ಲಿ ಅವರು ಸೇಂಟ್ ಜಾನ್ಸ್​ವುಡ್‌ನಲ್ಲಿ ಅಥವಾ ಹತ್ತಿರದಲ್ಲಿ ವಾಸಿಸುತ್ತಿಲ್ಲವೇ? ಅವರನ್ನು ಹಿಂತಿರುಗಿ ಬರಲು ಮನವೊಲಿಸಲು ಸಾಧ್ಯವಿಲ್ಲವೇ? ಎಂದು ಸೋನಿ ಸ್ಪೋರ್ಟ್ಸ್‌ನಲ್ಲಿ ಮಾತನಾಡುತ್ತಾ ಟ್ರಾಟ್ ಕೇಳಿದರು. ಇದನ್ನು ಕೇಳಿದ ಅಭಿಮಾನಿಗಳು ಕೊಹ್ಲಿ ಮನೆ ಆ ಪ್ರದೇಶದಲ್ಲಿಯೇ ಇದೆ ಎಂದು ಹೇಳುತ್ತಿದ್ದಾರೆ.

ಅಂದಹಾಗೆ ಸೇಂಟ್ ಜಾನ್ಸ್​ವುಡ್ ವಾಯುವ್ಯ ಲಂಡನ್‌ನಲ್ಲಿರುವ ಐಷಾರಾಮಿ ವಸತಿ ಪ್ರದೇಶವಾಗಿದೆ. ಲಂಡನ್‌ನ ರಾಯಲ್ ಪಾರ್ಕ್‌ಗಳಲ್ಲಿ ಒಂದಾದ ರೀಜೆಂಟ್ಸ್ ಪಾರ್ಕ್ ಸೇಂಟ್ ಜಾನ್ಸ್ ವುಡ್ ಬಳಿ ಇದೆ. ಕೊಹ್ಲಿ ಒಂದು ವರ್ಷದ ಹಿಂದೆ ಇಲ್ಲಿ ಮನೆ ಖರೀದಿಸಿದ್ದಾರೆ ಎಂದು ವರದಿಯಾಗಿದೆ. (ಏಜೆನ್ಸೀಸ್​)

https://www.vijayavani.net/tuna-fish-benefits-heart-disease-is-gone-brain-health-is-safe-many-health-benefits-of-tuna-fish

https://www.vijayavani.net/burnt-alive-horrific-in-america-hyderabad-family-burned-alive-two-children-among-the-dead