ಸುಶಾಂತ್​ ಬಗ್ಗೆ ಸಿನಿಮಾ ಆಗೋದು ಯಾವಾಗ?

ಮುಂಬೈ: ಸುಶಾಂತ್​ ಸಿಂಗ್ ಆತ್ಮಹತ್ಯೆಯ ನಂತರ ಅವರ ಕುರಿತಾದ 'ಸೂಸೈಡ್​ ಆರ್​ ಮರ್ಡರ್​' ಎಂಬ ಚಿತ್ರದಲ್ಲಿ ಸಚಿನ್​ ತಿವಾರಿ ನಟಿಸುತ್ತಾರೆ ಎಂಬ ಸುದ್ದಿ ಕೇಳಿಬಂದಿತ್ತು. ಇದೀಗ ಸುಶಾಂತ್​ ಅವರ ನಿಧನವಾಗಿ ನಾಲ್ಕು ತಿಂಗಳಾಗುತ್ತಿವೆ. ಹೀಗಿರುವಾಗ ಬಯೋಪಿಕ್ ಯಾವ ಹಂತದಲ್ಲಿದೆ ಎಂಬ ಪ್ರಶ್ನೆ ಸಹಜವಾಗಿಯೇ ಬರುತ್ತದೆ.

ಇದನ್ನೂ ಓದಿ: ಮತ್ತೆ ಚಿತ್ರಮಂದಿರದಲ್ಲಿ ‘ದಿಯಾ’; ಮೆಲೊಡಿ ಹಾಡಿನೊಂದಿಗೆ…

ಪ್ರಮುಖವಾಗಿ ಸುಶಾಂತ್​ ಅವರ ಜೀವನವನ್ನಾಧರಿಸಿ ಎರಡು ಚಿತ್ರಗಳು ಪ್ರಾರಂಭವಾಗಬೇಕಿತ್ತು. ಮೊದಲಿಗೆ, ಸುಶಾಂತ್​ ಅವರ ತದ್ರೂಪಾಗಿದ್ದ ಸಚಿನ್​ ಅಭಿನಯದಲ್ಲಿ ಮಾರುತ್​ ಮತ್ತು ಸನೋಜ್​ ಎಂಬ ನಿರ್ಮಾಪಕರು ಒಂದು ಚಿತ್ರ ಮಾಡಬೇಕು ಎಂದು ಹೊರಟಿದ್ದರು. ಸಚಿನ್​ ಸಹ ಚಿತ್ರದಲ್ಲಿ ಸುಶಾಂತ್​ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದಕ್ಕೆ ಗ್ರೀನ್​ ಸಿಗ್ನಲ್​ ಕೊಟ್ಟಿದ್ದರು.

ಆದರೆ, ಅದೇನಾಯಿತೋ ಗೊತ್ತಿಲ್ಲ. ಸಚಿನ್​ ಸದ್ದಿಲ್ಲದೆ ಈ ಕಥೆಯನ್ನು ಇನ್ನೊಬ್ಬ ನಿರ್ಮಾಪಕರಿಗೆ ಲೀಕ್​ ಮಾಡಿಬಿಟ್ಟರಂತೆ. ಸಚಿನ್​ ಅವರಿಂದ ಕಥೆ ಕೇಳಿದ ನಿರ್ಮಾಪಕರು ಇನ್ನೊಂದು ಚಿತ್ರವನ್ನು ಘೋಷಿಸಿದ್ದಾರೆ. ಮುಂದೇನು ಮಾಡಬಹುದು ಎಂದು ಗೊತ್ತಾಗದ ಮೊದಲ ಚಿತ್ರದ ನಿರ್ಮಾಪಕರು, ಸಚಿನ್​ ಮತ್ತು ಇನ್ನೊಂದು ಚಿತ್ರದ ನಿರ್ಮಾಪಕರ ಮೇಲೆ ಕೇಸ್​ ಹಾಕುವ ಪ್ರಯತ್ನ ಮಾಡಿದ್ದರು.

ಈಗ ನೋಡಿದರೆ, ಎರಡೂ ಚಿತ್ರಗಳು ಆಗುವ ಸಾಧ್ಯತೆ ಕಾಣುತ್ತಿಲ್ಲ. ಮೂಲಗಳ ಪ್ರಕಾರ, ಸುಶಾಂತ್​ ಅವರ ಕುಟುಂಬದವರು ಈ ವಿಷಯವಾಗಿ ಸ್ಟೇ ತಂದಿದ್ದು, ಅವರ ಅನುಮತಿ ಇಲ್ಲದೆ ಯಾರೂ ಸುಶಾಂತ್​ ಕುರಿತಾಗಿ ಪುಸ್ತಕ ಬರೆಯುವುದಾಗಲೀ, ಸಿನಿಮಾ ಮಾಡುವುದಾಗಲೀ ಮಾಡುವಂತಿಲ್ಲವಂತೆ.

ಇದನ್ನೂ ಓದಿ: ‘ಲಕ್ಷ್ಮೀ ಬಾಂಬ್​’ ಸೂಪರ್​ ಹಿಟ್​ ಆಗ್ಲಿಲ್ಲ ಅಂದ್ರೆ ಬಳೆ ತೊಡ್ತಾರಂತೆ ಪುಲ್ಕಿತ್​ …

ಹಾಗಾಗಿ ಸುಶಾಂತ್​ ಆತ್ಮಹತ್ಯೆ ಪ್ರಕರಣದ ಕುರಿತು ಸದ್ಯಕ್ಕಷ್ಟೇ ಅಲ್ಲ, ಯಾವಾಗಲಾದರೂ ಚಿತ್ರವಾಗಬಹುದು ಎಂಬ ನಿರೀಕ್ಷೆ ಯಾರಲ್ಲೂ ಇಲ್ಲ.

https://www.vijayavani.net/khaali-peeli-to-release-after-theatres-reopen/