ಬೆಂಗಳೂರು: ಬೆಂಗಳೂರು ನೀರು ಸರಬರಾಜು ಹಾಗೂ ಒಳಚರಂಡಿ ಮಂಡಳಿ ( ಜಲ ಮಂಡಳಿ) ಗ್ರಾಹಕರ ಬಿಲ್ ರವಾನೆ ಹಾಗೂ ಶುಲ್ಕ ಪಾವತಿಗೆ ಆನ್ಲೈನ್ ವಿಧಾನವನ್ನು ರೂಪಿಸಿದೆ.
ಕರೊನಾ ಸೋಂಕು ತಡೆಗಟ್ಟುವ ಹಿನ್ನೆಲೆಯಲ್ಲಿ ಮನೆಮನೆಗೆ ತೆರಳಿ ವಿತರಣೆ ಸಾಧ್ಯವಾಗುತ್ತಿಲ್ಲ. ಈ ಕಾರಣದಿಂದಾಗಿ ಏಪ್ರಿಲ್ ತಿಂಗಳ ನೀರಿನ ಬಿಲ್ಅನ್ನು ಈಗಾಗಲೇ ಸಿದ್ಧಪಡಿಸಲಾಗಿದೆ. ಇದಕ್ಕಾಗಿ ಹಿಂದಿನ ತಿಂಗಳು ಬಳಸಿದ ನೀರಿನ ಪ್ರಮಾಣದ ದಿನವಹಿ ಮಾಹಿತಿಯನ್ನು ಆಧಾರವಾಗಿಟ್ಟುಕೊಳ್ಳಲಾಗಿದೆ.
ಮಂಡಳಿಯ ವೆಬ್ಸೈಟ್ನಲ್ಲಿ ಗ್ರಾಹಕರ ಆರ್ಆರ್ ಸಂಖ್ಯೆ, ಬಳಸಿದ ನೀರಿನ ಪ್ರಮಾಣ, ಶುಲ್ಕ ಹಾಗೂ ಹಿಂದಿನ ಬಾಕಿ ಮೊತ್ತವನ್ನು ನೀಡಲಾಗಿದೆ. ಇದನ್ನು ಆಧರಿಸಿ ಗ್ರಾಹಕರು ಬಿಲ್ ಪಾವತಿಸಬಹುದು.
ಇದರ ಹೊರತಾಗಿಯೂ ಬಿಲ್ ವಿವರ ಪಡೆದುಕೊಳ್ಳಲು ಸಾಧ್ಯವಾಗದವರು ತಮ್ಮ ಆರ್ಆರ್ ಸಂಖ್ಯೆ, ಹೆಸರು ಹಾಗೂ ಮೊಬೈಲ್ ಸಂಖ್ಯೆಯನ್ನು 8762228888 ಸಂಖ್ಯೆಗೆ ವಾಟ್ಸ್ಆ್ಯಪ್ ಮಾಡಿದಲ್ಲಿ ಬಿಲ್ ವಿವರವನ್ನು ಕಳುಹಿಸಲಾಗುತ್ತದೆ ಎಂದು ಜಲ ಮಂಡಳಿ ತಿಳಿಸಿದೆ.
ಇನ್ನು ಗ್ರಾಹಕರು ಬಿಲ್ ಪಾವತಿಗೆ ಪೇಟಿಎಂ, ಗೂಗಲ್ ಪೇ, ಫೋನ್ ಪೇ ಹಾಗೂ ಆನ್ಲೈನ್ ಬ್ಯಾಂಕಿಂಗ್ ಮೂಲಕವೂ ಪಾವತಿಸಬಹುದು ಎಂದು ತಿಳಿಸಿದೆ. ವಿವರಗಳಿಗೆ https://www.bwssb.gov.in/ ಸಂಪರ್ಕಿಸಬಹುದು.
ಸಾವನ್ನು ಎದುರುನೋಡುತ್ತಿದ್ದ ಆ ಕ್ಷಣ- ಕರೋನಾ ಸೋಂಕಿನಿಂದ ಬಚಾವ್ ಆದ ಮಹಿಳೆಯೊಬ್ಬರ ಅನುಭವ ಕಥನ