ವಾಟ್ಸ್​ಆ್ಯಪ್​ ಬಳಕೆದಾರರೇ ಎಚ್ಚರ! ಸೈಬರ್ ಕ್ರಿಮಿನಲ್​ಗಳ ಹೊಸ ವಂಚನೆ, ಯಾಮಾರಿದ್ರೆ ಹಣ ಢಮಾರ್​ | WhatsApp

WhatsApp : ನಗರದ ಪ್ರದೇಶಗಳಲ್ಲಿ ದಿನದಿಂದ ದಿನಕ್ಕೆ ಪರಿಸ್ಥಿತಿ ಹದಗೆಡುತ್ತಿದೆ. ಯಾವ ರೀತಿ ಸುಲಭವಾಗಿ ಹಣ ಗಳಿಸಬಹುದು ಎಂದು ಹಲವು ವಂಚಕರು ಮಾಸ್ಟರ್ ಪ್ಲಾನ್ ಮಾಡುತ್ತಿದ್ದಾರೆ ಮತ್ತು ಅವರ ದುರಾಸೆಯಿಂದಾಗಿ ಅಮಾಯಕರು ಮೋಸ ಹೋಗುತ್ತಿದ್ದಾರೆ. ಅದರಲ್ಲೂ ಈ ಸೈಬರ್ ಕ್ರಿಮಿನಲ್​ಗಳು ಜನಸಾಮಾನ್ಯರು, ಸೆಲೆಬ್ರಿಟಿಗಳು ಹಾಗೂ ಸರ್ಕಾರಿ ಅಧಿಕಾರಿಗಳನ್ನು ಗುರಿಯಾಗಿಸಿ ಲಕ್ಷಗಟ್ಟಲೆ ಲೂಟಿ ಮಾಡುತ್ತಿದ್ದಾರೆ. ಕಾಲ ಬದಲಾದಂತೆ ವಂಚಕರ ವಂಚನೆ ಮಾಡುವ ರೀತಿಯು ಕೂಡ ಬದಲಾಗುತ್ತಿರುತ್ತದೆ. ಇತ್ತೀಚೆಗಷ್ಟೇ ಮತ್ತೊಂದು ಹೊಸ ರೀತಿಯ ವಂಚನೆ ಬೆಳಕಿಗೆ ಬಂದಿದೆ.

ಆಲ್​ಲೈನ್​​ನಲ್ಲಿ ಪೇ ಮಾಡುವಾಗ ಸಂಖ್ಯೆ ಬದಲಾಗಿಬಿಟ್ಟಿದೆ ದಯವಿಟ್ಟು ನಮ್ಮ ಹಣ ವಾಪಸ್​ ಕಳುಹಿಸಿ ಎಂದು ಹೇಳಿಕೊಂಡು ಹಣಕ್ಕೆ ಬೇಡಿಕೆ ಇಡುವ ಹೊಸ ವಂಚನೆ ಸದ್ಯಕ್ಕೆ ಎಲ್ಲೆಡೆ ಹೆಚ್ಚಾಗುತ್ತಿದೆ. ಈ ವಂಚನೆ ಮುಖ್ಯವಾಗಿ WhatsApp ಮೂಲಕ ನಡೆಯುತ್ತದೆ.

ಆನ್‌ಲೈನ್‌ನಲ್ಲಿ ಸೀರೆ ಖರೀದಿಸುವಾಗ ತಪ್ಪಾಗಿ ನಿಮ್ಮ ಸಂಖ್ಯೆಯನ್ನು ನಮೂದಿಸಿದ್ದೇನೆ ಎಂದು ಸುಳ್ಳು ಹೇಳುತ್ತಾರೆ. ಸಂದೇಶದ ಜೊತೆಗೆ, ನಿಮ್ಮ Google Pay ಗೆ ಹಣವನ್ನು ಕಳುಹಿಸಿರುವಂತೆ ತೋರಿಸುವ ನಕಲಿ ಸ್ಕ್ರೀನ್‌ಶಾಟ್ ಅನ್ನು ಸಹ ನಿಮಗೆ ಕಳುಹಿಸುತ್ತಾರೆ. ನೀವೇನಾದರೂ ಹಣ ನೀಡುವುದಿಲ್ಲ ಎಂದು ಉತ್ತರಿಸಿದರೆ, ಮುಂದಿನ ಕರೆ ನಿಮ್ಮ ಫೋನ್‌ಗೆ ಬರುತ್ತದೆ. ಶಾಂತಿಯುತವಾಗಿ ಹಣ ಕೇಳುತ್ತಾ ಪ್ರಾರಂಭವಾಗುವ ಸಂಭಾಷಣೆ ನಂತರ ಬೆದರಿಕೆಗಳಾಗಿ ಬದಲಾಗುತ್ತದೆ.

ನೀವು ಮೋಸ ಮಾಡಿದ್ದೀರಿ, ಆನ್‌ಲೈನ್ ಮಾಧ್ಯಮಗಳಲ್ಲಿ ಈ ಸುದ್ದಿ ಬರುತ್ತದೆ, ಪೊಲೀಸರಿಗೆ ದೂರು ನೀಡಲಾಗುತ್ತದೆ ಮತ್ತು ಸಾಮಾಜಿಕ ಮಾಧ್ಯಮಗಳಲ್ಲಿ ಸ್ಕ್ರೀನ್‌ಶಾಟ್ ಪ್ರಕಟಿಸಲಾಗುತ್ತದೆ ಎಂದು ಬೆದರಿಕೆ ಹಾಕುತ್ತಾರೆ. ಅಂತಿಮವಾಗಿ, QR ಕೋಡ್ ಕಳುಹಿಸಿ 'ಇದು ನಿಮ್ಮದಲ್ಲವೇ?' ಎಂದು ಕೇಳುತ್ತಾರೆ. ನೀವು ತಿಳಿಯದೆ ಕೋಡ್ ಅನ್ನು ಸ್ಕ್ಯಾನ್​ ಮಾಡಿದರೆ ಸಾಕು ನಿಮ್ಮ ಫೋನ್ ವಂಚಕರ ನಿಯಂತ್ರಣಕ್ಕೆ ಸಿಲುಕುತ್ತದೆ. ಅಂದರೆ, ನಿಮ್ಮ ಫೋನ್​ ಹ್ಯಾಕ್​ ಆಗುತ್ತದೆ. ಈ ವಂಚನೆಯು ಮುಖ್ಯವಾಗಿ ವೃದ್ಧರನ್ನು ಗುರಿಯಾಗಿಸುತ್ತದೆ. ಕೇರಳದ ಪಲ್ಲಿಕ್ಕರದ ನಿವೃತ್ತ ಶಿಕ್ಷಕರಿಂದ ಇದೇ ರೀತಿ 70,000 ರೂಪಾಯಿ ದೋಚಲಾಗಿದೆ.

ಇದನ್ನೂ ಓದಿ: ಅಮೆರಿಕ ಅಧ್ಯಕ್ಷರ ಹೆಲ್ತ್​ ಬುಲೆಟಿನ್​ ಬಿಡುಗಡೆ: ಅಪರೂಪದ ಕಾಯಿಲೆಯಿಂದ ಬಳಲುತ್ತಿದ್ದಾರೆ ಡೊನಾಲ್ಡ್​ ಟ್ರಂಪ್​! Donald Trump

ಗಮನಿಸಬೇಕಾದ ವಿಷಯಗಳು

* ನಿಮಗೆ ಪರಿಚಯವಿಲ್ಲದ ಸಂಖ್ಯೆಗಳಿಂದ ಬರುವ ಸಂದೇಶಗಳು ಅಥವಾ ಲಿಂಕ್‌ಗಳಿಗೆ ಯಾವುದೇ ಸಂದರ್ಭದಲ್ಲೂ ಪ್ರತಿಕ್ರಿಯಿಸಬೇಡಿ.

* ನೀವು ಕಳುಹಿಸದ ಹೊರತು ನಿಮ್ಮ QR ಕೋಡ್ ಅನ್ನು ಬೇರೆ ಯಾರೂ ಪಡೆಯಲು ಸಾಧ್ಯವಿಲ್ಲ. ಆದ್ದರಿಂದ, ಅಂತಹ ವಂಚನೆಗಳ ಬಗ್ಗೆ ಜಾಗರೂಕರಾಗಿರಿ.

* ನಿಮಗೆ ಪರಿಚಯವಿಲ್ಲದ ಯಾರೊಂದಿಗೂ ಚಾಟ್ ಮಾಡಬೇಡಿ. ಚಾಟ್ ಮಾಡುವಾಗ, ಸ್ಕ್ಯಾಮರ್‌ಗಳು ನಿಮಗೆ ತಿಳಿಯದೆ ನಿಮ್ಮ ಫೋನ್ ಅನ್ನು ನಿಯಂತ್ರಣಕ್ಕೆ ತೆಗೆದುಕೊಳ್ಳುತ್ತಾರೆ. ನಂತರ ಅವರು ಅದರ ಮೇಲೆ ನಿಯಂತ್ರಣ ಹೊಂದಿರುತ್ತಾರೆ.

* ಬ್ಯಾಂಕಿಂಗ್‌ಗೆ ಸಂಬಂಧಿಸಿದ ಯಾವುದೇ ಗೌಪ್ಯ ಮಾಹಿತಿಯನ್ನು ಅಂದರೆ OTP, ಖಾತೆ ಸಂಖ್ಯೆ, ಗ್ರಾಹಕ ID, ಪಾಸ್‌ವರ್ಡ್ ಇತ್ಯಾದಿಗಳನ್ನು ಬ್ಯಾಂಕ್ ಅಧಿಕಾರಿಗಳಿಗೆ ಸಹ ನೀಡಬೇಡಿ.

https://www.vijayavani.net/siddaramaiah-killed-by-meta-translation-blunder-gets-chief-ministers-goat

https://www.vijayavani.net/zodiac-signs-these-are-the-men-who-hurt-others-mentally-do-you-know-why