ಪೈಲ್ಸ್​ ಇರುವವರು ಈ ಆಹಾರಗಳನ್ನು ಬಿಟ್ಟುಬಿಡಿ! ಸಮಸ್ಯೆಯಿಂದ ಹೊರಬರಲು ಇಲ್ಲಿವೆ ಉಪಯುಕ್ತ ಸಲಹೆ | Piles

Piles: ಮೂಲವ್ಯಾಧಿ ಅಥವಾ ಪೈಲ್ಸ್​ ಸಮಸ್ಯೆ ಬಹುಜನರಲ್ಲಿ ಕಾಡುವ ತೀರ ಸಾಮಾನ್ಯ ರೋಗ. ಅದರಲ್ಲೂ ಇಂದಿನ ಪೀಳಿಗೆಯಲ್ಲಿ ಅನೇಕ ಜನರನ್ನು ಬೆಂಬಿಡದೆ ಕಾಡುತ್ತಿರುವ ಸಮಸ್ಯೆ ಈ ಮೂಲವ್ಯಾಧಿ. ಎಲ್ಲರೂ ಕುಳಿತರೆ ಸಾಕಪ್ಪ ಎಂದರೆ, ಪೈಲ್ಸ್​ನಿಂದ ಬಳಲುತ್ತಿರುವವರಿಗೆ ಕೂರುವುದೇ ಒಂದು ಸಮಸ್ಯೆ. ಇದರಿಂದ ಅನುಭವಿಸುವ ನೋವು ವರ್ಣನಾತೀತ. ಮನುಷ್ಯನ ಗುದದ್ವಾರದ ಸುತ್ತಲಿನ ರಕ್ತನಾಳಗಳ ಊತದಿಂದ ಇಂತಹ ವಿಪರೀತ ನೋವು ಕಾಡಲಾರಂಭಿಸುತ್ತದೆ.

ಇದನ್ನೂ ಓದಿ: ಯುಪಿಐಗೆ ಜಿಎಸ್​ಟಿ ಗುಮ್ಮ: ತೆರಿಗೆಗೆ ಹೆದರಿ ಸ್ಕ್ಯಾನರ್ ತೆಗೆದು ನಗದು ಪಡೆಯುತ್ತಿರುವ ವ್ಯಾಪಾರಿಗಳು! GST

ಇದು ಮಲವಿಸರ್ಜನೆ ಮಾಡುವಾಗ ಉರಿ, ರಕ್ತಸ್ರಾವ, ಊತ ಮತ್ತು ತೀವ್ರ ಅಸ್ವಸ್ಥತೆಯನ್ನು ಉಂಟುಮಾಡುತ್ತದೆ. ಈ ಸಮಸ್ಯೆಯನ್ನು ನಿಯಂತ್ರಣದಲ್ಲಿಡಲು, ಸರಿಯಾದ ಆಹಾರ ಸೇವನೆ ಅತೀ ಮುಖ್ಯ. ನಾವು ತಪ್ಪಾಗಿ, ಆಸೆಗೆ ಒಳಪಟ್ಟು ತಿನ್ನುವ ಕೆಲವು ಆಹಾರಗಳು ಮೂಲವ್ಯಾಧಿಯನ್ನು ಇನ್ನಷ್ಟು ಉಲ್ಬಣಗೊಳಿಸಬಹುದು ಮತ್ತು ದೈನಂದಿನ ಜೀವನವನ್ನು ತೀರ ಕಷ್ಟಕರವಾಗಿಸಬಹುದು. ಒಂದು ರೀತಿ ನರಕ ಎನ್ನಿಸಬಹುದು. ಅದಕ್ಕಾಗಿಯೇ ನಿಮ್ಮ ದೈನಂದಿನ ಆಹಾರ ಕ್ರಮದಲ್ಲಿ ಏನ್ನೆಲ್ಲ ಸೇವಿಸುತ್ತೀರಿ ಎಂಬುದನ್ನು ತಿಳಿಯುವುದು ಬಹಳ ಮುಖ್ಯ. ಮರೆತರೆ ಮೊಳೆ ಚುಚ್ಚಿದ ಅಥವಾ ಬಿಸಿ ಶಾಖದ ಅನುಭವ ಕಟ್ಟಿಟ್ಟಬುತ್ತಿ.

ಯಾವೆಲ್ಲ ಆಹಾರಗಳು ಡೇಂಜರ್​?

1. ಫೈಬರ್ ರಹಿತ ಆಹಾರ: ಮೂಲವ್ಯಾಧಿ ಇರುವವರು ಫೈಬರ್ ರಹಿತ ಆಹಾರವನ್ನು ಮುಟ್ಟಲೇಬಾರದು. ಉದಾ: ಬಿಳಿ ಬ್ರೆಡ್, ಪಿಜ್ಜಾ, ಪಾಸ್ತಾ ಮತ್ತು ಅನ್ನ. ಕಾರಣ, ಈ ಪದಾರ್ಥಗಳು ಮಲವನ್ನು ಗಟ್ಟಿಯಾಗಿಸುತ್ತದೆ. ಇದನ್ನೇನಾದರು ತಿಂದರೆ ಮಲವಿಸರ್ಜನೆಯ ಸಮಯದಲ್ಲಿ ಬಲವಾದ ಒತ್ತಡದ ಅಗತ್ಯವಿರುತ್ತದೆ. ಆಯಾಸಗೊಳಿಸುವುದರಿಂದ ಮೂಲವ್ಯಾಧಿ ಸಮಸ್ಯೆ ಮತ್ತಷ್ಟು ಹೆಚ್ಚುತ್ತದೆ.

2. ಮಸಾಲೆ ಮತ್ತು ಖಾರ ಆಹಾರಗಳು: ಖಾರಭರಿತ ಆಹಾರಗಳನ್ನು ಸಂಪೂರ್ಣವಾಗಿ ತ್ಯಜಿಸುವುದು ಉತ್ತಮ. ಮೆಣಸಿನಕಾಯಿ ಪಕೋಡ, ಗರಂ ಮಸಾಲ, ಕರಿ ಮತ್ತು ಉಪ್ಪಿನಕಾಯಿ ಸೇವನೆಯನ್ನು ಕಡಿತಗೊಳಿಸಿ. ಇವು ಗುದದ್ವಾರದಲ್ಲಿ ಉರಿಯೂತವನ್ನು ಹೆಚ್ಚಿಸುತ್ತವೆ. ಅವು ತೀವ್ರ ಅಸ್ವಸ್ಥತೆಯನ್ನೂ ಉಂಟುಮಾಡುತ್ತವೆ. ಪರಿಣಾಮವಾಗಿ, ರಕ್ತಸ್ರಾವ ಹೆಚ್ಚಾಗುತ್ತದೆ ಮತ್ತು ನಿದ್ರೆಯ ಮೇಲೂ ಪರಿಣಾಮ ಬೀರುತ್ತದೆ.

ಇದನ್ನೂ ಓದಿ:2007ರ ಟಿ20 ವಿಶ್ವಕಪ್‌ ಸೀನ್​ ರಿಪೀಟ್​: ವಿಂಡೀಸ್​ ಲೆಜೆಂಡ್ಸ್​ ವಿರುದ್ಧ ಬೌಲ್​ ಔಟ್​ನಲ್ಲಿ ಗೆದ್ದ ದಕ್ಷಿಣ ಆಫ್ರಿಕಾ! WCL3. ಹುರಿದ ಆಹಾರಗಳು, ಜಂಕ್ ಫುಡ್: ಮೂಲವ್ಯಾಧಿ ಸಮಸ್ಯೆ ಇರುವ ಮಂದಿ ಆದಷ್ಟು ಕರಿದ ತಿಂಡಿಗಳ ಸೇವನೆ ತ್ಯಜಿಸಬೇಕು. ಉದಾ: ಬಜ್ಜಿ, ಚಿಪ್ಸ್, ಬರ್ಗರ್‌ಗಳು, ಸಮೋಸಾ ಸೇರಿದಂತೆ ಜಂಕ್ ಫುಡ್‌ಗಳನ್ನು ತಪ್ಪಿಸಬೇಕು. ಇವುಗಳಲ್ಲಿ ಎಣ್ಣೆ ಅಧಿಕವಾಗಿದ್ದು, ಜೀರ್ಣಕ್ರಿಯೆಯನ್ನು ಕಡಿಮೆ ಮಾಡುತ್ತದೆ. ಇದು ಮಲವನ್ನು ಗಟ್ಟಿಯಾಗಿಸುತ್ತದೆ ಮತ್ತು ಮಲವಿಸರ್ಜನೆಯನ್ನು ಇನ್ನಷ್ಟು ಕಷ್ಟಕರವಾಗಿಸುತ್ತದೆ.

4. ಅತಿಯಾದ ಕೆಫೀನ್ ಮತ್ತು ಆಲ್ಕೋಹಾಲ್: ಕಾಫಿ, ಟೀ, ಬಿಯರ್, ವೈನ್ ಮತ್ತು ಸ್ಪಿರಿಟ್‌ಗಳಂತಹ ಪಾನೀಯಗಳನ್ನು ತಪ್ಪಿಸಿ. ಇವು ನಿರ್ಜಲೀಕರಣವನ್ನು ಹೆಚ್ಚಿಸುತ್ತವೆ ಮತ್ತು ದೇಹದಲ್ಲಿ ಅರೆನಿದ್ರಾವಸ್ಥೆಯನ್ನು ಉಂಟುಮಾಡುತ್ತವೆ. ದೇಹದಲ್ಲಿ ನೀರಿನಾಂಶ ಕಡಿಮೆಯಾದರೆ, ಮಲವು ಗಟ್ಟಿಯಾಗುತ್ತದೆ. ಇದು ಮಲವಿಸರ್ಜನೆಯ ಸಮಯದಲ್ಲಿ ನರಗಳ ಮೇಲೆ ಒತ್ತಡವನ್ನು ಹೆಚ್ಚಿಸುತ್ತದೆ.

5. ಸಕ್ಕರೆ ಆಹಾರಗಳು ಮತ್ತು ಸಂಸ್ಕರಿಸಿದ ಆಹಾರಗಳು: ಐಸ್ ಕ್ರೀಮ್‌, ತಂಪು ಪಾನೀಯ, ಬಿಸ್ಕತ್ತು, ಸಿಹಿತಿಂಡಿಗಳು ಇತ್ಯಾದಿಗಳಿಂದ ದೂರವಿರುವುದು ಉತ್ತಮ. ಏಕೆಂದರೆ, ಇವು ಫೈಬರ್ ಅನ್ನು ಹೊಂದಿರುವುದಿಲ್ಲ ಮತ್ತು ಕರುಳಿನ ಆರೋಗ್ಯಕ್ಕೆ ಹಾನಿಕಾರಕ. ರಕ್ತ ಪರಿಚಲನೆಯ ಮೇಲೆ ಪರಿಣಾಮ ಬೀರುವುದಲ್ಲದೆ, ಗುದನಾಳದ ನಾಳಗಳಲ್ಲಿ ಊತವನ್ನು ಹೆಚ್ಚಿಸುತ್ತವೆ. ಇದು ರಕ್ತಸ್ರಾವಕ್ಕೆ ಕಾರಣವಾಗುತ್ತದೆ.

ಮುನ್ನೆಚ್ಚರಿಕೆಗಳೇನು?

• ದಿನಕ್ಕೆ ಕನಿಷ್ಠ 8ರಿಂದ 10 ಗ್ಲಾಸ್ ನೀರು ಕುಡಿಯಿರಿ.
• ನಾರಿನಂಶವಿರುವ ಆಹಾರವನ್ನು ಸೇವಿಸಿ (ಓಟ್ಸ್, ಗೋಧಿ ಬ್ರೆಡ್, ಹಸಿರು ತರಕಾರಿಗಳು)
• ವಾಕಿಂಗ್​ ಮತ್ತು ಲಘು ವ್ಯಾಯಾಮ.
• ಮದ್ಯಪಾನ ಮತ್ತು ಕರಿದ ಆಹಾರ ಸಂಪೂರ್ಣ ತ್ಯಜಿಸಿ
• ನಿಯಮಿತವಾಗಿ ಮಲವಿಸರ್ಜನೆ ಮಾಡಿ.
• ವಾಶ್ ರೂಂನಲ್ಲಿ ಹೆಚ್ಚು ಹೊತ್ತು ಕುಳಿತುಕೊಳ್ಳಬೇಡಿ.

ವಿಶೇಷ ಸೂಚನೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ, ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

https://www.vijayavani.net/husband-murder-case-wife-chating-details