ಕೊಯಮತ್ತೂರು: ಮಕ್ಕಳ್ ನಿಧಿ ಮಯ್ಯಂ (ಎಂಎನ್ಎಂ) ಪಕ್ಷದ ಸಂಸ್ಥಾಪಕ ಹಾಗೂ ನಟ ಕಮಲ್ ಹಾಸನ್, ತಮಿಳುನಾಡು ವಿಧಾನಸಭಾ ಚುನಾವಣೆಯಲ್ಲಿ ಕೊಯಮತ್ತೂರು (ದಕ್ಷಿಣ) ಕ್ಷೇತ್ರದಿಂದ ಸ್ಪರ್ಧಿಸಿ ಸೋಲುಂಡ ಬೆನ್ನಲ್ಲೇ ಮಗಳು ಶ್ರುತಿ ಹಾಸನ್ ಅವರು ಮಾಡಿರುವ ಇನ್ಸ್ಟಾಗ್ರಾಂ ಪೋಸ್ಟ್ ವೈರಲ್ ಆಗಿದೆ.
ನಿನ್ನೆ (ಮೇ 2) ಮತಎಣಿಕೆ ಪೂರ್ಣಗೊಂಡ ಬಳಿಕ ಶ್ರುತಿ ಅವರು ರಾತ್ರಿ ಇನ್ಸ್ಟಾಗ್ರಾಂ ಸ್ಟೋರಿಯನ್ನು ಶೇರ್ ಮಾಡಿಕೊಂಡಿದ್ದು, “ಯಾವಾಗಲು ನನ್ನ ತಂದೆಯ ಮೇಲೆ ನನಗೆ ತುಂಬಾ ಹೆಮ್ಮೆ ಇದೆ” ಎಂದು ಬರೆದುಕೊಂಡಿದ್ದಾರೆ. ಅಲ್ಲದೆ, #Terminator ಮತ್ತು #TheFighter ಎಂಬ ಹ್ಯಾಷ್ಟ್ಯಾಗ್ಗಳನ್ನು ಸ್ಟೋರಿಯಲ್ಲಿ ಸೇರಿಸಿದ್ದಾರೆ.
ಏಪ್ರಿಲ್ 6ರಂದು ನಡೆದ ಮತದಾನದ ವೇಳೆ ಶ್ರುತಿ ಹಾಸನ್, ತಂದೆ ಕಮಲ್ ಹಾಸನ್ ಮತ್ತು ಸಹೋದರಿ ಅಕ್ಷರ ಹಾಸನ್ ಜತೆಯಲ್ಲಿ ಬಂದು ವೋಟ್ ಮಾಡಿದ್ದರು. ಈ ವೇಳೆ ವೋಟ್ ಮಾಡುವ ಮುನ್ನ ಇನ್ಸ್ಟಾಗ್ರಾಂನಲ್ಲಿ ಕುಟುಂಬದ ಫೋಟೋ ಪೋಸ್ಟ್ ಮಾಡಿ, ಮತದಾನ ಮಾಡುವ ಸಮಯ ಎಂದು ಬರೆದುಕೊಂಡಿದ್ದರು.
View this post on Instagram
ನಿನ್ನೆ ನಡೆದ ಮತಎಣಿಕೆಯಲ್ಲಿ ಆರಂಭದಲ್ಲಿ ಕಮಲ್ ಹಾಸನ್ ಮುನ್ನಡೆ ಕಾಯ್ದುಕೊಂಡಿದ್ದರು. ಆದರೆ, ಸಂಜೆ ಆರು ಗಂಟೆಯ ಸಮಯದಲ್ಲಿ ಬಿಜೆಪಿಯ ವಾನಥಿ ಶ್ರೀನಿವಾಸನ್, ಕಮಲ್ರನ್ನು ಹಿಂದಿಕ್ಕಿ ಮುನ್ನಡೆ ಕಾಯ್ದುಕೊಂಡರು ಕೊನೆಗೂ 1500 ಮತಗಳಿಂದ ವಾನಥಿ, ಕಮಲ್ ಹಾಸನ್ರಿಗೆ ಸೋಲುಣಿಸಿದರು.
ಅಚ್ಚರಿಯೆಂದರೆ ಕಮಲ್ ಒಟ್ಟು ಮತಗಳಲ್ಲಿ ಶೇ. 33.26 ರಷ್ಟು ಪಡೆದುಕೊಂಡು ಒಳ್ಳೆಯ ಪೈಪೋಟಿ ನೀಡಿದ್ದಾರೆ. ವಾನಥಿ ಅವರು 34.38 ರಷ್ಟು ಮತಗಳನ್ನು ಪಡೆದುಕೊಂಡಿದ್ದಾರೆ. ಫಲಿತಾಂಶ ಹೊರಬಿದ್ದ ಬಳಿಕ ಟ್ವೀಟ್ ಮಾಡಿ ತನಗೆ ವೋಟ್ ಮಾಡಿದವರಿಗೆ ಕಮಲ್ ಧನ್ಯವಾದಗಳನ್ನು ತಿಳಿಸಿದ್ದಾರೆ. ಅಲ್ಲದೆ, ತಮಿಳುನಾಡಿ ಅತಿದೊಡ್ಡ ಪಕ್ಷವಾಗಿ ಹೊರಹೊಮ್ಮಿದ ಡಿಎಂಕೆಯ ಮುಖ್ಯಸ್ಥ ಎಂ.ಕೆ. ಸ್ಟಾಲಿನ್ಗೆ ಶುಭಕೋರಿದ್ದಾರೆ.
ನಿನ್ನೆಯಯ ಫಲಿತಾಂಶದ ಪ್ರಕಾರ ಒಟ್ಟು 234 ವಿಧಾನಸಭಾ ಸ್ಥಾನಗಳಲ್ಲಿ 159 ಸ್ಥಾನಗಳನ್ನು ಗೆದ್ದಿದ್ದು, ಅಧಿಕಾರ ಹಿಡಿಯುವಲ್ಲಿ ಯಶಸ್ವಿಯಾಗಿದೆ. (ಏಜೆನ್ಸೀಸ್)
ವಿದೇಶಿ ಮಹಿಳೆಯರ ಜತೆ ಧಾರಾವಾಹಿ ನಟನ ಅಕ್ರಮ ಸಂಬಂಧ: ಪತಿಯ ಕರಾಳ ಮುಖ ಬಿಚ್ಚಿಟ್ಟ ಪತ್ನಿ!
ಒಂದೊಂದಾಗಿ ಕಳಚಿ ಬೀಳ್ತಿದೆ ಕಿಲಾಡಿ ಲೇಡಿಯ ಮುಖವಾಡ: ಬೆತ್ತಲೆ ವಿಡಿಯೋ ಕರೆಯೇ ಇವಳ ಬಂಡವಾಳ!
ಫೇಸ್ಬುಕ್ನಲ್ಲಿ ಪರಿಚಯ ಮಾಡ್ಕೊಂಡು ವಿಡಿಯೋ ಕಾಲ್ನಲ್ಲಿ ನೀಚ ಕೃತ್ಯ: ಕಿಲಾಡಿ ಲೇಡಿ ಬಂಧನ