ನಿಮ್ಮ ಮಗುವಿನ ಉತ್ತಮ ಕಲಿಕೆಗಾಗಿ ಯಾವ ಬಣ್ಣದ ಬ್ಯಾಗ್​​ ಖರೀದಿಸಬೇಕು; ವಾಸ್ತು ಶಾಸ್ತ್ರ ಹೇಳೋದೇನು?Vastu Tips

Vastu Tips : ಸದ್ಯಕ್ಕೆ ಶಾಲಾ ಹಾಗೂ ಕಾಲೇಜುಗಳಲ್ಲಿ ಬೇಸಿಗೆ ರಜೆ ನೀಡಲಾಗಿದೆ. ಕೆಲವೇ ದಿನಗಳಲ್ಲಿ ಎಲ್ಲಾ ಶಾಲೆಗಳು ಕೂಡ ಓಪನ್​ ಆಗಲಿವೆ. ಇನ್ನೂ ತಮ್ಮ ಮಕ್ಕಳ ವಿದ್ಯಾಭ್ಯಾಸಕ್ಕಾಗಿ ನೋಟ್‌ಬುಕ್‌ಗಳ ಜೊತೆಗೆ ಹೊಸ ಶಾಲಾ ಬ್ಯಾಗ್​ಗಳನ್ನು ಸಹ ಪೋಷಕರು ಖರೀದಿಸುತ್ತಾರೆ. ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ವಿವಿಧ ಬಣ್ಣದ ಮತ್ತು  ಹೊಸ ವಿನ್ಯಾಸದ ಶಾಲಾ ಬ್ಯಾಗ್​ಗಳು ಲಭ್ಯವಿದ್ದು, ಮಕ್ಕಳು ಸಹ ತಮ್ಮ ಆಯ್ಕೆಯ ಬ್ಯಾಗ್​ಗಳನ್ನು ಖರೀದಿಸಲು ಮುಂದಾಗುತ್ತಾರೆ.

ಇದನ್ನೂ ಓದಿ: ಈ ವರ್ಷದಲ್ಲಿ ಕನ್ನಡಕ್ಕೆ ಡಬ್ ಆಗಲಿರುವ ಬಿಗ್​ ಸಿನಿಮಾಗಳು ಇವೇ ನೋಡಿ; Dubbed Movie

ಆದರೆ ನಿಮ್ಮ ಶಾಲಾ ಚೀಲದ ಬಣ್ಣವು ನಿಮ್ಮ ಮಗುವಿನ ಅಧ್ಯಯನ ಮತ್ತು ಮನಸ್ಥಿತಿಯ ಮೇಲೂ ಪರಿಣಾಮ ಬೀರುತ್ತದೆ ಎಂದು ನಿಮಗೆ ತಿಳಿದಿದೆಯೇ? ಹೌದು ವಾಸ್ತು ಪ್ರಕಾರ ನಿಮ್ಮ ಮಕ್ಕಳಿಗೆ ಶಾಲಾ ಚೀಲವನ್ನು ಖರೀದಿಸುವಾಗ ನೀವು ಕೆಲವು ವಿಷಯಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳಬೇಕು. ಅವರ ಶಾಲಾ ಬ್ಯಾಗ್‌ನ ಬಣ್ಣವನ್ನು ಸಹ ಗಣನೆಗೆ ತೆಗೆದುಕೊಳ್ಳಬೇಕು. ಹಾಗಾದ್ರೆ ಮಕ್ಕಳ ಶಾಲಾ ಬ್ಯಾಗ್​ಗಳು ಯಾವ ಬಣ್ಣದಲ್ಲಿರಬೇಕು ಎಂಬುದನ್ನು ತಿಳಿಯೋಣ.

ಕೆಂಪು, ಬಿಳಿ ಮತ್ತು ಕಿತ್ತಳೆ ಬಣ್ಣ ಉತ್ತಮ:

ನೀವು ಕೆಂಪು, ಬಿಳಿ ಅಥವಾ ಕಿತ್ತಳೆ ಬಣ್ಣದ ಚೀಲವನ್ನು ಸಹ ಆಯ್ಕೆ ಮಾಡಬಹುದು. ಕೆಂಪು ಮತ್ತು ಬಿಳಿ ಬಣ್ಣಗಳು ಉತ್ಸಾಹ ಮತ್ತು ಸಕಾರಾತ್ಮಕ ಶಕ್ತಿಯನ್ನು ಸಂಕೇತಿಸುತ್ತವೆ. ಕಿತ್ತಳೆ ಬಣ್ಣವು ಮಗುವಿನಲ್ಲಿ ಚಟುವಟಿಕೆ ಮತ್ತು ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ ಎಂದು ನಂಬಲಾಗಿದೆ. ಇಂತಹ ವರ್ಣರಂಜಿತ ಚೀಲಗಳು ಮಗುವನ್ನು ಮಾನಸಿಕವಾಗಿ ಆರೋಗ್ಯವಾಗಿ ಮತ್ತು ಪ್ರೇರೇಪಿತವಾಗಿಡಲು ಸಹಾಯ ಮಾಡುತ್ತದೆ.

ಹಸಿರು ಮತ್ತು ಹಳದಿ ಬಣ್ಣ ಉತ್ತಮ:

ಇದನ್ನೂ ಓದಿ: 15,000 ಕೋಟಿ ವೆಚ್ಚದ ಅಂಬಾನಿ ಮನೆಯಲ್ಲಿ 'AC' ಇಲ್ಲ! ಹಾಗಿದ್ರೆ ಏನಿದರ ಸೀಕ್ರೇಟ್​; Ambani

ವಾಸ್ತು ಶಾಸ್ತ್ರದ ಪ್ರಕಾರ ಮಕ್ಕಳ ಶಾಲಾ ಬ್ಯಾಗ್​ಗಳು ಹಸಿರು ಮತ್ತು ಹಳದಿ ಬಣ್ಣಗಳನ್ನು ಹೊಂದಿದ್ದರೆ ಅದು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಹಸಿರು ಬಣ್ಣವು ಗಣೇಶನೊಂದಿಗೆ ಸಂಬಂಧ ಹೊಂದಿದೆ, ಅವರನ್ನು ಬುದ್ಧಿವಂತಿಕೆ ಮತ್ತು ಜ್ಞಾನದ ದೇವರು ಎಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ ಹಳದಿ ಬಣ್ಣವು ಗುರು ಗ್ರಹವನ್ನು ಸಂಕೇತಿಸುತ್ತದೆ. ಇದು ಶಿಕ್ಷಣ, ತಿಳುವಳಿಕೆ ಮತ್ತು ಸಕಾರಾತ್ಮಕ ಚಿಂತನೆಯನ್ನು ಉತ್ತೇಜಿಸುತ್ತದೆ. ಈ ಬಣ್ಣದ ಶಾಲಾ ಚೀಲದಲ್ಲಿ ಪುಸ್ತಕಗಳನ್ನು ಇಡುವುದರಿಂದ ಮಗುವಿನ ಏಕಾಗ್ರತೆ ಮತ್ತು ಕಲಿಕಾ ಸಾಮರ್ಥ್ಯ ಸುಧಾರಿಸುತ್ತದೆ ಎಂದು ನಂಬಲಾಗಿದೆ.

ಈ ಬಣ್ಣದ ಬ್ಯಾಗ್​ಗಳನ್ನು ಖರೀದಿಸಬೇಡಿ

ಈ ಲೇಖನದಲ್ಲಿ ತಿಳಿಸಿರುವ ಮಾಹಿತಿ ನಿಖರತೆ ಅಥವಾ ವಿಶ್ವಾಸಾರ್ಹತೆಯನ್ನು ಖಾತರಿಪಡಿಸಿಲ್ಲ. ಈ ಮಾಹಿತಿಯನ್ನು ಜ್ಯೋತಿಷಿಗಳು, ಪಂಚಾಂಗಗಳು, ಅಥವಾ ಧರ್ಮಗ್ರಂಥಗಳಂತಹ ವಿವಿಧ ಮೂಲಗಳಿಂದ ಸಂಗ್ರಹಿಸಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ಸಂಬಂಧಿತ ತಜ್ಞರನ್ನು ಸಂಪರ್ಕಿಸಿ.

(ಏಜೆನ್ಸೀಸ್)

ನೀಲಿ ಮತ್ತು ಕಪ್ಪು ಬಣ್ಣದ ಚೀಲಗಳು ಮಾರುಕಟ್ಟೆಯಲ್ಲಿ ಹೆಚ್ಚು ಲಭ್ಯವಿರುತ್ತವೆ. ಆದರೆ ಜ್ಯೋತಿಷ್ಯ ಮತ್ತು ಬಣ್ಣಗಳ ಮನೋವಿಜ್ಞಾನದ ಪ್ರಕಾರ, ಈ ಬಣ್ಣಗಳನ್ನು ಮಕ್ಕಳಿಗೆ ಶುಭವೆಂದು ಪರಿಗಣಿಸಲಾಗುವುದಿಲ್ಲ. ನೀಲಿ ಬಣ್ಣವು ಶನಿ ಗ್ರಹಕ್ಕೆ ಸಂಬಂಧಿಸಿರುವುದರಿಂದಾಗಿ, ಇದು ಏಕಾಗ್ರತೆಗೆ ಅಡ್ಡಿಯಾಗಬಹುದು. ಮತ್ತೊಂದೆಡೆ, ಕಪ್ಪು ಬಣ್ಣವು ದುಃಖ, ನಕಾರಾತ್ಮಕತೆ ಮತ್ತು ಆಯಾಸವನ್ನು ಹೆಚ್ಚಿಸುತ್ತದೆ. ಈ ಬಣ್ಣದ ಶಾಲಾ ಚೀಲಗಳು ಮಕ್ಕಳಿಗೆ ಅಧ್ಯಯನದಲ್ಲಿ ಆಸಕ್ತಿ ಕಡಿಮೆ ಮಾಡುತ್ತದೆ ಮತ್ತು ಅವರ ಮನಸ್ಥಿತಿಯನ್ನು ಬೇಗನೆ ಹಾಳು ಮಾಡುತ್ತದೆ ಎಂದು ನಂಬಲಾಗಿದೆ.