ವೆಬ್‌ಡೆಸ್ಕ್

ಸಾವಿನ ಕಟು ಸತ್ಯ: ಕೊನೆಗಾಲ ಹತ್ತಿರ ಬಂದಾಗ ಮನುಷ್ಯನಿಗೆ ಕಾಣಿಸುವ ಆ ವಿಚಿತ್ರ ಮುನ್ಸೂಚನೆಗಳಿವು! Signs Before Death

Signs Before Death ಸಾಂದರ್ಭಿಕ ಚಿತ್ರ
Signs Before Death ಸಾಂದರ್ಭಿಕ ಚಿತ್ರ
ಭಾನುಪ್ರಿಯ ಡಿ.ಕೆ
Published on: 

ಪ್ರಮುಖ ಮುಖ್ಯಾಂಶಗಳು

  • ಹುಟ್ಟು ಮತ್ತು ಸಾವು ಪ್ರಕೃತಿಯ ನಿಯಮ ಎಂದು ಎಲ್ಲರಿಗೂ ತಿಳಿದಿರುವಂತಹ ಸತ್ಯ
  • ಜನನ ಮತ್ತು ಮರಣ ಯಾವಾಗ ಸಂಭವಿಸುತ್ತದೆ ಎಂಬುದು ಯಾವಾಗಲೂ ನಿಗೂಢ
  • ಪ್ರತಿಯೊಬ್ಬ ಮನುಷ್ಯನೂ ಸಾವಿಗೆ ಮೊದಲು ಕೆಲವೊಂದು ಚಿಹ್ನೆಗಳನ್ನು ಅನುಭವಿಸುತ್ತಾನೆ
Signs Before Death: ಹುಟ್ಟು ಮತ್ತು ಸಾವು ಪ್ರಕೃತಿಯ ನಿಯಮ ಎಂದು ಎಲ್ಲರಿಗೂ ತಿಳಿದಿರುವಂತಹ ಸತ್ಯ. ಜನನ ಮತ್ತು ಮರಣ ಯಾವಾಗ ಸಂಭವಿಸುತ್ತದೆ ಎಂಬುದು ಯಾವಾಗಲೂ ನಿಗೂಢವಾಗಿಯೇ ಇರುತ್ತದೆ. ಪ್ರಪಂಚದಾದ್ಯಂತದ ವಿವಿಧ ಧರ್ಮಗಳು, ಧರ್ಮಗ್ರಂಥಗಳು ಮತ್ತು ನಂಬಿಕೆಗಳು ಸಾವಿಗೆ ಮುಂಚಿನ ಚಿಹ್ನೆಗಳನ್ನು ಉಲ್ಲೇಖಿಸುತ್ತವೆ. ಆದರೆ, ಈ ಚಿನ್ಹೆಗಳು ವೈಜ್ಞಾನಿಕವಾಗಿ ಸಾಬೀತಾಗಿಲ್ಲದಿದ್ದರೂ ಅನೇಕ ಜನರು ಅವುಗಳನ್ನು ಆಧ್ಯಾತ್ಮಕ ಚಿಹ್ನೆಗಳಾಗಿ ನೋಡುತ್ತಾರೆ.
ಗರುಡ ಪುರಾಣದ ಪ್ರಕಾರ ಪ್ರತಿಯೊಬ್ಬ ಮನುಷ್ಯನೂ ಸಾವಿಗೆ ಮೊದಲು ಕೆಲವೊಂದು ಚಿಹ್ನೆಗಳನ್ನು ಅನುಭವಿಸುತ್ತಾನೆ ಎಂದು ಉಲ್ಲೇಖಿಸಿದೆ. ಹಾಗಿದ್ದರೆ, ಸಾವಿಗೆ ಮೊದಲು ಕಾಣಿಸಿಕೊಳ್ಳುವ ಚಿಹ್ನೆಗಳು ಯಾವುದು ಎಂದು ನೋಡೋಣ ಬನ್ನಿ....

1. ನಿಮ್ಮ ಅಂಗೈಯಲ್ಲಿರುವ ರೇಖೆಗಳಲ್ಲಿನ ಬದಲಾವಣೆಗಳು

ಸಾಮುದ್ರಿಕ ಶಾಸ್ತ್ರದ ಪ್ರಕಾರ, ವ್ಯಕ್ತಿಯ ಅಂಗೈಯಲ್ಲಿರುವ ರೇಖೆಗಳು ಜೀವನಕ್ಕೆ ಸಂಬಂಧಿಸಿದ ಅನೇಕ ಸುಳಿವುಗಳನ್ನು ಬಹಿರಂಗಪಡಿಸುತ್ತವೆ. ಮಾನವನ ಅಂತ್ಯ ಸಮೀಪ ಬಂದಂತೆಯೇ ಅಂಗೈಯಲ್ಲಿರುವ ಕೆಲವು ರೇಖೆಗಳು ಮಸುಕಾಗಲು ಪ್ರಾರಂಭಿಸುತ್ತವೆ ಎಂದು ಸೂಚಿಸುತ್ತಾರೆ.

2. ಹತ್ತಿರದಲ್ಲಿ ಅದೃಶ್ಯ ಉಪಸ್ಥಿತಿ

ಕೆಲವು ನಂಬಿಕೆಗಳ ಪ್ರಕಾರ, ಸಾವು ಸಮೀಪಿಸುತ್ತಿದ್ದಂತೆಯೇ ವ್ಯಕ್ತಿಯು ಹತ್ತಿರದಲ್ಲಿ ಅದೃಶ್ಯ ಉಪಸ್ಥಿತಿಯನ್ನು ಅನುಭವಿಸುತ್ತಾನೆ. ಅನೇಕರು ಇದನ್ನು ಪೂರ್ವಜರ ಅಥವಾ ಕಾಣದ ಶಕ್ತಿಗಳ ಉಪಸ್ಥಿತಿಗೆ ಕಾರಣವೆಂದು ಹೇಳುತ್ತಾರೆ. ಕೆಲವು ನಂಬಿಕೆಗಳ ಪ್ರಕಾರ, ಯಮದೂತರು ಅಂತಿಮ ಕ್ಷಣಗಳಲ್ಲಿ ಸುತ್ತಾಡುತ್ತಾರೆ ಎಂದು ಹೇಳುತ್ತವೆ.

3. ಹಠಾತ್ ಕತ್ತಲೆ

ಒಬ್ಬ ವ್ಯಕ್ತಿಯು ಏಳುವಾಗ, ಕುಳಿತುಕೊಳ್ಳುವಾಗ ಅಥವಾ ನಡೆಯುವಾಗ ಪದೇ ಪದೇ ಕತ್ತಲೆಯನ್ನು ಅನುಭವಿಸಿದರೆ, ಅದನ್ನು ಹಗುರವಾಗಿ ಪರಿಗಣಿಸಬಾರದು. ಧಾರ್ಮಿಕ ನಂಬಿಕೆಗಳು ಇದನ್ನು ಒಂದು ಸಂಕೇತವೆಂದು ಪರಿಗಣಿಸುತ್ತವೆ. ಅದೇ ರೀತಿ, ಹಠಾತ್​ ಆಗಿ ಬೆಳಕಿನ ಮಿಂಚು ಅಥವಾ ಕನಸಿನಲ್ಲಿ ಕತ್ತೆ ಕಂಡು ಬಂದರೆ ಅದು ಕೂಡಾ ಸಾವಿಗೆ ಹತ್ತಿರದಲ್ಲಿದ್ದೇವೆ ಎಂಬ ಸೂಚನೆಯನ್ನು ನೀಡುತ್ತದೆ.

4. ವಿಭಿನ್ನವಾಗಿ ಕಾಣುವ ನೆರಳು/ಪ್ರತಿಬಿಂಬ

ಕೆಲವು ಧಾರ್ಮಿಕ ನಂಬಿಕೆಗಳು ಹೇಳುವಂತೆ, ಒಬ್ಬ ವ್ಯಕ್ತಿಯು ನೀರು, ಕನ್ನಡಿ ಅಥವಾ ಎಣ್ಣೆಯಲ್ಲಿ ತನ್ನದೇ ಆದ ಪ್ರತಿಬಿಂಬವನ್ನು ವಿಚಿತ್ರ ರೀತಿಯಲ್ಲಿ ನೋಡಲು ಪ್ರಾರಂಭಿಸಿದರೆ, ಅದು ಜೀವನದಲ್ಲಿ ಪ್ರಮುಖ ಬದಲಾವಣೆಗಳ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಕೆಲವೊಮ್ಮೆ, ಒಬ್ಬ ವ್ಯಕ್ತಿಯು ತನ್ನನ್ನು ತಾನು ವಿಭಿನ್ನವಾಗಿ ನೋಡಿದರೆ ಅದು ಪುರಾಣವಾಗಿರಬಹುದು. ಆದರೆ ಸಾಂಪ್ರದಾಯಿಕ ನಂಬಿಕೆಗಳು ಇದನ್ನು ಸಾವಿನ ಸಂಕೇತವೆಂದು ನೋಡುತ್ತವೆ.

5. ವಿಚಿತ್ರ ಕನಸುಗಳು

ಕನಸಿನ ವಿಜ್ಞಾನದ ಪ್ರಕಾರ, ನಿಮ್ಮ ಕನಸಿನಲ್ಲಿ ಮೃತರಾದ ಹಿರಿಯರು ನಗುತ್ತಾ, ಆಶೀರ್ವಾದ ಮಾಡುತ್ತಾ ಅಥವಾ ಊಟ ಮಾಡುತ್ತಾ ಕಾಣಿಸಿಕೊಂಡರೆ, ಅದು ಅತ್ಯಂತ ಶುಭ ಸಂಕೇತವೆಂದು ಪರಿಗಣಿಸಲಾಗಿದೆ. ಕೆಲವೊಮ್ಮೆ ನಿಮ್ಮ ಪ್ರೀತಿ ಪಾತ್ರರು ಈ ರೀತಿಯ ಕನಸುಗಳನ್ನು ಒಳಗೊಂಡಾಗ ಅದನ್ನು ಸಾವಿನ ಸಂಕೇತವೆಂದು ಅರ್ಥೈಸಬಹುದು.

ನಂಬಿಕೆಯ ಜೊತೆಗೆ ಆರೋಗ್ಯವೂ ಮುಖ್ಯ

ಸಾವು ಮತ್ತು ಅದಕ್ಕೆ ಸಂಬಂಧಿಸಿದ ಚಿಹ್ನೆಗಳ ಬಗ್ಗೆ ವಿಭಿನ್ನ ಜನರು ವಿಭಿನ್ನ ನಂಬಿಕೆಗಳನ್ನು ಹೊಂದಿರುತ್ತಾರೆ. ಆದಾಗ್ಯೂ, ನಿಮ್ಮ ದೇಹ ಅಥವಾ ಮನಸ್ಸಿನಲ್ಲಿ ಇದ್ದಕ್ಕಿದ್ದಂತೆ ಯಾವುದೇ ಅಸಾಮಾನ್ಯ ಬದಲಾವಣೆಗಳನ್ನು ನೀವು ಅನುಭವಿಸಿದರೆ, ಅದು ಒಂದು ಸೂಚನೆ ಎಂದು ತಳ್ಳಿಹಾಕುವ ಬದಲಿಗೆ ವೈದ್ಯರ ಬಳಿ ಹೋಗಿ ನಿಮ್ಮ ಆರೋಗ್ಯವನ್ನು ಪರೀಕ್ಷೆ ಮಾಡಿಸಿಕೊಳ್ಳುವುದು ಮುಖ್ಯವಾಗಿರುತ್ತದೆ (ಏಜೆನ್ಸೀಸ್​).
ವಿಶೇಷ ಸೂಚನೆ: ಈ ಮೇಲೆ ಉಲ್ಲೇಖಿಸಲಾದ ಎಲ್ಲ ಮಾಹಿತಿಯನ್ನು ವಿವಿಧ ಮಾಧ್ಯಮಗಳು, ಜ್ಯೋತಿಷಿಗಳು/ ಪಂಚಾಂಗಗಳು/ ನಂಬಿಕೆಗಳು/ ಹಾಗೂ ಆಧ್ಯಾತ್ಮಿಕ ಪಠ್ಯಗಳಿಂದ ಸಂಗ್ರಹಿಸಲಾಗಿದೆ. ಮಾಹಿತಿ ನೀಡುವುದು ಮಾತ್ರ ನಮ್ಮ ಉದ್ದೇಶವಾಗಿದ್ದು, ಇದನ್ನು ವಿಜಯವಾಣಿ ವೆಬ್​ಸೈಟ್​ ಜವಾಬ್ದಾರರಾಗಿರುವುದಿಲ್ಲ.
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net