ನನ್ನ ಒಪ್ಪಿಗೆಯಿಲ್ಲದೆ ಮುತ್ತಿಟ್ಟು, ಕಪಾಳಕ್ಕೆ ಹೊಡೆದಿದ್ದ!...ನಟ ಕರಣ್ ಕುಂದ್ರಾ ಅಸಲಿ ಮುಖ ಬಯಲು ಮಾಡಿದ ಸಾನ್ವಿ ತಲ್ವಾರ್! Saanvie Tallwar

ಧಾರಾವಾಹಿಯ ದೃಶ್ಯ ಒಂದರ ಚಿತ್ರೀಕರಣದ ವೇಳೆ ಕರಣ್ ಕುಂದ್ರಾ ಅವರು ಸಾನ್ವಿಗೆ ಮುತ್ತಿಕ್ಕಬೇಕಿತ್ತು. ಆದರೆ, ಸ್ಕ್ರಿಪ್ಟ್‌ನಲ್ಲಿದ್ದಕ್ಕಿಂತ ಭಿನ್ನವಾಗಿ ಕರಣ್ ತಮ್ಮ ಒಪ್ಪಿಗೆಯಿಲ್ಲದೆ ಮುತ್ತಿಕ್ಕಿದರು ಎಂದು ಸಾನ್ವಿ ಹೇಳಿದ್ದಾರೆ. ಇದರಿಂದ ಆಘಾತಕ್ಕೊಳಗಾದ ಸಾನ್ವಿ, ತಮ್ಮ ಆತ್ಮಗೌರವಕ್ಕಾಗಿ ದೃಶ್ಯ ಮುಗಿದ ತಕ್ಷಣ ಕರಣ್‌ಗೆ ಕಪಾಳಮೋಕ್ಷ ಮಾಡಿದ್ದರು. ಇದರಿಂದ ಕೋಪಗೊಂಡ ಕುಂದ್ರಾ ಹಿಂತಿರುಗಿ ತಮಗೂ ಕಪಾಳಮೋಕ್ಷ ಮಾಡಿದ್ದರು ಎಂದು ಆರೋಪಿಸಿದ್ದಾರೆ.

ಒಬ್ಬ ಹುಡುಗಿ ಕೋಪದಲ್ಲಿ ಅಥವಾ ತೀವ್ರತೆಯಲ್ಲಿ ನೀಡುವ ಪ್ರತಿಕ್ರಿಯೆಗೂ, ಒಬ್ಬ ಪುರುಷ ಬಲಪ್ರಯೋಗಿಸಿ ಹೊಡೆಯುವ ಕಪಾಳಮೋಕ್ಷಕ್ಕೂ ಬಹಳ ವ್ಯತ್ಯಾಸವಿದೆ. ಕರಣ್ ನನಗೆ ಎಷ್ಟು ಜೋರಾಗಿ ಹೊಡೆದರೆಂದರೆ, ಆ ಪೆಟ್ಟಿನ ಭರಕ್ಕೆ ನಾನು ಕೆಳಗೆ ಬಿದ್ದೆ ನಂತರ ಅವರು ನನ್ನನ್ನು ಮತ್ತು ನನ್ನ ಕುಟುಂಬವನ್ನು ಅವಮಾನಿಸಿದನು. ಯಾರೂ ನನ್ನನ್ನು ಬೆಂಬಲಿಸಲಿಲ್ಲ. ನಂತರ ನಿರ್ದೇಶಕಿ ಏಕ್ತಾ ಮೇಡಂ ಕರಣ್ ಪರವಾಗಿ ಕ್ಷಮೆಯಾಚಿಸಿದರು ಮತ್ತು ನನಗೆ ಬೆಂಬಲ ನೀಡಿದರು ಎಂದರು.

ಸಂಭಾಷಣೆಯ ಸಮಯದಲ್ಲಿ ಮಾತನಾಡಿರುವ ಸಾನ್ವಿ, ನಾನು ಸಾಮಾನ್ಯವಾಗಿ ಯಾವುದೇ ಧಾರಾವಾಹಿಯ ಸೆಟ್‌ನಲ್ಲಿದ್ದರೂ ಸಹನಟರು ಮತ್ತು ಇತರ ಸಿಬ್ಬಂದಿಯಿಂದ ನಿರ್ದಿಷ್ಟ ಅಂತರವನ್ನು ಕಾಯ್ದುಕೊಳ್ಳುತ್ತೇನೆ. ಅದೇ ರೀತಿ ಕರಣ್​ ಜೊತೆ ಕೆಲಸ ಮಾಡುವಾಗಲು ಅದೇ ರೀತಿ ಅಂತರ ಕಾಯ್ದುಕೊಂಡಿದ್ದೆ. ಆದರೆ, ನನ್ನ ಈ ಶಾಂತ ಸ್ವಭಾವ ಕರಣ್ ಕುಂದ್ರಾ ಹಾಗೂ ಶೋ ನಿರ್ದೇಶಕರಿಗೆ ಇಷ್ಟವಾಗುತ್ತಿರಲಿಲ್ಲ. ಹಾಗಾಗಿ ನಾನು ಕರಣ್ ಅವರ ಆಗಿನ ಗೆಳತಿಯಾಗಿದ್ದ ನಟಿ ಅನುಷಾ ದಾಂಡೇಕರ್ ಅವರಿಗೆ ಈ ವಿಷಯವನ್ನು ನೇರವಾಗಿ ತಿಳಿಸಲು ನಿರ್ಧರಿಸಿದ್ದೆ ಎಂದು ಹೇಳಿದ್ದರು.

ಆದಾಗ್ಯೂ, ಯಾವುದೇ ಪುರುಷರು ನಮ್ಮನ್ನು ನೋಡುವ ರೀತಿ ಹೇಗಿರುತ್ತದೆ ಎಂಬುದು ಪ್ರತಿಯೊಬ್ಬ ಹುಡುಗಿಯರಿಗೆ ಅರ್ಥವಾಗುತ್ತದೆ. ಕರಣ್ ನನ್ನ ಬಗ್ಗೆ ಅತಿಯಾದ ಆಸಕ್ತಿ ಹೊಂದಿದ್ದಾನೆ ಎಂಬುದು ನನಗೂ ಅರಿವಾಗಿತ್ತು. ಹಾಗಾಗಿ ನಾನು ಅವರ ಗೆಳತಿಗೆ ಹೇಳಿದೆ. ಅವಳು ಸೆಟ್‌ಗೆ ಬಂದು ಮೇಲ್ವಿಚಾರಣೆ ಮಾಡುತ್ತಲೇ ಇದ್ದಳು. ಆದರೆ, ಇದಾದ ನಂತರ ಸೆಟ್‌ನಲ್ಲಿ ಪರಿಸ್ಥಿತಿ ಸಂಪೂರ್ಣವಾಗಿ ಬದಲಾಯಿತು. ಅವರು ನನಗೆ ಪ್ರತಿಯೊಂದು ವಿಷಯದಲ್ಲೂ ತೊಂದರೆ ನೀಡಲು ಮತ್ತು ಕೆಲಸವನ್ನು ಕಷ್ಟಕರವಾಗಿಸಲು ಶುರು ಮಾಡಿದರು. ಇದರಿಂದಾಗಿ ಇಡೀ ಸೆಟ್‌ನ ವಾತಾವರಣವೇ ಸಂಪೂರ್ಣವಾಗಿ ಹಾಳಾಯಿತು ಎಂದು ಸಾನ್ವಿ ಹಂಚಿಕೊಂಡರು.

ಮೊದಲ ಘಟನೆಯ ಕೆಲವು ತಿಂಗಳ ನಂತರ, ಕರಣ್ ಮತ್ತೊಮ್ಮೆ ಪ್ರಣಯ ದೃಶ್ಯವನ್ನು ಚಿತ್ರೀಕರಿಸುವಾಗ ನಿರ್ದೇಶಕರು ಉದ್ದೇಶಪೂರ್ವಕವಾಗಿ ಚಿತ್ರೀಕರಣದ ಸಮಯದಲ್ಲಿ ಕಟ್​ ಹೇಳಲಿಲ್ಲ. ಆದಾಗ್ಯೂ, ಈ ವಿಚಾರದ ಕುರಿತು ಧ್ವನಿ ಎತ್ತಿದಾಗ ನಿರ್ದೇಶಕರನ್ನು ಸಹ ಬದಲಾಯಿಸಲಾಯಿತು ಎಂದು ಹೇಳಿಕೊಂಡರು.

ಇಷ್ಟೆಲ್ಲಾ ಘಟನೆಗಳ ಹೊರತಾಗಿಯೂ, ಹಿಂತಿರುಗಿ ನೋಡಿದಾಗ, ಕರಣ್ ಬಗ್ಗೆ ತನಗೆ ಯಾವುದೇ ಕೆಟ್ಟ ಭಾವನೆಗಳಿಲ್ಲ ಎಂದು ಸಾನ್ವಿ ಹೇಳಿದ್ದಾರೆ. ಆದಾಗ್ಯೂ, ಯೇ ಕಹಾನ್ ಆ ಗಯೇ ಹಮ್ 2015 ರಲ್ಲಿ ಪ್ರಥಮ ಪ್ರದರ್ಶನಗೊಂಡಿತು. ಈ ಧಾರಾವಾಹಿಯಲ್ಲಿ ಕರಣ್ ಕುಂದ್ರಾ ಮತ್ತು ಸಾನ್ವಿ ತಲ್ವಾರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇದನ್ನು ಏಕ್ತಾ ಕಪೂರ್ ಮತ್ತು ಶೋಭಾ ಕಪೂರ್ ನಿರ್ಮಿಸಿದ್ದಾರೆ (ಏಜೆನ್ಸೀಸ್​).