ಕಾಂಗ್ರೆಸ್‌ ಟೀಕೆಗೆ ಟಾಂಗ್​.. ಭಾರತದ ರೈಲು ದರಗಳು ವಿಶ್ವದಲ್ಲೇ ಅಗ್ಗ: ಕೇಂದ್ರ ಸರ್ಕಾರ!

ಈ ಪರಿಷ್ಕರಣೆ ಸಂಪೂರ್ಣ ದರ ಏರಿಕೆಯಲ್ಲ. ಉಪನಗರ ಸೇವೆಗಳು, ಮಾಸಿಕ ಸೀಸನ್ ಟಿಕೆಟ್‌ಗಳು ಮತ್ತು 215 ಕಿ.ಮೀ. ವರೆಗಿನ ಸಾಮಾನ್ಯ ವರ್ಗದ ಪ್ರಯಾಣಗಳಲ್ಲಿ ಯಾವುದೇ ಹೆಚ್ಚಳವಿಲ್ಲ. ಭಾರತದಲ್ಲಿ ಸರಾಸರಿ ಪ್ರಯಾಣ ದೂರ 154 ಕಿ.ಮೀ. ಆದ್ದರಿಂದ, ಬಹುಪಾಲು ಪ್ರಯಾಣಿಕರ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ತಿಳಿಸಿದೆ.

215 ಕಿ.ಮೀ. ಮೀರಿ, ಪ್ರತಿ ಕಿ.ಮೀ.ಗೆ 1-2 ಪೈಸೆ ಹೆಚ್ಚಳವಿದ್ದು, 500 ಕಿ.ಮೀ. ಸಾಮಾನ್ಯ ಮೇಲ್/ಎಕ್ಸ್‌ಪ್ರೆಸ್ ಪ್ರಯಾಣಕ್ಕೆ ಕೇವಲ 10 ಹೆಚ್ಚು. 1,000 ಕಿ.ಮೀ.ಗೆ 20. ಇದು ಚಹಾ ಕಪ್‌ಗಿಂತ ಕಡಿಮೆ ಎಂದು ಸರ್ಕಾರ ಹೇಳಿದೆ. ಈ ಹೆಚ್ಚಳದಿಂದ ವಾರ್ಷಿಕ 600 ಕೋಟಿ ಆದಾಯ ನಿರೀಕ್ಷಿಸಲಾಗಿದೆ ಎಂದು ಅಂದಾಜಿಸಲಾಗಿದೆ.  

ರೈಲ್ವೆ ದರಗಳು ಈಗಾಗಲೇ 55% ಸಬ್ಸಿಡಿ ಹೊಂದಿದ್ದು, ಪ್ರಯಾಣಿಕರು 100 ಸೇವೆಗೆ 45 ಪಾವತಿಸುತ್ತಾರೆ. ವಾರ್ಷಿಕ ಸಬ್ಸಿಡಿ ಸುಮಾರು 60,000 ಕೋಟಿ ರೂ. ಆಗಿದೆ. ಮಾನವ ಸಂಪನ್ಮೂಲ, ಪಿಂಚಣಿ ಮತ್ತು ನಿರ್ವಹಣಾ ವೆಚ್ಚಗಳು 2.6 ಲಕ್ಷ ಕೋಟಿ ಮೀರುತ್ತವೆ. ಸುಸ್ಥಿರ ಹಣಕಾಸು ಅಗತ್ಯ ಎಂದು ಸರ್ಕಾರ ಒತ್ತಿಹೇಳಿದೆ. ಕಳೆದ ದಶಕದಲ್ಲಿ ಸುರಕ್ಷತೆಗೆ 1.78 ಲಕ್ಷ ಕೋಟಿ ಹೂಡಿಕೆಯಾಗಿದ್ದು, ಹಳಿ ನವೀಕರಣ, ವಿದ್ಯುದೀಕರಣ ಮತ್ತು ಕವಚ್ ವ್ಯವಸ್ಥೆ ಸೇರಿವೆ. ಪರಿಣಾಮಿ ಅಪಘಾತಗಳು 2014-15ರ 135ರಿಂದ 2025-26ರಲ್ಲಿ 10ಕ್ಕೆ ಇಳಿದಿವೆ ಎಂದು ಸರ್ಕಾರ ಹೇಳಿದೆ.

350 ಕಿ.ಮೀ. ಪ್ರಯಾಣಕ್ಕೆ 122-123, ಪಾಕಿಸ್ತಾನದಲ್ಲಿ 436, ಬಾಂಗ್ಲಾದೇಶದಲ್ಲಿ 323, ಶ್ರೀಲಂಕಾದಲ್ಲಿ 413 ರೂ. ಇದ್ದು ಭಾರತದ ರೈಲು ದರಗಳು ಇದೀಗ ವಿಶ್ವದಲ್ಲೇ ಅಗ್ಗವಾಗಿದೆ ಎಂದಿದೆ.

ನಗರ ಚಲನಶೀಲತೆಯಲ್ಲಿ ಮೆಟ್ರೋ ಜಾಲ 2014ರ 248 ಕಿ.ಮೀ.ಯಿಂದ 2025ರಲ್ಲಿ 1,090 ಕಿ.ಮೀ.ಗೆ ವಿಸ್ತರಿಸಿದ್ದರೂ, ಉಪನಗರ ದರಗಳಲ್ಲಿ ಬದಲಾವಣೆಯಿಲ್ಲ. ಕಾಂಗ್ರೆಸ್ ಉಚಿತ ಕೊಡುಗೆಗಳನ್ನು ಬಯಸುತ್ತದೆ; ಎನ್‌ಡಿಎ ದೀರ್ಘಕಾಲೀನ ಮೌಲ್ಯ ನೀಡುತ್ತದೆ ಎಂದು ಸರ್ಕಾರ ಹೇಳಿದೆ. 

ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ "ಸಾಮಾನ್ಯ ಜನರನ್ನು ಲೂಟಿ ಮಾಡುತ್ತಿದ್ದಾರೆ" ಎಂದು ಆರೋಪಿಸಿದ್ದಾರೆ ಮತ್ತು ದರ ಏರಿಕೆಯನ್ನು ಹಿಂಪಡೆಯಲು ಒತ್ತಾಯಿಸಿದ್ದಾರೆ. ಆದಾಗ್ಯೂ, ಸರ್ಕಾರ ಈ ಆರೋಪಗಳನ್ನು ರಾಜಕೀಯ ಉತ್ಪ್ರೇಕ್ಷೆ ಎಂದು ತಳ್ಳಿಹಾಕಿದೆ.

 ಎನ್‌ಡಿಎಯಲ್ಲಿ ಕೇವಲ ನಾಲ್ಕು ಬಾರಿ ಪರಿಷ್ಕರಣೆ ಮಾಡಲಾಗಿದೆ. 2014, 2020, 2025ರ ಎರಡು ಮಾತ್ರ ಆಗಿದೆ. ಆದ್ರೆ, ಯುಪಿಎ-2ರಲ್ಲಿ ದರಗಳು ತೀವ್ರವಾಗಿ ಏರಿಕೆಯಾಗಿದ್ದವು. ಪ್ರತಿ ಕಿ.ಮೀ.ಗೆ 10-30 ಪೈಸೆ ಏರಿಕೆಯಾಗಿದ್ದು, ಎಲ್ಲರ ಮೇಲೆ ಪರಿಣಾಮ ಬೀರಿದೆ. ಯುಪಿಎಯಲ್ಲಿ 1,711 ಅಪಘಾತಗಳು, 2,453 ಸಾವುಗಳು ಸಂಭವಿಸಿವೆ ಎಂದು ಆರೋಪಿಸಿರುವ ಕೇಂದ್ರ, ಎನ್‌ಡಿಎಯಲ್ಲಿ ಅಪಘಾತಗಳು 95% ಕಡಿಮೆಯಾಗಿದ್ದು, ಸುರಕ್ಷತಾ ವೆಚ್ಚ 4,702 ಕೋಟಿಯಿಂದ 1.16 ಲಕ್ಷ ಕೋಟಿಗೆ ಏರಿಕೆಯಾಗಿದೆ. 

ರೈಲ್ವೆ ಅಭಿವೃದ್ಧಿಯಲ್ಲಿ ಎನ್‌ಡಿಎ ಸಮತೋಲನ ಪುನಃಸ್ಥಾಪಿಸುತ್ತದೆ. ಸ್ವಚ್ಛ, ಸುರಕ್ಷಿತ ರೈಲ್ವೆಗಳು ಎನ್‌ಡಿಎಯ ದೀರ್ಘಕಾಲೀನ ದೃಷ್ಟಿಕೋನ ಹೊಂದಿದೆ. ಕಾಂಗ್ರೆಸ್‌ನ ಉಚಿತ ಕೊಡುಗೆಗಳು ಅವ್ಯವಸ್ಥೆ ಸೃಷ್ಟಿಸುತ್ತವೆ. ಆದರೆ, ಎನ್‌ಡಿಎ ಮೌಲ್ಯ ನೀಡುತ್ತದೆ. ರೈಲ್ವೆಗಳು ಹೆಚ್ಚಿನ ಆವರ್ತನ, ಉತ್ತಮ ನಿರ್ವಹಣೆಯೊಂದಿಗೆ ಕಾರ್ಯನಿರ್ವಹಿಸುತ್ತಿವೆ. ಅಲ್ಲದೆ, 1.15 ಲಕ್ಷ ಕೋಟಿ ಸಂಬಳ, 60,000 ಕೋಟಿ ಪಿಂಚಣಿ – ಜವಾಬ್ದಾರಿಯುತವಾಗಿ ಪೂರೈಸಲಾಗುತ್ತಿದೆ ಎಂದು ಕೇಂದ್ರ ಹೇಳಿದೆ,(ಏಜೆನ್ಸೀಸ್​).