ಹಿರಿಯರ ಪಾದ ಮುಟ್ಟಿ ನಮಸ್ಕರಿಸುವುದರ ಹಿಂದಿರುವ ಅಸಲಿ ವಿಜ್ಞಾನವೇನು? Charan Sparsh

ಪ್ರತಿಯೊಬ್ಬ ವ್ಯಕ್ತಿಗೂ ಒಂದು ನಿರ್ದಿಷ್ಟ ರೀತಿಯ ಶಕ್ತಿ ಇರುತ್ತದೆ. ಆ ಶಕ್ತಿಯು ಬೆರಳುಗಳು ಮತ್ತು ಕಾಲ್ಬೆರಳುಗಳ ಮೂಲಕ ಹರಿಯುತ್ತದೆ. ಈ ಶಕ್ತಿಯು ಸ್ಪರ್ಶದ ಮೂಲಕ ಹರಡುತ್ತದೆ. ಇದರಿಂದ ನಮ್ಮ ಕೈಗಳಿಂದ ಕಾಲುಗಳನ್ನು ಮುಟ್ಟಿ ನಮಸ್ಕರಿಸುವುದರಿಂದ ಇನ್ನೊಬ್ಬರ ಶಕ್ತಿಯನ್ನು ಸೆಳೆದುಕೊಳ್ಳಲು ಸಹಾಯ ಮಾಡುತ್ತದೆ. ಹಾಗೆಯೇ ತಲೆಯ ಮೇಲೆ ಕೈಗಳನ್ನು ಇಡುವ ಮೂಲಕ, ಒಬ್ಬರು ತಮ್ಮ ಶಕ್ತಿಯನ್ನು ಬಿಡುಗಡೆ ಮಾಡುತ್ತಾರೆ. ಶಕ್ತಿಯು ಸಕರಾತ್ಮಕವಾಗಿದ್ದರೆ, ತಕ್ಷಣವೇ ಅನೇಕ ಪ್ರಯೋಜನಗಳನ್ನು ಪಡೆಯಬಹುದು.

ಪಾದಗಳನ್ನು ಮುಟ್ಟಲು ಮೂರು ಮಾರ್ಗಗಳಿವೆ. ಮೊದಲನೆಯದಾಗಿ, ನಮಸ್ಕರಿಸಿ ಪಾದಗಳನ್ನು ಮುಟ್ಟುವುದು ಎರಡನೆಯದು ಮಂಡಿಯೂರಿ ಪಾದಗಳನ್ನು ಮುಟ್ಟುವುದು ಮತ್ತು ಮೂರನೆಯದು ನಮಸ್ಕರಿಸುವುದು. ಈ ಮೂರು ವಿಧಾನಗಳು ಉತ್ತಮ ದೈಹಿಕ ಆರೋಗ್ಯವನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ. ಮತ್ತು ಮನಸ್ಸನ್ನು ಶುದ್ಧೀಕರಿಸುತ್ತದೆ.

ಯಾವ ವ್ಯಕ್ತಿಯನ್ನು ಗೌರವಿಸುತ್ತೀರೋ ಅವರನ್ನುಮಾತ್ರ ಮುಟ್ಟಬೇಕು. ಪಾದಗಳನ್ನು ಮುಟ್ಟಿ ನಮಸ್ಕರಿಸಿದರೆ, ಬೆರಳುಗಳಿಂದ ಕಾಲ್ಬೆರಳುಗಳನ್ನು ಮುಟ್ಟಬೇಕು. ಹಾಗೆಯೇ ಪಾದಗಳನ್ನು ಮುಟ್ಟಲು ಮಂಡಿಯೂರಿದರೆ, ತಲೆಯನ್ನು ಪಾದಗಳ ಮೇಲೆ ಇರಿಸಬೇಕು. ಯಾರಾದರೂ ನಿಮ್ಮ ಕಾಲುಗಳಿಗೆ ಬಿದ್ದು ನಮಸ್ಕರಿಸಿದಾಗ ಅವರ ತಲೆಯ ಮೇಲೆ ಕೈಯಿಟ್ಟು ಆಶೀರ್ವದಿಸಬೇಕು. ಪೋಷಕರು ತಮ್ಮ ಹೆಣ್ಣುಮಕ್ಕಳಿಗೆ ತಮ್ಮ ಪಾದವನ್ನು ಮುಟ್ಟಬೇಕು ಎಂದು ಒತ್ತಾಯಿಸಬಾರದು.

ತಂದೆಯ ಪಾದ ಸ್ಪರ್ಶ ಮಾಡುವುದರಿಂದ ದುಷ್ಟ ಶಕ್ತಿಗಳು ಶಮನಗೊಳ್ಳುತ್ತವೆ. ಹಾಗೆಯೇ ತಾಯಿಯ ಪಾದದ ಸ್ಪರ್ಶವನ್ನು ಮಾಡುವುದರಿಂದ  ಬುಧ ಮತ್ತು ಶುಕ್ರನನ್ನು ಬಲಪಡಿಸುತ್ತದೆ. ಸಹೋದರ ಅಥವಾ ಸಹೋದರಿಯ ಪಾದ ಸ್ಪರ್ಶವು ಮಂಗಳ ಗ್ರಹದ ತೊಂದರೆಗಳನ್ನು ಶಮನಗೊಳಿಸುತ್ತದೆ. ಆದಾಗ್ಯೂ, ಹಿರಿಯರ ಪಾದಗಳನ್ನು ಸ್ಪರ್ಶ ಮಾಡುವುದರಿಂದ  ಗುರುವನ್ನು ಬಲಪಡಿಸುತ್ತದೆ.  ಎಂದು ಜ್ಯೋತಿಷ್ಯವು ತಿಳಿಸುತ್ತದೆ.

ನಿಮ್ಮ ಜಾತಕದಲ್ಲಿ ಗುರು ನಕಾರಾತ್ಮಕವಾಗಿದ್ದರೆ, ನೀವು ಭೇಟಿಯಾಗುವ ಪ್ರತಿಯೊಬ್ಬರನ್ನು ಕೈಗಳನ್ನು ಜೋಡಿಸಿ ಸ್ವಾಗತಿಸಲು ಪ್ರಾರಂಭಿಸಿ. ಏಕೆಂದರೆ, ಪಾದ ಸ್ಪರ್ಶದ ಸಮಯದಲ್ಲಿ  ಎಡಗೈಯಿಂದ ಎಡ ಪಾದವನ್ನು ಮತ್ತು ಬಲಗೈಯಿಂದ ಬಲ ಪಾದವನ್ನು ಸ್ಪರ್ಶಿಸುವುದರಿಂದ ಸಂಬಂಧಿಕರ ದೇಹದ ಮೂಲಕ ಶಕ್ತಿಯ ಹರಿವು ವೇಗಗೊಳ್ಳುತ್ತದೆ. ವಿರುದ್ಧವಾಗಿ ನಮಸ್ಕಾರ ಮಾಡುವುದರಿಂದ ಶಕ್ತಿಯ ಹರಿವು ಅಡ್ಡಿಯಾಗುತ್ತದೆ. ಪಾದ ಸ್ಪರ್ಶ ಮಾಡುವುದರಿಂದ ನಿಮ್ಮ ಮನಸ್ಸು ಹಗುರವಾಗುತ್ತದೆ. ಶಾಂತಿ ದೊರಕುತ್ತದೆ ಜೊತೆಗೆ ನಿಮ್ಮ ಚಿಂತೆಯನ್ನು ದೂರಗೊಳಿಸುತ್ತದೆ (ಏಜೆನ್ಸೀಸ್​).