ಬೆಕ್ಕು ತಾಯಿಯಾದ ಸಂಭ್ರಮಕ್ಕೆ ಬಿರಿಯಾನಿ ಪಾರ್ಟಿ: ಕಿರೀಟ ತೊಟ್ಟು ಕೇಕ್ ಕತ್ತರಿಸಿದ ಕ್ಯಾಟ್​; ವಿಡಿಯೋ ನೋಡಿ ನೆಟ್ಟಿಗರು ಫುಲ್​ ಫಿದಾ! Cat Become Mother

Viral Video: ನಮ್ಮ ಜನರಿಗೆ ಪಾರ್ಟಿ ಮಾಡಲು ಒಂದು ನೆಪ ಸಿಕ್ಕರೆ ಸಾಕು, ಅಲ್ಲಿ ಹಬ್ಬದ ವಾತಾವರಣವನ್ನೇ ಸೃಷ್ಟಿಸಿ ಬಿಡುತ್ತಾರೆ. ಮದುವೆ, ಹುಟ್ಟುಹಬ್ಬಕ್ಕೆ ಪಾರ್ಟಿ ಮಾಡುವುದು ಸಹಜ. ಆದರೆ ಇಲ್ಲೊಂದು ಕುಟುಂಬ ತಮ್ಮ ಮುದ್ದಿನ ಬೆಕ್ಕು ತಾಯಿಯಾದ (Cat Become Mother) ಖುಷಿಗೆ ಇಡೀ ಊರಿಗೇ ಬಿರಿಯಾನಿ ಪಾರ್ಟಿ ಕೊಟ್ಟಿದೆ. ಹೌದು, ಕೇಳಲು ವಿಚಿತ್ರ ಎನಿಸಿದರೂ ಇದು ಸತ್ಯ. ಸದ್ಯ ಈ ಪಾರ್ಟಿ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ವೈರಲ್ ಆಗಿರುವ ಈ ವಿಡಿಯೋದಲ್ಲಿ ಒಂದು ಮುಸ್ಲಿಂ ಕುಟುಂಬ ತನ್ನ ಸಾಕು ಬೆಕ್ಕು ಮರಿ ಹಾಕಿದ ಸಂಭ್ರಮವನ್ನು ಮದುವೆಯ ಕಾರ್ಯಕ್ರಮದಂತೆ ಆಚರಿಸಿದೆ. ಮನೆಯನ್ನೆಲ್ಲಾ ಸುಂದರವಾಗಿ ಅಲಂಕರಿಸಲಾಗಿದ್ದು, ಅತಿಥಿಗಳ ಆಗಮನದಿಂದ ಮನೆ ತುಂಬಿ ಹೋಗಿದೆ.

ಬೆಕ್ಕಿಗೆ ಸುಂದರವಾದ ಹೊಸ ಬಟ್ಟೆ ಧರಿಸಿ, ತಲೆಗೆ ಪುಟ್ಟ ಕಿರೀಟ ಇಟ್ಟು ರಾಣಿಯಂತೆ ಸಿದ್ಧಪಡಿಸಲಾಗಿದೆ. ಅಲ್ಲಿಗೆ ಬಂದ ಅತಿಥಿಗಳು ಬೆಕ್ಕಿನ ಮರಿಗಳನ್ನು ನೋಡಿ ಸಂಭ್ರಮಿಸುವುದಲ್ಲದೆ, ಮರಿಗಳಿಗೆ ಹಣದ ಕಾಣಿಕೆ ಕೂಡ ನೀಡುತ್ತಿರುವುದು ನೋಡುಗರಿಗೆ ಆಶ್ಚರ್ಯ ಮೂಡಿಸಿದೆ.

ಬೆಕ್ಕಿನ ಮುಂದೆ ಬಣ್ಣ ಬಣ್ಣದ ಕೇಕ್ ಇಟ್ಟು, ಎಲ್ಲರೂ ಚಪ್ಪಾಳೆ ತಟ್ಟುತ್ತಾ ಸಂಭ್ರಮಿಸಿದ್ದಾರೆ. ಬೆಕ್ಕಿನಿಂದಲೇ ಕೇಕ್ ಕತ್ತರಿಸುವ ಪ್ರಯತ್ನ ನಡೆದಿರುವುದನ್ನು ವಿಡಿಯೋನಲ್ಲಿ ನೋಡಬಹುದಾಗಿದೆ.

ಕೇಕ್ ಕತ್ತರಿಸಿದ ನಂತರ ಮನೆಯಲ್ಲಿ ಮದುವೆ ಊಟ ನಡೆಯುವಂತೆ ಸಾಲು ಸಾಲಾಗಿ ಕುಳಿತು ಎಲ್ಲರೂ ಘಮಘಮಿಸುವ ಬಿರಿಯಾನಿ ಸವಿದಿದ್ದಾರೆ. ಬೆಕ್ಕಿನ ಹೆರಿಗೆಯನ್ನು ಇಷ್ಟೊಂದು ಅದ್ಧೂರಿಯಾಗಿ ಆಚರಿಸಿದ ಈ ಕುಟುಂಬದ ಪ್ರಾಣಿ ಪ್ರೇಮಕ್ಕೆ ನೆಟ್ಟಿಗರು ಫಿದಾ ಆಗಿದ್ದಾರೆ.

ಇನ್‌ಸ್ಟಾಗ್ರಾಮ್​ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋವನ್ನು ಈಗಾಗಲೇ ಲಕ್ಷಾಂತರ ಜನರು ವೀಕ್ಷಿಸಿದ್ದಾರೆ. ವಿಡಿಯೋ ನೋಡಿದ ಒಬ್ಬ ಬಳಕೆದಾರರು, ನಮ್ಮ ಜನರಿಗೆ ಬಿರಿಯಾನಿ ತಿನ್ನಲು ಒಂದು ನೆಪ ಬೇಕಷ್ಟೇ ಎಂದು ತಮಾಷೆ ಮಾಡಿದ್ದಾರೆ. ಇನ್ನೊಬ್ಬರು ಪಾಪ ಆ ಬೆಕ್ಕಿಗೆ ತನ್ನ ಸುತ್ತ ಏನು ನಡೆಯುತ್ತಿದೆ ಎಂದೇ ತಿಳಿಯುತ್ತಿಲ್ಲ, ಆದರೂ ಅದು ತುಂಬಾ ಮುದ್ದಾಗಿ ಕಾಣುತ್ತಿದೆ ಎಂದು ಬರೆದಿದ್ದಾರೆ,(ಏಜನ್ಸೀಸ್​).