ಪಾನಿಪೂರಿಗೆ ಇಂಥದ್ದೊಂದು ಟ್ವಿಸ್ಟಾ? ದೆಹಲಿಯಲ್ಲಿ ಆವಕಾಡೊ ಗೋಲ್ಗಪ್ಪ ಸವಿದ ನಟ ಆಶಿಶ್ ವಿದ್ಯಾರ್ಥಿ; ರಿಯಾಕ್ಷನ್ ವೈರಲ್! Ashish Vidyarthi

ತಮ್ಮ ಇತ್ತೀಚಿನ ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ, ಆಶಿಶ್ ವಿದ್ಯಾರ್ಥಿ, 1965ರಲ್ಲಿ ಪ್ರಾರಂಭವಾದ ದೆಹಲಿಯ ಗ್ರೇಟರ್ ಕೈಲಾಶ್ ಮಾರುಕಟ್ಟೆಯಲ್ಲಿರುವ ಪ್ರಿನ್ಸ್ ಚಾಟ್‌ಗೆ ಭೇಟಿ ನೀಡಿದ ಸಂದರ್ಭದಲ್ಲಿ ತಾವು ಸವೆದ ಚಾಟ್​ ಅನುಭವವನ್ನು ಹಂಚಿಕೊಂಡರು. ಮೊದಲಿಗೆ ಪಾಪ್ಡಿ ಚಾಟ್​ನೊಂದಿಗೆ ತಮ್ಮ ಚಾಟ್​ ಔತಣವನ್ನು ಪ್ರಾರಂಭಿಸಿದರು. ಮತ್ತು ಅದರ ಪ್ರತಿಯೊಂದು ತುಂಡನ್ನು ಸ್ಪಷ್ಟವಾಗಿ ಇಷ್ಟಪಟ್ಟರು. ನಂತರ ಪಾಲಕ್ ಪಟ್ಟಾ ಚಾಟನ್ನು ಸವಿದರು. ಇದರ ಜೊತೆಗೆ ಈ ಖಾದ್ಯದ ಬಗ್ಗೆ ತಮ್ಮ ಆಲೋಚನೆಗಳನ್ನು ಹಂಚಿಕೊಂಡಿದ್ದು, ಪಾಲಕ್​ ಗರಿಗರಿಯಾಗಿತ್ತು ಆದರೆ, ಚಟ್ನಿ ಮತ್ತು ಮೊಸರು ಮಾತ್ರ ವಿಭಿನ್ನವಾಗಿತ್ತು ಎಂದು ಉಲ್ಲೇಖಿಸಿದ್ದಾರೆ. ವೀಡಿಯೊದಲ್ಲಿನ ಅವರ ಅಭಿಪ್ರಾಯಗಳು ಅವರು ರುಚಿಯನ್ನು ಸಂಪೂರ್ಣವಾಗಿ ಆನಂದಿಸುತ್ತಿದ್ದಾರೆ ಎಂದು ಸ್ಪಷ್ಟಪಡಿಸುತ್ತಿವೆ.

ಆಹಾರ ಪ್ರಿಯನ ಮನವೊಲಿಸಿದ ಮತ್ತೊಂದು ಖಾದ್ಯವೆಂದರೆ ಅದು ಆಲೂ ಟಿಕ್ಕಿ ಚಾಟ್' (Aloo Tikki Chaat). ಕುರುಕುರಾದ ಆಲೂ ಟಿಕ್ಕಿಗೆ ಮೊಸರು, ಚಟ್ನಿ ಸವರಿ ಸವಿದ ಆಶಿಶ್ ಅದರ ಸ್ವಾದಕ್ಕೆ ಫಿದಾ ಆದರು. ಆದರೆ, ಆಶಿಶ್ ವಿದ್ಯಾರ್ಥಿ ಅವರ ಆಹಾರದ ಹಸಿವು ಅಷ್ಟಕ್ಕೇ ಮುಗಿಯಲಿಲ್ಲ! ಇನ್ನೂ ಹೆಚ್ಚಿನ ರುಚಿಯನ್ನು ಅನ್ವೇಷಿಸಲು ಸಿದ್ಧರಾಗಿದ್ದ ಅವರು, ನಂತರ ದೆಹಲಿಯ ಮತ್ತೊಂದು ಪ್ರಸಿದ್ಧ ಸ್ಟ್ರೀಟ್ ಫುಡ್ ಆದ 'ರಾಮ್ ಲಡ್ಡು' ಅನ್ನು ಸವಿದರು. ಹೆಸರುಬೇಳೆಯಿಂದ ಮಾಡುವ ಈ ಗರಿಗರಿಯಾದ ವಡೆಗಳ ಮೇಲೆ ತುರಿದ ಮೂಲಂಗಿ ಮತ್ತು ಘಮಘಮಿಸುವ ಪುದೀನ ಚಟ್ನಿ ಹಾಕಿ ಬಡಿಸಲಾಗಿತ್ತು. ಅತ್ಯಂತ ಸರಳವಾದ ಆದರೆ ಸುವಾಸನೆಯಿಂದ ತುಂಬಿದ ಈ ಸಾಂಪ್ರದಾಯಿಕ ಬೀದಿ ಶೈಲಿಯ ಖಾದ್ಯವು ಆಶಿಶ್ ವಿದ್ಯಾರ್ಥಿ ಅವರ ತಟ್ಟೆಯಲ್ಲಿ ಮತ್ತೊಂದು ಸೂಪರ್ ಹಿಟ್ ಆಗಿ ಕಾಣಿಸಿಕೊಂಡಿತು.

ವಿಡಿಯೋದಲ್ಲಿ ಹೈಲೇಟ್​ ಆಗುವ ಮತ್ತೊಂದು ವಿಷಯವೆಂದರೆ ಆಶಿಶ್​ ಅವರು ಸ್ಟಾರ್​ ರೆಸ್ಟೋರೆಂಟ್​ನಲ್ಲಿ ಸಹ ಆಹಾರ ಪ್ರಿಯರೊಂದಿಗೆ ಎಷ್ಟು ಆತ್ಮೀಯವಾಗಿ ಸಂವಹನ ನಡೆಸುತ್ತಿದ್ದರು ಎಂಬುದು. ಇತರರೊಂದಿಗೆ ಮಾತನಾಡುತ್ತಾ, ಚಾಟ್​ ಸವಿಯಲು ನೀವು ಎಷ್ಟು ಬಾರಿ ಸ್ಥಳಕ್ಕೆ ಬರುತ್ತೀರಿ ಎಂದು ಕೇಳುತ್ತಿದ್ದರು. ಮೋಜಿನ ಮತ್ತು ಸರಳವಾದ ವಾತಾವರಣವು ಇಡೀ ವೀಡಿಯೊದ ಮೋಡಿಗೆ ಇಂಬು ನೀಡಿತು.

ಆಹಾರ ಪ್ರಯಾಣವು ಇನ್ನು ಮುಂದೆ ಆಸಕ್ತಿದಾಯಕವಾಗಲು ಸಾಧ್ಯವೇ ಇಲ್ಲ, ಎಲ್ಲವನ್ನೂ ಟ್ರೈ ಮಾಡಿಯಾಗಿದೆ ಎಂದು ವೀಕ್ಷಕರು ಭಾವಿಸಿದ ಆ ಕ್ಷಣದಲ್ಲೇ ಆಶಿಶ್ ವಿದ್ಯಾರ್ಥಿ ಸಂಪೂರ್ಣವಾಗಿ ಅನಿರೀಕ್ಷಿತವಾದದ್ದನ್ನು ಪ್ರಯತ್ನಿಸಿ ಎಲ್ಲರನ್ನೂ ಬೆರಗುಗೊಳಿಸಿದರು. ಅದೇ ಆವಕಾಡೊ ಗೋಲ್ಗಪ್ಪ. ನೀವು ಓದುತ್ತಿರುವುದು ನಿಜ! ಭಾರತದ ಅತ್ಯಂತ ಜನಪ್ರಿಯ ಕ್ಲಾಸಿಕ್ ಸ್ಟ್ರೀಟ್ ಫುಡ್ ಆದ ಗೋಲ್ಗಪ್ಪಗೆ ಇಂತಹದೊಂದು ಆಧುನಿಕ ಹಾಗೂ ವಿಶಿಷ್ಟ ತಿರುವು ನೀಡಿದ್ದು ತಕ್ಷಣವೇ ಇಂಟರ್ನೆಟ್‌ನ ಗಮನ ಸೆಳೆಯಿತು. ಆದಾಗ್ಯೂ, ಹೊಸ ಪ್ರಯೋಗದ ಈ ಭಕ್ಷ್ಯವನ್ನು ಸವಿದಾಗ, ನಟನಿಗೆ ಅದನ್ನು ವಿವರಿಸಲು ಹೆಚ್ಚು ಪದಗಳ ಅಗತ್ಯವೇ ಬೀಳಲಿಲ್ಲ. ಅವರು ಕಣ್ಣು ಮುಚ್ಚಿ ಆಸ್ವಾದಿಸಿದ ರೀತಿ ಮತ್ತು ಅವರ ಮುಖದಲ್ಲಿದ್ದ ಅದ್ಭುತ ಅಭಿವ್ಯಕ್ತಿಗಳೇ ಎಲ್ಲವನ್ನೂ ಹೇಳುತ್ತಿದ್ದವು.

ಗರಿಗರಿಯಾದ ಚಾಟ್‌ಗಳಿಂದ ಹಿಡಿದು ವಿಶಿಷ್ಟವಾದ ಗೋಲ್ಗಪ್ಪಗಳವರೆಗೆ, ಆಶಿಶ್ ವಿದ್ಯಾರ್ಥಿಯ ಇತ್ತೀಚಿನ ದೆಹಲಿ ಆಹಾರ ಕೇಂದ್ರವು ಪ್ರತಿಯೊಬ್ಬ ಚಾಟ್ ಪ್ರಿಯರಿಗೂ ಸಂಪೂರ್ಣ ಭೋಜನದಂತೆ ಕಾಣುತ್ತಿತ್ತು (ಏಜೆನ್ಸೀಸ್​).