ಈ ಮಧ್ಯೆ, ಟ್ರಂಪ್ ಮತ್ತು ಅವರ ಪತ್ನಿ ಮೆಲನಿಯಾ ಅವರಿಗೆ ಜ್ವರ, ನೆಗಡಿ ಮತ್ತು ಕೆಮ್ಮು ಕಾಣಿಸಿಕೊಂಡಿದೆ. ಉಸಿರಾಟದ ತೊಂದರೆಯೂ ಉಂಟಾಗಿದೆ. ಸದ್ಯ ಅವರಿಗೆ ವಾಷಿಂಗ್ಟನ್ನ ಹೊರವಲಯದಲ್ಲಿರುವ ವಾಲ್ಟರ್ ರೀಡ್ ಮಿಲಿಟರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಕರೊನಾಕ್ಕೆ ಬಳಸಲಾಗುತ್ತಿರುವ ರೆಮೆಡೆಸಿವಿರ್ ಔಷಧವನ್ನು ಕೊಡಲಾಗಿದೆ. ಟ್ರಂಪ್ಗೆ ಸೋಂಕು ದೃಢವಾದ ಬೆನ್ನಲ್ಲೇ ಶ್ವೇತಭವನದ ಇತರ ಸಿಬ್ಬಂದಿಗೂ ಕರೊನಾ ಪರೀಕ್ಷೆ ಮಾಡಲಾಗುತ್ತಿದ್ದು, ಹಲವರಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಇಬ್ಬರು ಸೆನೆಟರ್ಗಳು, ಟ್ರಂಪ್ರ ಮಾಜಿ ಸಲಹೆಗಾರರು, ಪ್ರಚಾರ ವ್ಯವಸ್ಥಾಪಕರು ಮತ್ತು ಮೂವರು ಶ್ವೇತಭವನ ಪತ್ರಕರ್ತರಿಗೆ ಸೋಂಕು ದೃಢವಾಗಿದೆ. (ಏಜೆನ್ಸೀಸ್)
