ನಾವು ಧರ್ಮದ ಆಧಾರದ ಮೇಲೆ ಉಗ್ರರನ್ನು ಕೊಂದಿಲ್ಲ, ಬದಲಾಗಿ ಕರ್ಮದ ಆಧಾರದ ಮೇಲೆ ಬಲಿ ತಗೆದುಕೊಂಡಿದ್ದೇವೆ ಎಂದ ರಕ್ಷಣಾ ಸಚಿವ|Rajnath Singh

Rajnath Singh: ಪಹಲ್ಗಾಮ್‌ನಲ್ಲಿ ಭಯೋತ್ಪಾದಕರು ಧರ್ಮವನ್ನು ಕೇಳಿ ಜನರನ್ನು ಕೊಂದರು, ಆದರೆ ನಮ್ಮ ಸೈನಿಕರು ಧರ್ಮದ ಆಧಾರದ ಮೇಲೆ ಭಯೋತ್ಪಾದಕರನ್ನು ಕೊಂದಿಲ್ಲ, ಬದಲಿಗೆ ಅವರ ಕರ್ಮಗಳಿಗಾಗಿ ಕೊಂದಿದ್ದಾರೆ ಎಂದು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಸೋಮವಾರ (ಆಗಸ್ಟ್​,25) ಹೇಳಿದ್ದಾರೆ.

ರಾಜಸ್ಥಾನದ ಜೋಧ್‌ಪುರದಲ್ಲಿ ಮಾತನಾಡಿದ ರಕ್ಷಣಾ ಸಚಿವರು, ಭಾರತವು ವಸುಧೈವ ಕುಟುಂಬಕಂ ಎಂಬ ಪರಿಕಲ್ಪನೆಯನ್ನು ನಂಬುತ್ತದೆ ಮತ್ತು ಜಾತಿ ಅಥವಾ ಧರ್ಮದ ಆಧಾರದ ಮೇಲೆ ತಾರತಮ್ಯ ಮಾಡುವುದಿಲ್ಲ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಜೈಲಿಗೆ ಹೋದಾಗಲೇ ಅರವಿಂದ್ ಕೇಜ್ರಿವಾಲ್ ಸಿಎಂ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕಿತ್ತು: ಅಮಿತ್ ಶಾ|Amit Shah

ನಮ್ಮ ರಕ್ಷಣಾ ಪಡೆಗಳು ಆಪರೇಷನ್ ಸಿಂಧೂರದಲ್ಲಿ ಪಾಕಿಸ್ತಾನಕ್ಕೆ ಸೂಕ್ತ ಪ್ರತ್ಯುತ್ತರ ನೀಡಿವೆ. ನಾವು ನಿರ್ಧರಿಸಿದ ನಿಖರ ಗುರಿಗಳ ಮೇಲೆ ದಾಳಿ ಮಾಡಿವೆ ಎಂದು ರಾಜನಾಥ್​ ಸಿಂಗ್ ಹೇಳಿದ್ದಾರೆ. ಪಾಕಿಸ್ತಾನ ಮತ್ತು ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ಭಯೋತ್ಪಾದಕ ಗುಂಪುಗಳೊಂದಿಗೆ ಸಂಪರ್ಕ ಹೊಂದಿರುವ ನೆಲೆಗಳನ್ನು ಗುರಿಯಾಗಿಸಿ ದಾಳಿ ಮಾಡಲಾಗಿದೆ.

ರಾಜನಾಥ್​ ಸಿಂಗ್ ರಕ್ಷಣಾ ಮತ್ತು ಕ್ರೀಡಾ ಅಕಾಡೆಮಿಯನ್ನು ಉದ್ಘಾಟಿಸಲು ಮತ್ತು ಸೈನಿಕರ ಕುಟುಂಬಗಳನ್ನು ಗೌರವಿಸಲು ಜೋಧ್‌ಪುರದಲ್ಲಿ ಇದ್ದರು.

NCERT ಪಠ್ಯದಲ್ಲಿ ಆಪರೇಷನ್​ ಸಿಂಧೂರ

ರಾಷ್ಟ್ರೀಯ ಶೈಕ್ಷಣಿಕ ಸಂಶೋಧನೆ ಮತ್ತು ತರಬೇತಿ ಮಂಡಳಿ (NCERT ) ಆಪರೇಷನ್ ಸಿಂಧೂರ ಕುರಿತು ವಿಶೇಷ ಮಾಡ್ಯೂಲ್‌ಗಳನ್ನು ಬಿಡುಗಡೆ ಮಾಡಿದೆ. ಇದನ್ನು 3 ರಿಂದ 12ನೇ ತರಗತಿಯ ವಿದ್ಯಾರ್ಥಿಗಳಿಗೆ ಕಲಿಸಲಾಗುತ್ತದೆ.

ಆಪರೇಷನ್ ಸಿಂಧೂರವು ಕೇವಲ ಮಿಲಿಟರಿ ಕಾರ್ಯಾಚರಣೆಯಾಗಿರಲಿಲ್ಲ, ಬದಲಾಗಿ ಶಾಂತಿಯನ್ನು ರಕ್ಷಿಸುವ ಮತ್ತು ಕಳೆದುಕೊಂಡ ಜೀವಗಳನ್ನು ಗೌರವಿಸುವ ಭರವಸೆಯಾಗಿತ್ತು ಎಂದು ಈ ಮಾಡ್ಯೂಲ್‌ ಹೇಳುತ್ತವೆ.

ಆಪರೇಷನ್ ಸಿಂಧೂರ್: ಎ ಸಾಗಾ ಆಫ್ ಶೌರ್ಯ' ಎಂಬ ಶೀರ್ಷಿಕೆಯ ಮಾಡ್ಯೂಲ್ 3 ರಿಂದ 8 ನೇ ತರಗತಿಗಳಿಗೆ ಮೀಸಲಾಗಿದ್ದರೆ, ಆಪರೇಷನ್ ಸಿಂಧೂರ್: ಎ ಮಿಷನ್ ಆಫ್ ಆನರ್ ಅಂಡ್ ಬ್ರೇವರಿ ಎಂಬ ಇನ್ನೊಂದು ಮಾಡ್ಯೂಲ್ 9 ರಿಂದ 12ನೇ ತರಗತಿಯ ವಿದ್ಯಾರ್ಥಿಗಳಿಗೆ ಕಲಿಸಲಾಗುತ್ತದೆ. (ಏಜೆನ್ಸೀಸ್)

https://www.vijayavani.net/israel-will-withdraw-from-lebanon-if-hezbollah-militants-lay-down-their-arms-benjamin-netanyahu