ಪುರಸಭೆ ಸದಸ್ಯರಾದ ಚಂದ್ರಶೇಖರ ಖಾರ್ವಿ, ಸಂದೀಪ್ ಖಾರ್ವಿ, ಸಂತೋಷ್ ಶೆಟ್ಟಿ, ಅಶ್ವಿನಿ ಪ್ರದೀಪ್, ಮೋಹನ್ದಾಸ್ ಶೆಣೈ, ಶ್ವೇತಾ ಸಂತೋಷ್, ಮಾಜಿ ಸದಸ್ಯರಾದ ರಮೇಶ್ ಶೇರಿಗಾರ್, ರತ್ನಾಕರ್, ಕೆ.ಬಿ.ಪ್ರಕಾಶ್, ಸುನೀಲ್ ಖಾರ್ವಿ, ಸಂಪತ್ ಮೊದಲಾದವರು ಪುರಸಭೆ ಹಾಗೂ ತಾಲೂಕು ಆಡಳಿತದ ಜತೆ ಸಹಕರಿಸಿದರು. ತಹಸೀಲ್ದಾರ್ ಶೋಭಾಲಕ್ಷ್ಮೀ ಹಾಗೂ ಪುರಸಭೆ ಅಧಿಕಾರಿಗಳು, ಪೌರಕಾರ್ಮಿಕರು ರಾತ್ರಿ ಕಾರ್ಯಾಚರಣೆ ನಡೆಸಿ ಒಂಬತ್ತುದಂಡಿಗೆ ವಾರ್ಡ್ನ ಕೆಲವು ಮನೆಗಳಿಂದ ಜನರನ್ನು ಸುರಕ್ಷಿತ ಸ್ಥಳಗಳಿಗೆ ಕಳುಹಿಸಿದರು. ಬಹದ್ದೂರ್ ಶಾ ರಸ್ತೆ ಸಂಪೂರ್ಣ ಜಲಾವೃತವಾಗಿತ್ತು. ರಾತ್ರಿ 1 ಗಂಟೆಗೆ ತನಕ ಪೌರಕಾರ್ಮಿಕ ಬಂಧುಗಳು ಶ್ರಮವಹಿಸಿ ನೀರು ಸಂಪೂರ್ಣ ಇಳಿದು ಹೋಗುವ ತನಕ ಇದ್ದು ಜೆಸಿಬಿ ಮೂಲಕ ಚರಂಡಿಗೆ ಸಿಲುಕಿರುವ ಅಡೆತಡೆ ನಿವಾರಿಸಿದರು.
