ಆ್ಯಪ್​ನಲ್ಲೇ ಆರ್​ಜಿವಿ ಸಿನಿಮಾ; ನೀಲಿ ತಾರೆಯ ‘ಕ್ಲೈಮ್ಯಾಕ್ಸ್’ ನೋಡೋಕೆ ನೀವೆಷ್ಟು ಹಣ ನೀಡಬೇಕು ಗೊತ್ತಾ?

ರಾಮ್​ಗೋಪಾಲ್​ ವರ್ಮಾ ಸದ್ಯ ‘ಕ್ಲೈಮ್ಯಾಕ್ಸ್’ ಹಂತಕ್ಕೆ ಬಂದಿದ್ದಾರೆ. ಇನ್ನೇನು ಅವರ ಹೊಸ ಸಿನಿಮಾ ಕ್ಲೈಮ್ಯಾಕ್ಸ್ ಬಿಡುಗಡೆ ಆಗಲಿದೆ. ಅರೇ.. ಚಿತ್ರಮಂದಿರದಲ್ಲಿ ಸಿನಿಮಾ ಬಿಡುಗಡೆಗೆ ಅನುಮತಿ ಸಿಕ್ತಾ? ಇಲ್ಲ.. ಬದಲಿಗೆ ಆನ್​ಲೈನ್​ ಮೂಲಕವೇ ಹಣ ನೀಡಿದರೆ, ಕುಳಿತಲ್ಲೇ ಸಿನಿಮಾ ತೋರಿಸುತ್ತಾರೆ ನಿರ್ದೇಶಕ ಆರ್​ಜಿವಿ. ಹೌದು, ನೀಲಿ ತಾರೆ ಮಿಯಾ ಮಲ್ಕೋವಾ ಮುಖ್ಯಭೂಮಿಕೆ ನಿಭಾಯಿಸಿರುವ ‘ಕ್ಲೈಮ್ಯಾಕ್ಸ್’ ಚಿತ್ರ ಜೂನ್ 6ಕ್ಕೆ ಆ್ಯಪ್​ ಮೂಲಕ ಬಿಡುಗಡೆ ಆಗಲಿದೆ. ಈ ಸಿನಿಮಾ ನೋಡಲು ಬಯಸುವವರು 100 ರೂಪಾಯಿ ನೀಡುವುದು ಕಡ್ಡಾಯ!

ಇದನ್ನೂ ಓದಿ: ಹುಟ್ಟುಹಬ್ಬ ದಿನದಂದು ರೆಬೆಲ್ ಸ್ಟಾರ್ ನೆನಪುಗಳು: ಉಳಿದವರು ಕಂಡಂತೆ…

ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಸಿನಿಮಾ ಪ್ರದರ್ಶನ ರದ್ದಾಗಿದೆ. ಹೀಗಿರುವಾಗಲೇ ಈ ಹೊತ್ತಲ್ಲೇ ಆ್ಯಪ್​ ಮೂಲಕ ಸಿನಿಮಾ ತೋರಿಸುವ ಹೊಸ ಕಾಯಕಕ್ಕೆ ಆರ್​ಜಿವಿ ಮುಂದಾಗಿದ್ದಾರೆ. ಆನ್​ಲೈನ್​​ ಕಂಟೆಂಟ್​ಗೆ ಸಿನಿಮಾ ನಿರ್ಮಾಣ ಮಾಡುವ ಶ್ರೇಯಾ ಇಟಿ ಸಂಸ್ಥೆಯ ಜತೆ ಕೈ ಜೋಡಿಸಿರುವ ಆರ್​ಜಿವಿ, ಮೊದಲ ಬಾರಿ ಆನ್​ಲೈನ್​ ಮೂಲಕ ಬರುತ್ತಿದ್ದಾರೆ. http://RGVWorld.in/ShreyasET ಆ್ಯಪ್ ಡೌನ್​ಲೋಡ್​ ಮಾಡಿಕೊಂಡು, 100 ರೂ ಕೊಟ್ಟು ಥ್ರಿಲ್ಲರ್​ ಶೈಲಿಯ ‘ಕ್ಲೈಮ್ಯಾಕ್ಸ್​’ ಸಿನಿಮಾ ವೀಕ್ಷಣೆ ಮಾಡಬಹುದು.

ಇದನ್ನೂ ಓದಿ: ಹುಟ್ಟುಹಬ್ಬದಂದು ರೆಬೆಲ್ ಸ್ಟಾರ್ ನೆನಪುಗಳು: ಬೌಂಡರಿ ಹಾಕಿಕೊಂಡಿರಲಿಲ್ಲ

ಪೋಸ್ಟರ್ ಮೂಲಕವೇ ಸದ್ದು ಮಾಡುತ್ತಿರುವ ‘ಕ್ಲೈಮ್ಯಾಕ್ಸ್’ ಸಿನಿಮಾದಲ್ಲಿ ವಯಸ್ಕ ಸಿನಿಮಾಗಳ ತಾರೆ ಮಿಯಾ ಮಲ್ಕೋವಾ ಬೋಲ್ಡ್ ರೀತಿಯಲ್ಲಿ ಕಾಣಿಸಿಕೊಂಡಿದ್ದು, ಈಗಾಗಲೇ ರಿಲೀಸ್​ ಆಗಿರುವ ಟೀಸರ್ ಕುತೂಹಲ ಮೂಡಿಸಿದೆ. ಇನ್ನು ಶನಿವಾರ ಸಂಜೆ 5ಗಂಟೆಗೆ ಕ್ಲೈಮ್ಯಾಕ್ಸ್ ಟ್ರೇಲರ್​ ಬಿಡುಗಡೆ ಆಗಲಿದ್ದು, ಜೂನ್ 6ರ ರಾತ್ರಿ 9ಕ್ಕೆ ಆ್ಯಪ್​ನಲ್ಲಿ ಸಿನಿಮಾ ಬಿಡುಗಡೆ ಆಗಲಿದೆ. (ಏಜೆನ್ಸೀಸ್​)

https://www.vijayavani.net/film-industry-requests-cm-for-permission/