Off Spin​ ದಾಳಿಗೆ ತತ್ತರಿಸಿದ ಕಿವೀಸ್​ ಪಡೆ; ಪುಣೆ ಟೆಸ್ಟ್​ನಲ್ಲಿ ಹೊಸ ದಾಖಲೆ ಬರೆದ ಚೆನ್ನೈ ಹುಡುಗರು

ಪುಣೆ: ಇಲ್ಲಿನ ಮಹಾರಾಷ್ಟ್ರ ಕ್ರಿಕೆಟ್​ ಅಸೋಸಿಯೇಷನ್​ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಭಾರತ (Team India) ಹಾಗೂ ನ್ಯೂಜಿಲೆಂಡ್​ (NewZealand) ವಿರುದ್ಧದ ಟೆಸ್ಟ್​ ಸರಣಿಯ ಎರಡನೇ ಪಂದ್ಯದಲ್ಲಿ ಆತಿಥೇಯರು ಪ್ರವಾಸಿ ತಂಡಕ್ಕೆ ಆಘಾತವನ್ನು ನೀಡುವಲ್ಲಿ ಯಶಸ್ವಿಯಾಗಿದ್ದು, ಮೊದಲ ಪಂದ್ಯದಲ್ಲಿ ಆದ ಲೋಪ ದೋಷಗಳನ್ನು ಸರಿಪಡಿಸಿಕೊಂಡು ಎರಡನೇ ಟೆಸ್ಟ್​ನಲ್ಲಿ ಭರ್ಜರಿ ಕಮ್​ಬ್ಯಾಕ್​ ಮಾಡುವ ಮುನ್ಸೂಚನೆ ನೀಡಿದ್ದಾರೆ.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ ಆಯ್ಕೆ ಮಾಡಿಕೊಂಡು ಪ್ರವಾಸಿ ನ್ಯೂಜಿಲೆಂಡ್​ ತಂಡವು ಡೆವೊನ್ ಕಾನ್ವೆ (76 ರನ್, 141 ಎಸೆತ, 11 ಬೌಂಡರಿ), ಕನ್ನಡಿಗ ರಚಿನ್​ ರವೀಂದ್ರ (65ರನ್​, 105 ಎಸೆತ, 5 ಬೌಡಂರಿ, 1ಸಿಕ್ಸರ್​) ಅರ್ಧಶತಕದಪ ಳವಾಗಿ 79.1 ಓವರ್​ನಲ್ಲಿ 259 ರನ್​ಗಳಿಗೆ ಆಲೌಟ್​ ಆಯಿತು. ಮೊದಲನೇ ಸೆಷನ್​ನಲ್ಲಿ ಉತ್ತಮವಾಗಿ ಬ್ಯಾಟಿಂಗ್​ ಮಾಡಿದ ಪ್ರವಾಸಿ ತಂಡವು ವಾಷಿಂಗ್ಟನ್​ ಸುಂದರ್​ (23.1-4-59-7), ಆರ್​. ಅಶ್ವಿನ್​ (24-2-64-3) ಆಫ್​ಸ್ಪಿನ್​ (Off Spin) ದಾಳಿಗೆ ತತ್ತರಿಸಿ ಆಲೌಟ್​ ಆಯಿತು.

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್​ಗೆ ಇಳಿದ ಪ್ರವಾಸಿ ತಂಡವು (NewZealand) ಉತ್ತಮ ಆರಂಭ ಪಡೆಯಿತಾದರೂ ಅಶ್ವಿನ್​ (Ashwin) ಹಾಗೂ ವಾಷಿಂಗ್ಟನ್​ ಸುಂದರ್​ (Washington Sundar) ಆಫ್​ಸ್ಪಿನ್​ (Off Spin) ದಾಳಿಗೆ ನಲುಗಿ 259 ರನ್​ಗಳಿಗೆ ಆಲೌಟ್​ ಆಯಿತು. ಮೊದಲನೇ ಇನ್ನಿಂಗ್ಸ್​ನಲ್ಲಿ ಆಫ್​ ಸ್ಪಿನ್ನರ್​ಗಳಿಬ್ಬರು ಎದುರಾಳಿ ತಂಡವನ್ನು ಆಲೌಟ್​ ಮಾಡಿವ ಎಲ್ಲರ ಗಮನ ಸೆಳೆದಿದ್ದು, ಭಾರತೀಯ ಕ್ರಿಕೆಟ್​ನಲ್ಲಿ (Indian Cricket) ಹೊಸ ದಾಖಲೆಯೊಂದನ್ನು ನಿರ್ಮಿಸಿದ್ದಾರೆ.

ಈವರೆಗೂ 4 ಟೆಸ್ಟ್​ ಪಂದ್ಯಗಳನ್ನು ಆಡಿರುವ ವಾಷಿಂಗ್ಟನ್​ ಸುಂದರ್​ (Washington Sundar) 7 ವಿಕೆಟ್​ಗಳನ್ನು ಪಡೆದಿದ್ದಾರೆ. ಮೂರು ವರ್ಷದ ಬಳಿಕ ಟೆಸ್ಟ್​ ಕ್ರಿಕೆಟ್​ಗೆ ಕಮ್​ಬ್ಯಾಕ್​ ಮಾಡಿದ ಸುಂದರ್ (Washington Sundar)​ 7 ವಿಕೆಟ್​ಗಳನ್ನು ಪಡೆಯುವ ಮೂಲಕ ತಂಡಕ್ಕೆ ನೆರವಾದರು. ಈ ಮೂಲಕ ಟೆಸ್ಟ್ ಕ್ರಿಕೆಟ್‌ನಲ್ಲಿ ಮೊದಲ ಬಾರಿಗೆ ಇನ್ನಿಂಗ್ಸ್‌ನಲ್ಲಿ 5 ಅಥವಾ ಅದಕ್ಕಿಂತ ಹೆಚ್ಚು ವಿಕೆಟ್ ಪಡೆದ ಸಾಧನೆ ಮಾಡಿದರು. ಇದಲ್ಲದೆ ಪುಣೆಯ ಎಂಸಿಎ ಕ್ರೀಡಾಂಗಣದಲ್ಲಿ ಇನ್ನಿಂಗ್ಸ್​ ಒಂದರಲ್ಲಿ 5 ಅಥವಾ ಅದಕ್ಕಿಂತ ಹೆಚ್ಚು ವಿಕೆಟ್ ಪಡೆದ ಭಾರತದ ಮೊದಲ ಬೌಲರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.