144 ವರ್ಷಕೊಮ್ಮೆ ನಡೆಯುವ ಮಹಾ ಕುಂಭಮೇಳದ ಸಂದರ್ಭ ಪ್ರಯಾಗರಾಜದಲ್ಲಿ ಕೋಟ್ಯಾಂತರ ಭಕ್ತರು ಪುಣ್ಯ ತೀರ್ಥ ಸ್ನಾನದಲ್ಲಿ ಭಾಗವಹಿಸುವುದನ್ನು ನೋಡಿದಾಗ ನಮ್ಮ ಶ್ರದ್ದೆ, ಭಕ್ತಿ, ನಂಬಿಕೆಗಳು ಎಷ್ಟು ಬಲಿಷ್ಠ ವಾಗಿದೆ ಎಂಬ ಭಾವನೆ ಮೂಡುತ್ತದೆ.ದೇಶದ ಲಕ್ಷಾಂತರ ಊರುಗಳಿಂದ ಬಡವ ಶ್ರೀಮಂತ ಎನ್ನದೆ ಜಾತಿ, ಭಾಷೆ, ಪಂಥ, ಸಂಪ್ರದಾಯ, ಬೇಧ ಭಾವವನ್ನು ಮರೆತು ಕೋಟ್ಯಾಂತರ ಜನ ಪ್ರಯಾಗದಲ್ಲಿ ಸಂಗಮವಾಗುತ್ತಿರುವುದು ಭಾರತದ ಆಧ್ಯಾತ್ಮಿಕ ಶಕ್ತಿಯನ್ನು ಪ್ರಪಂಚಕ್ಕೆ ಎದ್ದು ತೋರಿಸುತ್ತಿದೆ. ಈ ಕುಂಭಮೇಳದಲ್ಲಿ ಪೂಜ್ಯ ಸಾಧು ಸಂತರು, ಅಖಾಡಗಳು, ನಾಗ ಸಾಧುಗಳು, ಮಹಾ ಮಂಡಲೇಶ್ವರರು ಅದೇ ರೀತಿ ಧಾರ್ಮಿಕ ಸಂಘ ಸಂಸ್ಥೆಗಳು ಆಶ್ರಮಗಳು ನೂರಾರು ರೀತಿಯಲ್ಲಿ ಧಾರ್ಮಿಕ ಚಟುವಟಿಕೆ, ಪ್ರವಚನ, ಭಜನೆ ಸಂಕೀರ್ತನೆಗಳು, ಪುರಾಣ ನಾಟಕಗಳು, ಸತ್ಸಂಗದ ಮುಖಾಂತರ ಭಕ್ತರನ್ನು ಧರ್ಮ ಜಾಗೃತಿ ಕಡೆ ಕೊಂಡುಯ್ಯುತ್ತಿದ್ದಾರೆ ಎಂದರು.
