ನವದೆಹಲಿ: ಜೂ.29 ಬಾರ್ಬಡೋಸ್ನ ಕೆನ್ಸಿಂಗ್ಟನ್ ಓವಲ್ನಲ್ಲಿ ನಡೆದ ಐಸಿಸಿ ಟಿ20 ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಐತಿಹಾಸಿಕ ಗೆಲುವು ದಾಖಲಿಸಿದ ಟೀಮ್ ಇಂಡಿಯಾ ರೋಮಾಂಚನಕಾರಿ ಆಟಕ್ಕೆ ಸಾಕ್ಷಿಯಾಯಿತು. 17 ವರ್ಷಗಳ ಬಳಿಕ ಟಿ20 ವಿಶ್ವಕಪ್ ಟ್ರೋಫಿಗೆ ಮುತ್ತಿಟ್ಟಿದ ಭಾರತಕ್ಕೆ ಅಭೂತಪೂರ್ವ ಬೆಂಬಲ ಮತ್ತು ಅಭಿನಂದನಗೆಳ ಮಹಾಪೂರವೇ ಹರಿದುಬಂದಿತು. ಈ ಗೆಲುವಿನ ಬೆನ್ನಲ್ಲೇ ಶುಭಮನ್ ಗಿಲ್ ನೇತೃತ್ವದ ಟೀಮ್ ಇಂಡಿಯಾ ಕೂಡ ಜಿಂಬಾಬ್ವೆ ವಿರುದ್ಧದ ಐದು ಪಂದ್ಯಗಳ ಸರಣಿ ಗೆದ್ದು ಬೀಗಿತು.
ಇದನ್ನೂ ಓದಿ: ಈಕೆ ಮಾಡೆಲ್ ಅಲ್ಲ, ರಸ್ತೆಬದಿ ತಳ್ಳುಗಾಡಿಯಲ್ಲಿ ವ್ಯಾಪಾರ ಮಾಡುವ ಮಹಿಳೆ! ಈ ಅಂಗಡಿ ಅಡ್ರೆಸ್ ಕೇಳಿದ ಗ್ರಾಹಕರು
ಯಾವುದೇ ಪಂದ್ಯಕ್ಕೆ ಹೋಗುವ ಮುನ್ನ ನೆಟ್ಸ್ನಲ್ಲಿ ಅಭ್ಯಾಸ ನಡೆಸುವ ಟೀಮ್ ಇಂಡಿಯಾ ಆಟಗಾರರು, ತಮ್ಮದೇ ತಂಡದ ಸ್ಟಾರ್ ಬೌಲರ್ಗಳು ಹಾಕುವ ಎಸೆತಗಳನ್ನು ಎದುರಿಸುವ ಮೂಲಕ ತಮ್ಮ ಬ್ಯಾಟಿಂಗ್ ವೈಖರಿಗೆ ಮತ್ತಷ್ಟು ಒತ್ತು ನೀಡುತ್ತಾರೆ. ಭಾರತ ತಂಡದ ಸ್ಟಾರ್ ಬ್ಯಾಟ್ಸ್ಮನ್ಗಳಾದ ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮ ಬ್ಯಾಟಿಂಗ್ ಅಬ್ಬರಕ್ಕೆ ಮನಸೋಲದವರೇ ಇಲ್ಲ. ಇವರಿಬ್ಬರು ಮೈದಾನಕ್ಕೆ ಬಂದು ಎದುರಾಳಿಗಳ ಬೌಲಿಂಗ್ಗೆ ರನ್ಗಳ ಮಳೆ ಹರಿಸುವುದನ್ನು ನೋಡುವುದೇ ಒಂದು ರೋಮಾಂಚಕ. ಇಂತಹ ಸ್ಟಾರ್ ಬ್ಯಾಟರ್ಗಳು ತಮ್ಮದೇ ಟೀಮ್ನ ಒಬ್ಬ ಬೌಲರ್ ಹಾಕುವ ಬಾಲ್ ಎದುರಿಸಲು ಕಷ್ಟಪಡುತ್ತಾರೆ ಎಂಬ ಸಂಗತಿ ನಿಮಗೆ ಗೊತ್ತಿದ್ಯಾ?
‘ರನ್ಮಷಿನ್’ ಮತ್ತು ರೋಹಿತ್ ಶರ್ಮ ಬ್ಯಾಟಿಂಗ್ ಪವರ್ ಕಂಟ್ರೋಲ್ ಮಾಡುವ ಸಾಮರ್ಥ್ಯ ಹೊಂದಿರುವ ಆ ಸ್ಟಾರ್ ಬೌಲರ್ ಬೇರಾರು ಅಲ್ಲ ಮೊಹಮ್ಮದ್ ಶಮಿ. ಟೀಮ್ ಇಂಡಿಯಾ ಪರ ಅದ್ಭುತ ಬೌಲಿಂಗ್ ದಾಳಿ ಮಾಡುವ ಶಮಿ, ಕ್ರೀಸ್ಗೆ ಬರುವ ತಮ್ಮ ಎದುರಾಳಿ ತಂಡದ ಬ್ಯಾಟ್ಸ್ಮನ್ಗಳಲ್ಲಿ ಬೆವರಿಳಿಸುವುದಕ್ಕೆ ನಿಸ್ಸಿಮರು. ನೆಟ್ಸ್ನಲ್ಲಿ ಅಭ್ಯಾಸ ಮಾಡುವಾಗ ಶಮಿ ಎಸೆಯುವ ಬಾಲ್ಗೆ ವಿರಾಟ್ ಮತ್ತು ರೋಹಿತ್ ಬ್ಯಾಟ್ ಮಾಡಲು ಕೊಂಚ ಹೆದರುತ್ತಾರಂತೆ. ಇದು ಕೇಳುವುದಕ್ಕೆ ಶಾಕಿಂಗ್ ಅನಿಸಿದರೂ ನಿಜ.
ಈ ಕುರಿತಂತೆ ಸ್ವತಃ ಮೊಹಮ್ಮದ್ ಶಮಿ ಅವರೇ ಹೇಳಿಕೊಂಡಿದ್ದು, ಇತ್ತೀಚೆಗೆ ನಡೆದ ಸಂದರ್ಶನವೊಂದರಲ್ಲಿ ಖ್ಯಾತ ಪತ್ರಕರ್ತ ಶುಭಂಕರ್ ಮಿಶ್ರಾ ಅವರೊಂದಿಗೆ ಹಲವು ಆಸಕ್ತಿದಾಯಕ ವಿಚಾರಗಳ ಬಗ್ಗೆ ಮಾತನಾಡಿದ್ದಾರೆ. ಅಲ್ಲದೆ, ಕೆಲವು ತಮಾಷೆಯ ಕಾಮೆಂಟ್ಗಳನ್ನು ಸಹ ಮಾಡಿದ್ದಾರೆ.
