ಇವರೊಬ್ಬರನ್ನು ಬಿಟ್ಟರೆ ಇನ್ಯಾರೂ ವಿರಾಟ್​ ಕೊಹ್ಲಿ ದಾಖಲೆ ಹತ್ತಿರಕ್ಕೂ ಸುಳಿಯಲು ಸಾಧ್ಯವಿಲ್ಲ: ಮಾಜಿ ಕ್ರಿಕೆಟಿಗ | Virat Kohli

Virat Kohli: ಟೀಮ್​ ಇಂಡಿಯಾದ ದಿಗ್ಗಜ ಸ್ಟಾರ್​ ಬ್ಯಾಟರ್​, ದಾಖಲೆಗಳ ಸರದಾರ, ರನ್ ಮೆಷಿನ್​ ವಿರಾಟ್ ಕೊಹ್ಲಿ ಟೆಸ್ಟ್ ಕ್ರಿಕೆಟ್​ಗೆ ಇಂದು (ಮೇ 12) ನಿವೃತ್ತಿ ಘೋಷಿಸಿದರು. ಕೊಹ್ಲಿಯ ಈ ಒಂದು ನಿರ್ಧಾರ ಅಸಂಖ್ಯಾತ ಅಭಿಮಾನಿಗಳಿಗೆ ಅಚ್ಚರಿ ಮಾತ್ರವಲ್ಲದೇ ನೋವಿನ ಸಂಗತಿಯೂ ಆಗಿದೆ. ಐಪಿಎಲ್ 18ನೇ ಆವೃತ್ತಿಯ​ ಮಧ್ಯೆಯೇ ರೋಹಿತ್​ ಶರ್ಮ ಟೆಸ್ಟ್​ಗೆ ನಿವೃತ್ತಿ ಘೋಷಿಸಿದ ಬೆನ್ನಲ್ಲೇ ಇದೀಗ ಕೊಹ್ಲಿ ಕೂಡ ಟೆಸ್ಟ್​ ಕ್ರಿಕೆಟ್​ಗೆ ನಿವೃತ್ತಿ ಘೋಷಣೆ ಮಾಡಿರುವುದು ದಿಗ್ಗಜ ಕ್ರಿಕೆಟಿಗರ ಯುಗಾಂತ್ಯವಾಗಿದೆ. ಸದ್ಯ ಕೊಹ್ಲಿ ಮತ್ತು ರೋಹಿತ್​ ಕೆಲ ಕಾಲ ಏಕದಿನ ಸ್ವರೂಪದಲ್ಲಿ ಮುಂದುವರಿಯಲಿದ್ದಾರೆ.

ಇದನ್ನೂ ಓದಿ: ಭಗವಾನ್ ಬುದ್ಧ ಜಯಂತಿ ಅದ್ದೂರಿಯಾಗಿ ಆಚರಣೆ, ಬೌದ್ಧ ವಿಹಾರದಿಂದ ಬೃಹತ್ ಮೆರವಣಿಗೆ, ಅನುರಣಿಸಿದ ‘ಬುದ್ಧಂ ಶರಣಂ ಗಚ್ಚಾಮಿ’ ಉದ್ಘೋಷ

9000 ರನ್​ಗಳು, 30 ಶತಕಗಳ ಅಮೋಘ ದಾಖಲೆ ಹೊಂದಿರುವ ವಿರಾಟ್​ ಕ್ರಿಕೆಟ್​ ಜಗತ್ತಿನಲ್ಲಿ 'ಕಿಂಗ್​ ಕೊಹ್ಲಿ' ಎಂದೇ ಗುರುತಿಸಿಕೊಂಡಿದ್ದಾರೆ. ಮೂರು ಫಾರ್ಮೆಟ್​ನ ಕ್ರಿಕೆಟ್​ನಲ್ಲಿ ಹಲವು ದಾಖಲೆಗಳು ತಮ್ಮ ಹೆಸರಿಗೆ ಸೇರಿಸಿಕೊಂಡಿರುವ ವಿರಾಟ್​ ಕೊಹ್ಲಿಗೆ ದೇಶವ್ಯಾಪಿ ಮೆಚ್ಚುಗೆ, ಪ್ರಶಂಸೆಗಳು ವ್ಯಕ್ತವಾಗಿವೆ. ಕ್ರಿಕೆಟ್ ದಂತಕಥೆಯಾಗಿ ಉಳಿದಿರುವ ಕೊಹ್ಲಿ, ಪ್ರಸ್ತುತ ಐಪಿಎಲ್​ 18ನೇ ಆವೃತ್ತಿಯಲ್ಲಿ ಆರ್​ಸಿಬಿ ಪರ ಮಿಂಚುತ್ತಿದ್ದಾರೆ. ದಿಗ್ಗಜ ಕ್ರಿಕೆಟಿಗನ ನಿವೃತ್ತಿ ಕುರಿತು ಕ್ರಿಕೆಟ್​ ಜಗತ್ತು ಮಾತ್ರವಲ್ಲದೇ ಚಿತ್ರೋದ್ಯಮ, ರಾಜಕೀಯ ಸೇರಿದಂತೆ ಗಣ್ಯರು ಕೊಹ್ಲಿ ಸಾಧನೆಯನ್ನು ಸ್ಮರಿಸಿ, ಗುಣಗಾನ ಮಾಡಿದ್ದಾರೆ.

"ಭಾರತೀಯ ಟೆಸ್ಟ್ ಕ್ರಿಕೆಟ್​ನಲ್ಲಿ ಕೊಹ್ಲಿ ಪ್ರಾಮುಖ್ಯತೆ ಬಹಳಷ್ಟಿದೆ" ಎಂದ ಟೀಮ್ ಇಂಡಿಯಾದ ಮಾಜಿ ಹಿರಿಯ ಆಟಗಾರ ಮತ್ತು ಹೆಡ್​ ಕೋಚ್​ ಲಾಲ್ ಚಂದ್ ರಜಪುತ್​, "ಅತ್ಯದ್ಭುತ ಕ್ರಿಕೆಟಿಗರಲ್ಲಿ ವಿರಾಟ್​ ಕೂಡ ಒಬ್ಬರು. ಚೇಸಿಂಗ್​ನಲ್ಲಿ ಅವರು ಗೆದ್ದಿರುವ ಪಂದ್ಯಗಳು ಅಮೋಘ. ಎರಡು ಫಾರ್ಮೆಟ್​ನಲ್ಲಿ 75ಕ್ಕೂ ಹೆಚ್ಚು ಶತಕಗಳನ್ನು ದಾಖಲಿಸಿದ್ದಾರೆ. ಒಟ್ಟಾರೆ ಅವರ ರೆಕಾರ್ಡ್​ಗಳನ್ನು ನೋಡಿದಾಗ ಸಚಿನ್ ತೆಂಡೂಲ್ಕರ್ ಬಿಟ್ಟು ಇನ್ಯಾರೂ ಕೊಹ್ಲಿ ದಾಖಲೆಯನ್ನು ಸರಿಗಟ್ಟಲು ಸಾಧ್ಯವಿಲ್ಲ" ಎಂದಿದ್ದಾರೆ,(ಏಜೆನ್ಸೀಸ್).

https://www.vijayavani.net/dgmo-lieutenant-general-rajiv-ghai