ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಮಾತನಾಡಿರುವ ಇರ್ಫಾನ್ ಪಠಾಣ್, ಪಂದ್ಯದಲ್ಲಿ ಕೇವಲ ರನ್ ಗಳಿಸುವ ಮನಸ್ಥಿತಿಯಲ್ಲಿ ಆಡುವ ಬದಲು, ಕೊಹ್ಲಿ ಸಂಯಮದಿಂದ, ತಮ್ಮ ನೈಜ ಆಟದತ್ತ ಗಮನ ಹರಿಸುವುದು ಉತ್ತಮ ಎಂದು ಅಭಿಪ್ರಾಯಪಟ್ಟರು. ಎರಡು ಪಂದ್ಯ, ಎರಡು ಡಕ್, ನಾವು ಈ ಹಿಂದೆ ಈ ರೀತಿಯ ನಿದರ್ಶನಗಳನ್ನು ನೋಡಿಲ್ಲ. ಇದು ಒತ್ತಡ, ಕಿರಿಕಿರಿ ಮತ್ತು ಇನ್ನೇನಾದರು ಬೇರೆ ಕಾರಣದಿಂದ ನಡೆದಿರಬಹುದು. ಹಿರಿಯ ಆಟಗಾರರ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಬೇರೆ ಬೇರೆ ರೀತಿಯ ಚರ್ಚೆಗಳು ನಡೆಯುತ್ತಿವೆ. ಈ ರೀತಿಯ ಮಾತುಗಳು ಅವರ ಆಟದ ಮೇಲೆ ದುಷ್ಪರಿಣಾಮ ಬೀರುವ ಸಾಧ್ಯತೆ ಇದ್ದು, ಹಾಗಾಗದಂತೆ ನಾವು ಜಾಗರೂಕರಾಗಿರಬೇಕು ಎಂದರು. ಅಡಿಲೇಡ್ ಓವಲ್ನಲ್ಲಿ ವಿರಾಟ್ ಹೆಚ್ಚು ಹೊತ್ತು ಕ್ರಿಸ್ನಲ್ಲಿ ನಿಲ್ಲದೇ ವಿಕೆಟ್ ಒಪ್ಪಿಸಿದರು. ಕೊಹ್ಲಿ ಪೆವಿಲಿಯನ್ಗೆ ಹಿಂತಿರುಗುವಾಗ ಪ್ರೇಕ್ಷಕರು ಎದ್ದು ನಿಂತು ಚಪ್ಪಾಳೆ ತಟ್ಟಲು ಶುರು ಮಾಡಿದರು. ಈ ವೇಳೆ ಸ್ಟಾರ್ ಬ್ಯಾಟರ್ ತಮ್ಮ ಕೈಗವಸುಗಳನ್ನು ಮೇಲಕ್ಕೆತ್ತಿ ಧನ್ಯವಾದ ತಿಳಿಸಿದರು. ಇದು ನಿವೃತ್ತಿಯ ಸುಳಿವೇ ಎಂದು ಅನೇಕರು ಚರ್ಚಿಸುತ್ತಿದ್ದಾರೆ.
