ನವದೆಹಲಿ: ಟೀಮ್ ಇಂಡಿಯಾದ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಮತ್ತು ಬಾಲಿವುಡ್ ತಾರೆ ಅನುಷ್ಕಾ ಶರ್ಮ ದಂಪತಿ ಮುಂಬೈ ಹೊರವಲಯದ ಆಲಿಬಾಗ್ನಲ್ಲಿ 19.24 ಕೋಟಿ ರೂ. ವೆಚ್ಚದಲ್ಲಿ ಖರೀದಿಸಿರುವ 7.45 ಏಕರೆ ಭೂಮಿಯಲ್ಲಿ ಫಾರ್ಮ್ಹೌಸ್ ನಿರ್ಮಿಸಲು ಸಿದ್ಧತೆಗಳನ್ನು ನಡೆಸುತ್ತಿದೆ. ವಿರೂಷ್ಕಾ ದಂಪತಿ ಇತ್ತೀಚೆಗೆ ಈ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆಯನ್ನೂ ನಡೆಸಿತ್ತು. ಈ ನಡುವೆ ಫಾರ್ಮ್ಹೌಸ್ನಲ್ಲಿ ವಿರಾಟ್ ಕೊಹ್ಲಿ ತನ್ನ ಬ್ಯಾಟಿಂಗ್ ಅಭ್ಯಾಸಕ್ಕೆ ಅನುಕೂಲಕರವೆನಿಸುವಂತೆ ಕ್ರಿಕೆಟ್ ಪಿಚ್ ಕೂಡ ನಿರ್ಮಿಸಲಿದ್ದಾರೆ ಎಂದು ವರದಿಯಾಗಿತ್ತು. ಆದರೆ ವಿರಾಟ್ ಕೊಹ್ಲಿ ಈ ಸುದ್ದಿಯನ್ನು ಸಂಪೂರ್ಣವಾಗಿ ತಳ್ಳಿಹಾಕಿದ್ದಾರೆ.
ಅಲ್ಲದೆ, ಆಂಗ್ಲ ಪತ್ರಿಕೆಯೊಂದು ಈ ಬಗ್ಗೆ ಪ್ರಕಟಿಸಿರುವ ವರದಿಯನ್ನು ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಹಾಕಿಕೊಂಡಿರುವ ಕೊಹ್ಲಿ, “ನಾನು ಬಾಲ್ಯದಿಂದ ಓದಿಕೊಂಡು ಬರುತ್ತಿದ್ದ ಪತ್ರಿಕೆಯೂ ಈಗ ಸುಳ್ಳು ಸುದ್ದಿಗಳನ್ನು ಪ್ರಕಟಿಸಲಾರಂಭಿಸಿದೆ’ ಎಂದು ಕಿಡಿಕಾರಿದ್ದಾರೆ.
ಕಳೆದೊಂದು ವಾರದಲ್ಲಿ ಕೊಹ್ಲಿ ಮಾಧ್ಯಮ ವರದಿಗೆ 2ನೇ ಬಾರಿ ಪ್ರತಿಕ್ರಿಯೆ ನೀಡಿದ್ದಾರೆ. ಕೊಹ್ಲಿ ಇತ್ತೀಚೆಗಷ್ಟೇ, ಇನ್ಸ್ಟಾಗ್ರಾಂನ ಪ್ರತಿ ಪ್ರಾಯೋಜಿತ ಪೋಸ್ಟ್ನಿಂದ ತಾನು 11.45 ಕೋಟಿ ರೂ. ಗಳಿಸುತ್ತೇನೆ ಎಂಬ ವರದಿಯನ್ನೂ ತಳ್ಳಿಹಾಕಿದ್ದರು.
ಅತ್ಯಂತ ಸಾಧಾರಣ ತಂಡವೆಂದು ಟೀಮ್ ಇಂಡಿಯಾವನ್ನು ತೆಗಳಿದ ವೆಂಕಟೇಶ್ ಪ್ರಸಾದ್