ನಾವು ಮತ್ತೆ ಔಟ್​​ ಮಾಡುತ್ತೇವೆ.... ವಿರಾಟ್​ ಕೊಹ್ಲಿಗೆ ವಾರ್ನಿಂಗ್​ ನೀಡಿದ ಆಸಿಸ್​ ಆಟಗಾರ! Virat Kohli

ಪರ್ತ್​ : ವಿರಾಟ್ ಕೊಹ್ಲಿ ( Virat Kohli ) ಸುಮಾರು ಏಳು ತಿಂಗಳ ಬಳಿಕ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡುತ್ತಿದ್ದಾರೆ. ಪರ್ತ್‌ನಲ್ಲಿ ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಕೊಹ್ಲಿ ಅವರು 8 ಎಸೆತಗಳನ್ನು ಎದುರಿಸಿ, ಯಾವುದೇ ರನ್​ ಖಾತೆ ತೆರೆಯದೆಯೇ ಔಟಾದರು. ಆಫ್ ಸ್ಟಂಪ್ ಹೊರಗೆ ಬಿದ್ದ ಚೆಂಡನ್ನು ಶಾಟ್​ ಆಡಲು ಹೋಗಿ ಕ್ಯಾಚ್​ ನೀಡಿದರು. ಇದು ಕೊಹ್ಲಿಯ ದೌರ್ಬಲ್ಯ ಎಂದು ವಿಶೇಷವಾಗಿ ಹೇಳಬೇಕಾಗಿಲ್ಲ.

ಕೊಹ್ಲಿ ಅವರು ಇಂತಹ ಎಸೆತಗಳಿಗೆ ಔಟಾದ ಸಂದರ್ಭಗಳು ಬಹಳಷ್ಟಿವೆ. ಅದೇ ರೀತಿ ತಮ್ಮ ತಪ್ಪನ್ನು ಸರಿಪಡಿಸಿಕೊಂಡು ಉತ್ತಮ ಪ್ರದರ್ಶನವನ್ನೂ ನೀಡಿದ್ದಾರೆ. ಆದರೆ, ಮಿಚೆಲ್ ಸ್ಟಾರ್ಕ್ ಬೌಲಿಂಗ್‌ನಲ್ಲಿ ಇದೇ ರೀತಿಯ ಎಸೆತಕ್ಕೆ ಔಟಾಗುವ ಮೂಲಕ ಮತ್ತೊಮ್ಮೆ ತಮ್ಮ ದೌರ್ಬಲ್ಯವನ್ನು ಬಹಿರಂಗಪಡಿಸಿದ್ದಾರೆ. ಎರಡನೇ ಏಕದಿನ ಪಂದ್ಯದಲ್ಲೂ ಇದೇ ರೀತಿಯ ಎಸೆತಗಳಿಗೆ ಕೊಹ್ಲಿ ಔಟ್ ಆಗಲಿದ್ದಾರೆ ಎಂದು ಆಸೀಸ್ ಬ್ಯಾಟ್ಸ್‌ಮನ್ ಮ್ಯಾಥ್ಯೂ ಶಾರ್ಟ್ ಹೇಳಿದ್ದಾರೆ.

ಎರಡನೇ ಏಕದಿನ ಪಂದ್ಯಕ್ಕೂ ಮುನ್ನ ಮಾಧ್ಯಮಗಳೊಂದಿಗೆ ಮಾತನಾಡಿದ ಮ್ಯಾಥ್ಯೂ ಶಾರ್ಟ್ ಈ ವಿಚಾರವನ್ನು ಬಹಿರಂಗಪಡಿಸಿದರು. ಕೊಹ್ಲಿಯ ದೌರ್ಬಲ್ಯಗಳನ್ನು ಆಸ್ಟ್ರೇಲಿಯಾ ಬೌಲರ್‌ಗಳು ಬಳಸಿಕೊಳ್ಳುತ್ತಾರೆ ಎಂದರು. ವೇಗಿಗಳ ಮೀಟಿಂಗ್​ನಲ್ಲಿ ನಾನು ಭಾಗವಹಿಸಲಿಲ್ಲ ಆದರೆ, ಕೊಹ್ಲಿ ಅದೇ ರೀತಿ ಔಟ್ ಆಗುವ ಸಾಧ್ಯತೆ ಇದೆ ಎಂದರು. ಅಲ್ಲದೆ, ಹ್ಯಾಜಲ್‌ವುಡ್ ಮತ್ತು ಸ್ಟಾರ್ಕ್‌ರಂತಹ ವೇಗಿಗಳು ಕೊಹ್ಲಿಯ ದೌರ್ಬಲ್ಯಗಳನ್ನು ಬಳಸಿಕೊಳ್ಳುತ್ತಾರೆ. ಆದರೆ, ಕೊಹ್ಲಿಗೆ ಬ್ಯಾಟಿಂಗ್ ಮಾಡುವುದು ಹೇಗೆಂದು ತಿಳಿದಿದೆ ಎಂದು ಹೇಳಿದರು.

ಇದನ್ನೂ ಓದಿ: ಈ ಫೋಟೋದಲ್ಲಿರುವ ಬಾಲಕಿ ಯಾರು ಗೊತ್ತಾ? ಪ್ಯಾನ್​ ಇಂಡಿಯಾ ಮಟ್ಟದಲ್ಲಿ ಮಿಂಚುತ್ತಿರುವ ಕನ್ನಡದ ನಟಿ ಈಕೆ! Actress Childhood Photo

ಟೆಸ್ಟ್ ಮತ್ತು ಟಿ20 ಪಂದ್ಯಗಳಿಂದ ನಿವೃತ್ತಿ ಘೋಷಿಸಿರುವ ವಿರಾಟ್ ಕೊಹ್ಲಿ, ಪ್ರಸ್ತುತ ಏಕದಿನ ಪಂದ್ಯಗಳಲ್ಲಿ ಮಾತ್ರ ಆಡುತ್ತಿದ್ದಾರೆ. 2027ರ ಏಕದಿನ ವಿಶ್ವಕಪ್‌ನಲ್ಲಿ ಸ್ಥಾನ ಪಡೆಯುವ ಗುರಿಯೊಂದಿಗೆ ಆಡುತ್ತಿದ್ದಾರೆ. ಆದರೆ ಅದು ಅಷ್ಟು ಸುಲಭವಲ್ಲ. ಆಸೀಸ್ ವಿರುದ್ಧದ ಸರಣಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದರೆ ಮಾತ್ರ ಕೊಹ್ಲಿಗೆ ಮುಂದಿನ ಏಕದಿನ ಸರಣಿಯಲ್ಲಿ ಸ್ಥಾನ ಸಿಗುತ್ತದೆ ಎಂಬ ವರದಿಗಳಿವೆ. ಈ ಸಂದರ್ಭದಲ್ಲಿ, ಮೊದಲ ಏಕದಿನ ಪಂದ್ಯದಲ್ಲಿ ವಿಫಲವಾದ ನಂತರ, ಉಳಿದ ಎರಡು ಏಕದಿನ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಬೇಕಾಗುತ್ತದೆ. ಎರಡನೇ ಏಕದಿನ ಪಂದ್ಯ ನಾಳೆ (ಅ.23) ನಡೆಯಲಿದೆ. (ಏಜೆನ್ಸೀಸ್​)

https://www.vijayavani.net/optical-illusion-challenge-only-1-in-10-people-can-find-the-hidden-cat-in-just-10-seconds

https://www.vijayavani.net/the-baby-born-to-a-gaza-couple-is-named-singapore-do-you-know-why