ಡಾ.ಅಂಬೇಡ್ಕರ್ ಅವರ ಪದವಿಗಳ ಪಟ್ಟಿ Viral; Post ನೋಡಿ ಶಿಕ್ಷಣದ ಶಕ್ತಿ ಇದು ಎಂದ ನೆಟ್ಟಿಗರು

ಸಂವಿಧಾನದ 75ನೇ ವರ್ಷಾಚರಣೆ ಸಮಯದಲ್ಲಿ, ರಾಜ್ಯಸಭೆಯಲ್ಲಿ ಕೇಂದ್ರ ಗೃಹ ಸಚಿವ ಅಮಿತ್ ಷಾ ಅವರು ನೀಡಿರುವ ಹೇಳಿಕೆಯ ಆಯ್ದ ಭಾಗ ಜಾಲತಾಣದಲ್ಲಿ ಹರಿದಾಡುತ್ತಿದೆ. ವಾಸ್ತವವಾಗಿ ಈ ಹೇಳಿಕೆಯನ್ನು ವಿರೋಧಿಸಿ ಕಾಂಗ್ರೆಸ್ ಮತ್ತು ಇತರ ವಿರೋಧ ಪಕ್ಷಗಳು ವಾಗ್ದಾಳಿ ನಡೆಸುತ್ತಿದ್ದು ಅಮಿತ್​ ಷಾ ಅವರು ಕ್ಷಮೆಯಾಚಿಸಬೇಕೆಂದು ಒತ್ತಾಯಿಸುತ್ತಿರುವುದು ಗೊತ್ತೆ ಇದೆ. ಈ ವಿವಾದದ ನಡುವೆ ಜಾಲತಾಣಲದಲ್ಲಿ ಅಂಬೇಡ್ಕರ್​​ ಅವರಿಗೆ ಸಂಬಂಧಿಸಿದ ಪೋಸ್ಟ್​ವೊಂದು ವೈರಲ್(Viral; Post )​ ಆಗುತ್ತಿದೆ.

ಇದನ್ನು ಓದಿ: ಕೋಟ್ಯಂತರ ಮೌಲ್ಯದ ಕಾರಿನ ಗಾಜು ಒಡೆದು ಕದಿಯಲು ಖತರ್ನಾಕ್​ ಕಳ್ಳನ ಯತ್ನ; Viral Video ನೋಡಿ ನೆಟ್ಟಿಗರು ಹೇಳಿದ್ದು ಹೀಗೆ..

ವೈರಲ್​ ಆಗಿರುವ ಪೋಸ್ಟ್​​​ ಡಾ.ಬಿ.ಆರ್.ಅಂಬೇಡ್ಕರ್ ಅವರ ವ್ಯಕ್ತಿತ್ವದ ಬಗ್ಗೆ ಬಹಳಷ್ಟು ಹೇಳುತ್ತದೆ. ಇದು ಅವರ ಶೈಕ್ಷಣಿಕ ಸಾಧನೆಗಳ ಪಟ್ಟಿಯೇ ಹೊರತು ಬೇರೇನೂ ಅಲ್ಲ. ಇದರಲ್ಲಿ ವರ್ಷ, ಯಾವಾಗ ಮತ್ತು ಯಾವ ಕಾಲೇಜಿನಲ್ಲಿ ಯಾವ ಪದವಿಯನ್ನು ಪಡೆದಿದ್ದಾರೆ ಎಂದು ನಮೂದಿಸಲಾಗಿದೆ. ಫೋಸ್ಟ್​ ಅನ್ನು ಪವರ್ ಆಫ್ ಎಜುಕೇಶನ್ (ಶಿಕ್ಷಣದ ಶಕ್ತಿ) ಎಂದು ಶೀರ್ಷಿಕೆ ಕೊಟ್ಟು ಹಂಚಿಕೊಳ್ಳಲಾಗಿದೆ.

ಬಾಬಾಸಾಹೇಬರು ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ಸತಾರಾದಲ್ಲಿ ಮತ್ತು ಮಾಧ್ಯಮಿಕ ಶಿಕ್ಷಣವನ್ನು ಮುಂಬೈನ ಎಲ್ಫಿನ್‌ಸ್ಟೋನ್ ಹೈಸ್ಕೂಲ್‌ನಲ್ಲಿ ಮಾಡಿರುವುದನ್ನು ಪೋಸ್ಟ್​​ನಲ್ಲಿ ನೀವು ನೋಡುತ್ತೀರಿ. ಅವರು 1913 ರಲ್ಲಿ ಬಾಂಬೆ ವಿಶ್ವವಿದ್ಯಾಲಯದಿಂದ ಅರ್ಥಶಾಸ್ತ್ರ ಮತ್ತು ರಾಜ್ಯಶಾಸ್ತ್ರದಲ್ಲಿ ಬಿಎ ಮಾಡಿದ್ದಾರೆ. ನ್ಯೂಯಾರ್ಕ್‌ನ ಕೊಲಂಬಿಯಾ ವಿಶ್ವವಿದ್ಯಾನಿಲಯದಿಂದ ಸ್ಕಾಲರ್‌ಶಿಪ್ ಪಡೆಯುವ ಮೂಲಕ ಅವರು ತಮ್ಮ M.A ಮತ್ತು Ph.D ಅನ್ನು ಪೂರ್ಣಗೊಳಿಸಿದರು.

1921 ರಲ್ಲಿ, ಅವರು ಲಂಡನ್ ಸ್ಕೂಲ್ ಆಫ್ ಎಕನಾಮಿಕ್ಸ್​​​ನಿಂದ ಎಂ.ಎಸ್ಸಿ ಮಾಡಿದರು. ಇದರ ನಂತರ ಅವರು ಕಾನೂನು ಅಧ್ಯಯನ ಮಾಡಲು ಗ್ರೇ-ಇನ್ ಕಾಲೇಜಿನಲ್ಲಿ ಪ್ರವೇಶ ಪಡೆದರು. ಆದರೆ ಹಣಕಾಸಿನ ಅಡಚಣೆಯಿಂದಾಗಿ ಅವರು 1917 ರಲ್ಲಿ ಭಾರತಕ್ಕೆ ಮರಳಿದರು. ಇಲ್ಲಿ ಅವರು ಸಿಡೆನ್‌ಹ್ಯಾಮ್ ಕಾಲೇಜಿನಲ್ಲಿ ಪ್ರಾಧ್ಯಾಪಕರಾಗಿ ಸೇರಿದರು. ಲಂಡನ್‌ಗೆ ಹಿಂತಿರುಗಿ ಅಧ್ಯಯನವನ್ನು ಪೂರ್ಣಗೊಳಿಸುವುದು ಅವರ ಏಕೈಕ ಗುರಿಯಾಗಿತ್ತು. ತನ್ನ ಸ್ನೇಹಿತನಿಂದ ಹಣವನ್ನು ಎರವಲು ಪಡೆದು ತನ್ನ ಸ್ವಂತ ಉಳಿತಾಯವನ್ನು ಬಳಸಿ ಅವರು ತನ್ನ ಅಧ್ಯಯನವನ್ನು ಪೂರ್ಣಗೊಳಿಸಲು ಲಂಡನ್‌ಗೆ ಹಿಂತಿರುಗಿದರು. ಅವರು ಲಂಡನ್ ಸ್ಕೂಲ್ ಆಫ್ ಎಕನಾಮಿಕ್ಸ್‌ನಿಂದ MSc ಮತ್ತು DSc ಅನ್ನು ಪೂರ್ಣಗೊಳಿಸಿದ್ದಾರೆ.

1952ರ ಮೊದಲ ಸಾರ್ವತ್ರಿಕ ಚುನಾವಣೆಯ ನಂತರ ಬಿಆರ್ ಅಂಬೇಡ್ಕರ್ ಅವರನ್ನು ರಾಜ್ಯಸಭಾ ಸದಸ್ಯರಾಗಿ ನಾಮನಿರ್ದೇಶನ ಮಾಡಲಾಯಿತು. ಬಾಬಾಸಾಹೇಬರಿಗೆ ಈ ವರ್ಷ ಹೈದರಾಬಾದ್‌ನ ಉಸ್ಮಾನಿಯಾ ವಿಶ್ವವಿದ್ಯಾಲಯದಿಂದ ಡಾಕ್ಟರೇಟ್​​ ಪದವಿಯನ್ನು ನೀಡಿ ಗೌರವಿಸಲಾಯಿತು. ಬಿಆರ್ ಅಂಬೇಡ್ಕರ್ ಅವರ ಈ ಸಾಧನೆಗಳನ್ನು ನೋಡಿ ಅನೇಕರು ಪ್ರತಿಕ್ರಿಯಿಸಿದ್ದಾರೆ.

ಭಾರತದಲ್ಲಿ ಬಾಬಾ ಸಾಹೇಬ್‌ಗಿಂತ ಹೆಚ್ಚು ಪದವಿಗಳನ್ನು ಹೊಂದಿರುವವರು ಕಷ್ಟ, ಇದನ್ನು ನೋಡಿ ಯಾರೊಬ್ಬರ ಮನೆಯಲ್ಲಿ ಧ್ವಜ ಹಾರಿಸುವುದರಿಂದ, ಧಾರ್ಮಿಕ ಸ್ಥಳದ ಹೊರಗೆ ಪ್ರಚೋದನಕಾರಿ ಘೋಷಣೆಗಳನ್ನು ಕೂಗುವುದರಿಂದ ಮತ್ತು ಕಣ್ವಡ್ ಯಾತ್ರೆಯಿಂದ ಏನೂ ಸಾಧಿಸಲಾಗುವುದಿಲ್ಲ ಎಂದು ಜನರು ಅರ್ಥಮಾಡಿಕೊಳ್ಳಬೇಕು, ಏನನ್ನಾದರೂ ಸಾಧಿಸಿಬೇಕೆಂದರೆ ಅದು ಶಿಕ್ಷಣದಿಂದ ಮಾತ್ರ ಸಾಧ್ಯ ಎಂದು ಕಾಮೆಂಟ್​ ಮಾಡಿದ್ದಾರೆ.

https://www.vijayavani.net/video-viral-woman-selling-butter-tea-in-50-rupees-video-goes-viral