Vincy Aloshious: ಹಲವಾರು ಮಲಯಾಳಂ ಚಿತ್ರಗಳಲ್ಲಿ ತನ್ನ ನಟನಾ ಛಾಪು ಮೂಡಿಸಿ, ಸಿನಿಪ್ರೇಕ್ಷಕರಿಂದ ಸೈ ಎನಿಸಿಕೊಂಡಿರುವ ವಿನ್ಸಿ ಸೋನಿ, “ಇತ್ತೀಚೆಗಷ್ಟೇ ನಡೆದ ಒಂದು ಚಿತ್ರದ ಚಿತ್ರೀಕರಣದ ಸಮಯ. ಆತ ಓರ್ವ ಸ್ಟಾರ್ ನಟ. ಅವರ ಸಿನಿಮಾದಲ್ಲಿ ನಾನು ಸಹ ಕೆಲಸ ಮಾಡಿದ್ದೆ. ಶೂಟಿಂಗ್ ನಡೆಯುವಾಗ ನನ್ನ ಡ್ರೆಸ್ ಸ್ವಲ್ಪ ವಿಚಿತ್ರವಾಗಿತ್ತು. ಕೂಡಲೇ ಅದನ್ನು ಸರಿಪಡಿಸಿಕೊಳ್ಳಲು ನಾನು ಕ್ಯಾರವಾನ್ ಕಡೆಗೆ ಹೋಗುತ್ತಿದ್ದೆ. ಆಗ ನಾನು ಕೂಡ ಒಳಗೆ ಬರ್ತಿನಿ, ಸರಿ ಮಾಡೋಣ ಎಂದು ಆತ ಹೇಳಿದ. ಈ ನಡೆ ನನಗೆ ಕಿಂಚಿತ್ತು ಇಷ್ಟವಾಗಲಿಲ್ಲ. ಚಿತ್ರೀಕರಣದ ವೇಳೆ ನಟನ ಬಾಯಿಯಿಂದ ಆಕಸ್ಮಿಕವಾಗಿ ಬಿಳಿ ವಸ್ತು ಹೊರಬೀಳುತ್ತಿತ್ತು. ಅಸಲಿಗೆ ಅದು ಡ್ರಗ್ಸ್ ಎಂಬುದು ಖಚಿತವಾಯಿತು” ಎಂದು ವಿಡಿಯೋದಲ್ಲಿ ಹೆಸರೇಳದೆ ಆರೋಪಿಸಿದ್ದರು.
