ರೈತರ ಸಮಸ್ಯೆ ಪರಿಹರಿಸಲು ಕೇಂದ್ರಕ್ಕೆ ಗೌರಿಗದ್ದೆಯ ಅವಧೂತ ವಿನಯ ಗುರೂಜಿ ಪತ್ರ

ಹುಬ್ಬಳ್ಳಿ: ಕಳೆದ ಕೆಲವು ತಿಂಗಳುಗಳಿಂದ ದೇಶಾದ್ಯಂತ ಸುದ್ದಿಯಾಗುತ್ತಿರುವ ರೈತರ ಪ್ರತಿಭಟನೆ ಕುರಿತಂತೆ ಗೌರಿಗದ್ದೆಯ ಅವಧೂತ ವಿನಯ ಗುರೂಜಿ ಧ್ವನಿಯೆತ್ತಿದ್ದಾರೆ. ‘‘ಕೃಷಿಕರ ಸಮಸ್ಯೆಗಳಿಗೆ ಕೂಡಲೇ ಸ್ಪಂದಿಸುವಂತೆ ಕೇಂದ್ರ ಸರ್ಕಾರಕ್ಕೆ ಪತ್ರ ಬರೆದಿದ್ದೇನೆ. ಕೇಂದ್ರ ಸಚಿವ ಸದಾನಂದ ಗೌಡ ಮತ್ತು ಇತರ ಪ್ರಮುಖರಿಗೆ ಈಗಾಗಲೇ ಪತ್ರ ಬರೆದಿದ್ದು, ಸಾಧ್ಯವಾದರೆ 15 ದಿನಗಳ ನಂತರ ಖುದ್ದು ಭೇಟಿಯಾಗುತ್ತೇನೆ’’ ಎಂದು ನಗರದಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

‘‘ದೇವಸ್ಥಾನದಲ್ಲಿ ಹುಂಡಿ ಇಟ್ಟಂತೆ ರೈತರಿಗೂ ಪ್ರತ್ಯೇಕ ಹುಂಡಿ (ಅನುದಾನ) ಇಡಬೇಕು ಎನ್ನುವ ಕಲ್ಪನೆ ನನ್ನದು. ಸ್ವದೇಶಿ ತತ್ವಕ್ಕೆ ಉತ್ತೇಜನ ನೀಡುವ ಮೂಲಕ ಗಾಂಧೀಜಿಯವರ ಕನಸನ್ನು ನನಸು ಮಾಡಬೇಕು. ಖಾದಿ ಬಟ್ಟೆ ತಯಾರಕರಿಗೆ ಪ್ರೋತ್ಸಾಹ ಸಿಗಬೇಕು. ಕೈಮಗ್ಗ ಉಳಿಯಬೇಕು. ನೇಕಾರರಿಗೆ ಕನಿಷ್ಠ ವೇತನ ನಿಗದಿಯಾಗಬೇಕು. ನೇಕಾರರ ಸಮಸ್ಯೆ ಪರಿಹರಿಸುವಂತೆ ರಾಜ್ಯ ಸರ್ಕಾರದ ಜತೆಗೆ ಮಾತುಕತೆ ನಡೆಸಲಿದ್ದೇನೆ’’ ಎಂದು ವಿವರಿಸಿದರು.

https://www.vijayavani.net/panchamasali-reservation-murugesh-nirani/

https://www.vijayavani.net/s-ragini-sanjana-came-outside/

https://www.vijayavani.net/s-new-cm-in-yugadi-yatnal/