ಚುನಾವಣಾ ರ್ಯಾಲಿಗಳು, ಪ್ರಚಾರದ ಆರ್ಭಟ ಕರೊನಾ ಸೋಂಕಿನ ಪ್ರಸರಣ ಹೆಚ್ಚಿಸುವಲ್ಲಿ ಕಾರಣವಾಗಿ, ಪರಿಸ್ಥಿತಿ ಹೇಗೆ ವಿಷಮವಾಯಿತು ಎಂಬುದಕ್ಕೆ ದೇಶ ಸಾಕ್ಷಿಯಾಗಿದೆ. ಪಶ್ಚಿಮ ಬಂಗಾಳ, ತಮಿಳುನಾಡು, ಕೇರಳ, ಅಸ್ಸಾಂ, ಪುದುಚೇರಿ ಈ ಪಂಚರಾಜ್ಯಗಳ ಚುನಾವಣೆ ಪ್ರಕ್ರಿಯೆ ವೇಳೆ ಸುರಕ್ಷಾ ಕ್ರಮಗಳು, ಕರೊನಾ ಸಂಬಂಧಿಸಿದ ನಿಯಮಗಳು ಸ್ಪಷ್ಟವಾಗಿ ಉಲ್ಲಂಘನೆಯಾದವು. ಪಶ್ಚಿಮ ಬಂಗಾಳದ ರ್ಯಾಲಿಗಳಲ್ಲಂತೂ ಸಾವಿರಾರು ಜನರು ವೈಯಕ್ತಿಕ ಅಂತರ ಕಾಪಾಡಿಕೊಳ್ಳದೆ, ಮುಖಗವಸು ಧರಿಸದೆ ಭಾಗವಹಿಸಿದ್ದರು. ಅದರ ಪರಿಣಾಮ ಸೋಂಕು ವೇಗವಾಗಿ ಹಬ್ಬಿದೆ, ಹಬ್ಬುತ್ತಿದೆ. ಕೆಲವೆಡೆಯಂತೂ ಪರಿಸ್ಥಿತಿ ನಿಯಂತ್ರಿಸಲಾಗದಷ್ಟು ಕೈಮೀರಿದೆ. ರೋಗಿಗಳಿಗೆ ಆಸ್ಪತ್ರೆಗಳಲ್ಲಿ ಹಾಸಿಗೆ, ವೈದ್ಯ ಕೀಯ ಆಮ್ಲಜನಕ ದೊರೆಯದಂಥ ದಾರುಣ ಪರಿಸ್ಥಿತಿಯಿದೆ.
