'ವಿಜಯಾನಂದ' ಚಿತ್ರದ ಟ್ರೈಲರ್ ಒಟ್ಟು ಕನ್ನಡ, ಹಿಂದಿ, ತೆಲುಗು, ಮಲಯಾಳಂ ಮತ್ತು ತಮಿಳಿನಲ್ಲಿ ಬಿಡುಗಡೆಯಾಗಿದ್ದು, ಈ ಪೈಕಿ ಕನ್ನಡ 8.5 ಲಕ್ಷ, ಹಿಂದಿ 4 ಲಕ್ಷ, ತೆಲುಗು 3.62 ಲಕ್ಷ, ಮಲಯಾಳಂ 2.33 ಮತ್ತು ತಮಿಳು ಭಾಷೆಯ ಟ್ರೈಲರ್ 4 ಲಕ್ಷ ವೀಕ್ಷಣೆಯನ್ನು ಕಂಡಿದೆ. ಅಷ್ಟೇ ಅಲ್ಲ, ಸಾವಿರಾರು ಲೈಕ್ಗಳನ್ನು ಪಡೆಯುವುದರ ಜತೆಗೆ, ಪ್ರೇಕ್ಷಕರು ಈ ಚಿತ್ರದ ಬಿಡುಗಡೆಗಾಗಿ ಕಾಯುತ್ತಿರುವುದಾಗಿ ಹೇಳಿಕೊಂಡಿದ್ದಾರೆ. ಅಂದಹಾಗೆ, 'ವಿಜಯಾನಂದ' ಚಿತ್ರವು ಡಿ. 9ರಂದು ಭಾರತದಲ್ಲಿ ಒಂದು ಸಾವಿರಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವುದರ ಜತೆಗೆ, ಅಮೆರಿಕಾ, ಆಸ್ಟ್ರೇಲಿಯಾ, ನ್ಯೂಜಿಲ್ಯಾಂಡ್ ಮುಂತಾದ ದೇಶಗಳಲ್ಲೂ ಬಿಡುಗಡೆಯಾಗುತ್ತಿದೆ.
