ಸಂಚಲನ ಸೃಷ್ಟಿಸಿದ ಡಾ. ವಿಜಯ ಸಂಕೇಶ್ವರರ ಸಲಹೆ: ಉಸಿರಾಟದ ತೊಂದರೆ ನಿಭಾಯಿಸಲು, ಆಕ್ಸಿಜನ್ ಪ್ರಮಾಣ ಹೆಚ್ಚಿಸಲು ಲಿಂಬೆರಸ ರಾಮಬಾಣ

ಕರೊನಾ ಸೋಂಕಿತರು ಅನುಭವಿಸುವ ಉಸಿರಾಟದ ತೊಂದರೆ ನಿಭಾಯಿಸಲು ಹಾಗೂ ಆಕ್ಸಿಜನ್ ಪ್ರಮಾಣ ಹೆಚ್ಚಿಸಲು ವಿಆರ್​ಎಲ್ ಸಮೂಹ ಸಂಸ್ಥೆಗಳ ಚೇರ್ಮನ್ ಡಾ. ವಿಜಯ ಸಂಕೇಶ್ವರ ಅವರು ಭಾನುವಾರ ಸುದ್ದಿಗೋಷ್ಠಿಯಲ್ಲಿ ನೀಡಿದ ಸಲಹೆಗಳು ನಾಡಿನಾದ್ಯಂತ ಸಂಚಲನ ಸೃಷ್ಟಿಸಿವೆ. ವಾಟ್ಸ್ ಆಪ್, ಫೇಸ್​ಬುಕ್, ಟ್ವಿಟರ್ ಸೇರಿ ಸಾಮಾಜಿಕ ಜಾಲತಾಣಗಳಲ್ಲಿ ಹಾಗೂ ಸಾರ್ವಜನಿಕ ವಲಯದಲ್ಲಿ ಈ ಸಲಹೆಗಳಿಗೆ ಉತ್ತಮ ಪ್ರತಿಕ್ರಿಯೆ, ಪ್ರಶಂಸೆ ದೊರೆತಿದೆ. ಬಹುತೇಕರು ಖುದ್ದು ಲಿಂಬೆರಸ ಮೂಗಿಗೆ ಹಾಕಿಕೊಂಡು ಅದರಿಂದಾದ ಪರಿಣಾಮವನ್ನು ಹಂಚಿ ಕೊಂಡಿದ್ದಾರೆ. ಆ ಪೈಕಿ ಕೆಲವು ಅಭಿಪ್ರಾಯಗಳು ಇಲ್ಲಿವೆ.

ಲಿಂಬೆರಸದಿಂದ ರಿಲೀಫ್ ನಿಜ

| ಡಾ.ಚನ್ನಸಿದ್ಧರಾಮ ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮೀಜಿ ಶ್ರೀಶೈಲ ಜಗದ್ಗುರುಗಳು

| ನಾಡೋಜ ಡಾ. ಅನ್ನದಾನೀಶ್ವರ ಸ್ವಾಮೀಜಿ ಮುಂಡರಗಿ

| ಶ್ರೀ ಚನ್ನವೀರ ದೇವರು ಕುಂಟೋಜಿ ಸಂಸ್ಥಾನ ಹಿರೇಮಠ ಕುಂಟೋಜಿ, ಮುದ್ದೇಬಿಹಾಳ

ಪಾವಗಡದಲ್ಲಿ ಅಭಿಯಾನ

ಪಾವಗಡ: ಹೆಲ್ಪ್ ಸೊಸೈಟಿ ಮತ್ತು ಚಿನ್ಮಯ ಸಂಸ್ಥೆ ಹಾಗೂ ಸರ್ವಧರ್ಮ ಶಾಂತಿ ಪೀಠದ ವತಿಯಿಂದ ಲಿಂಬೆರಸ ಪ್ರಯೋಗಿಸುವ ಅಭಿಯಾನ ಸೋಮವಾರ ಆರಂಭವಾಗಿದೆ. ‘ವಿಜಯವಾಣಿ’ಯಲ್ಲಿ ಪ್ರಕಟವಾದ ‘ಕರೊನಾ ನಿಯಂತ್ರಣಕ್ಕೆ ಲಿಂಬೆರಸ ರಾಮಬಾಣ’ ವರದಿಯಿಂದ ಸ್ಪೂರ್ತಿಗೊಂಡು ಪಟ್ಟಣದ ಕನಕಗುರು ಪೀಠ ವಸತಿನಿಲಯದಲ್ಲಿ ಸೋಮವಾರ ಅಭಿಯಾನಕ್ಕೆ ಚಾಲನೆ ನೀಡಲಾಗಿದೆ. ಸರ್ವಧರ್ಮ ಆಶ್ರಮ ಪೀಠಾಧ್ಯಕ್ಷ ಸಿದ್ದಾಪುರದ ರಾಮಮೂರ್ತಿ ಸ್ವಾಮೀಜಿ ಮಾತನಾಡಿ, ವಿಆರ್​ಎಲ್ ಸಮೂಹ ಸಂಸ್ಥೆಗಳ ಚೇರ್ಮನ್ ಡಾ.ವಿಜಯ ಸಂಕೇಶ್ವರ ಅವರು ರಾಜ್ಯಕ್ಕೆ ದಿವ್ಯೌಷಧದ ಸಂದೇಶ ರವಾನಿಸಿದ್ದಾರೆ. ಆರ್ಯುವೇದದಲ್ಲಿ ಲಿಂಬೆಹಣ್ಣಿಗೆ ಪ್ರಾಮುಖ್ಯತೆ ಇದೆ. ಲಿಂಬೆಹಣ್ಣಿನ ಬೀಜ ತಿನ್ನುವುದರಿಂದ ವಿಷಕಾರಿ ಹಾವು ಕಚ್ಚಿದರೂ ಏನೂ ಆಗುವುದಿಲ್ಲ. ಈ ಹಣ್ಣಿನ ರಸ ಮೂಗಿನಲ್ಲಿ ಹಾಕುವುದರಿಂದ ಎದೆಯ ಭಾಗದಲ್ಲಿರುವ ಕಫ ಮತ್ತು ವಿಷಕಾರಿ ಅಂಶ ಹೊರಬರಲಿದೆ ಎಂಬ ಮಾಹಿತಿ ನೀಡಿದ ಡಾ. ಸಂಕೇಶ್ವರ ಅವರಿಗೆ ಈ ಮೂಲಕ ಧನ್ಯವಾದ ತಿಳಿಸುವೆ ಎಂದರು. ಇದೊಂದು ಉತ್ತಮ ಅನುಭವವಾಗಿದೆ, ಯಾವುದೇ ರೀತಿಯ ಅಡ್ಡಪರಿಣಾಮ ಉಂಟಾಗಿಲ್ಲ ಎಂದು ಕಾಂಗ್ರೆಸ್​ನ ರಾಜ್ಯ ಒಬಿಸಿ ಪ್ರಧಾನ ಕಾರ್ಯದರ್ಶಿ ಮೈಲಾರರೆಡ್ಡಿ ‘ವಿಜಯವಾಣಿ’ಗೆ ಧನ್ಯವಾದ ಸಲ್ಲಿಸಿದರು. ಸುಮಾರು 50ಕ್ಕೂ ಅಧಿಕ ಸಾರ್ವಜನಿಕರು ಮತ್ತು ಆಟೋಚಾಲಕರು ಅಭಿಯಾನದಲ್ಲಿ ಭಾಗವಹಿಸಿದ್ದರು.

ಮದುವೆಗೆ ಬಂದವರ ಮೂಗಿಗೆ ಲಿಂಬೆರಸ

ಧಾರವಾಡ: ಉಸಿರಾಟದ ಸಮಸ್ಯೆ ಪರಿಹಾರಕ್ಕೆ ವಿಆರ್​ಎಲ್ ಸಮೂಹ ಸಂಸ್ಥೆಗಳ ಚೇರ್ಮನ್ ಡಾ. ವಿಜಯ ಸಂಕೇಶ್ವರ ಅವರು ತಿಳಿಸಿದ ‘ಲಿಂಬೆರಸ ರಾಮಬಾಣ’ ಎಂಬ ಸುಲಭ ಉಪಾಯವನ್ನು ಮದುವೆ ಮಂಟಪದಲ್ಲಿ ಅನುಸರಿಸಿದ ವಿದ್ಯಮಾನ ಸೋಮವಾರ ನಡೆಯಿತು. ತಾಲೂಕಿನ ಕುರುಬಗಟ್ಟಿ ಗ್ರಾಮದಲ್ಲಿ ಏರ್ಪಡಿಸಿದ್ದ 3 ಜೋಡಿಗಳ ವಿವಾಹ ಕಾರ್ಯಕ್ರಮದಲ್ಲಿ ವಧು- ವರರು ಸೇರಿ ಬೀಗರು ಹಾಗೂ ಬಂಧುಗಳಿಗೆ ಗ್ರಾಮದ ಜಾನಪದ ಹಾಗೂ ಭಜನಾ ಪದ ಗಾಯಕ ರಮೇಶ ಕುರುಬಗಟ್ಟಿ ಎಂಬುವರು ಮೂಗಿಗೆ ಎರಡೆರಡು ಹನಿ ಲಿಂಬೆರಸ ಹಾಕುವ ಮೂಲಕ ಜಾಗೃತಿ ಮೂಡಿಸಿದರು. ಡಾ. ವಿಜಯ ಸಂಕೇಶ್ವರರ ಅಭಿಮಾನಿಯೂ ಆಗಿರುವ ರಮೇಶ ಕುರುಬಗಟ್ಟಿ, ಡಾ. ಸಂಕೇಶ್ವರರ ಸಾಧನೆ ಕುರಿತು ಭಜನಾ ಪದ ರಚಿಸಿ ಹಾಡಿದ್ದಾರೆ.