'ಕಾಂತಾರ 2' ಬರೋದು ಗ್ಯಾರಂಟಿ; ಈ ವರ್ಷವೇ ಚಿತ್ರೀಕರಣ ಶುರು!

ಬೆಂಗಳೂರು: ಕಳೆದ ವರ್ಷದ ಸೂಪರ್​ ಹಿಟ್​ ಚಿತ್ರವಾದ 'ಕಾಂತಾರ'ದ ಮುಂದಿನ ಭಾಗ ಬರುತ್ತದೆ ಎಂಬ ಮಾತು ಕೆಲವು ತಿಂಗಳುಗಳಿಂದ ಕೇಳಿ ಬರುತ್ತಲೇ ಇದೆ. ಅಷ್ಟೇ ಅಲ್ಲ, ಚಿತ್ರತಂಡದವರು 'ಕಾಂತಾರ 2' ಚಿತ್ರ ಮಾಡುವುದಕ್ಕೆ ಅಣ್ಣಪ್ಪ ಸ್ವಾಮಿಯ ಅಪ್ಪಣೆಯನ್ನೂ ಕೇಳಿದ ಸುದ್ದಿ ಇತ್ತು.

ಇದನ್ನೂ ಓದಿ: ಜೈಲರ್​ನಲ್ಲಿ ತಮನ್ನಾ; ರಜನಿಕಾಂತ್ ಜತೆಗೆ ಮೊದಲ ಬಾರಿಗೆ ನಟನೆ

ಈಗ 'ಕಾಂತಾರ 2' ಚಿತ್ರ ಆಗುವುದು ಖಂಡಿತಾ ಎಂದು ಚಿತ್ರದ ನಿರ್ಮಾಪಕ ವಿಜಯ್​ ಕುಮಾರ್​ ಹೇಳಿಕೊಂಡಿದ್ದಾರೆ. ಈ ವರ್ಷದ ಜೂನ್​ನಲ್ಲಿ ಚಿತ್ರೀಕರಣ ಪ್ರಾರಂಭವಾಗಿ, ಮುಂದಿನ ವರ್ಷ ಪ್ಯಾನ್​ ಇಂಡಿಯಾ ಚಿತ್ರವಾಗಿ ಬಿಡುಗಡೆಯಾಗಲಿದೆ ಎಂದು ಅವರು ಹೇಳಿದ್ದಾರೆ. ಜನಪ್ರಿಯ ಸಿನಿಮಾ ವೆಬ್​ಸೈಟ್​ವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಅವರು ಹಲವು ವಿಷಯಗಳ ಬಗ್ಗೆ ಮಾತನಾಡಿದ್ದಾರೆ.

ಈ ಕುರಿತು ಮಾತನಾಡಿರುವ ಅವರು, 'ರಿಷಬ್​ ಸದ್ಯ ತಮ್ಮ ತಂಡದವರೊಂದಿಗೆ ಕುಳಿತು ಕಥೆ ಬರೆಯುತ್ತಿದ್ದಾರೆ. ಈ ಕುರಿತು ಸಾಕಷ್ಟು ರೀಸರ್ಚ್​ ಸಹ ಮಾಡುತ್ತಿದ್ದಾರೆ. ಬಹುಶಃ ಜೂನ್​ನಲ್ಲಿ ಚಿತ್ರ ಪ್ರಾರಂಭವಾಗಿದೆ. ಚಿತ್ರದ ಒಂದು ಭಾಗ ಮಳೆಯಲ್ಲಿ ನಡೆಯುವುದರಿಂದ, ಮಳೆಕಾಲದಲ್ಲಿ ಚಿತ್ರೀಕರಣ ಪ್ರಾರಂಭವಾಗುವ ಸಾಧ್ಯತೆ ಇದೆ. ಮುಂದಿನ ವರ್ಷ ಏಪ್ರಿಲ್​​-ಮೇನಲ್ಲಿ ಚಿತ್ರೀಕರಣ ಪ್ರಾರಂಭವಾಗಲಿದೆ' ಎಂದು ಅವರು ಹೇಳಿಕೊಂಡಿದ್ದಾರೆ. 'ಕಾಂತಾರ 2' ಚಿತ್ರವು 'ಕಾಂತಾರ'ದ ಮುಂದಿನ ಭಾಗವಾಗವಿರುವುದಕ್ಕಿಂತ, ಅದಕ್ಕಿಂತ ಹಿಂದಿನ ಕಥೆಯಾಗಿರುತ್ತದೆಂತೆ.

ಇದನ್ನೂ ಓದಿ: ಭೀಮ ಟೀಸರ್ ವೈರಲ್; ವಿಜಯ್ ಹುಟ್ಟುಹಬ್ಬಕ್ಕೆ ಹೊಸ ಚಿತ್ರ ಘೋಷಣೆ

'ಕಾಂತಾರ' ಚಿತ್ರವು ಸೆ. 30ರಂದು ಕನ್ನಡದಲ್ಲಿ ಬಿಡುಗಡೆಯಾಗಿತ್ತು. ಇಲ್ಲಿ ಯಶಸ್ವಿಯಾದ ಹಿನ್ನೆಲೆಯಲ್ಲಿ ಚಿತ್ರವನ್ನು ಬೇರೆ ಭಾಷೆಗಳಿಗೂ ಡಬ್​ ಮಾಡಲಾಯಿತು. ಚಿತ್ರವು ಒಟ್ಟಾರೆ 400 ಕೋಟಿ ರೂ.ಗಳಿಗೂ ಹೆಚ್ಚು ಕಲೆಕ್ಷನ್​ ಮಾಡಿದೆ. ಕನ್ನಡದಲ್ಲೇ ಈ ಚಿತ್ರವು 170 ಕೋಟಿ ರೂ.ಗಳಿಗೂ ಹೆಚ್ಚು ಗಳಿಕೆ ಮಾಡುವ ಮೂಲಕ, ಕನ್ನಡದಲ್ಲಿ ಅತೀ ಹೆಚ್ಚು ಗಳಿಕೆ ಮಾಡಿದ ಚಿತ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಈ ಚಿತ್ರದಲ್ಲಿ ರಿಷಬ್​ ಜತೆಗೆ ಸಪ್ತಮಿ ಗೌಡ, ಕಿಶೋರ್​, ಅಚ್ಯುತ್​ ಕುಮಾರ್​ ಮುಂತಾದವರು ನಟಿಸಿದ್ದರು.

https://www.vijayavani.net/kriti-shetty-as-heroine-in-custody-with-naga-chaitanya/