ಈ ಘಟನೆಯ ಬಳಿಕ ಅನೇಕ ಕುಟುಂಬಗಳ ಕನಸು, ಬದುಕು ಛಿದ್ರಗೊಂಡಿವೆ, ಚಿಕ್ಕ ಮಕ್ಕಳು ತಮ್ಮ ತಂದೆ ತಾಯಿಯನ್ನು ಕಳೆದುಕೊಂಡಿದ್ದಾರೆ, ವಿಶೇಷ ಚೇತನ ತಾಯಂದಿರು ತಮ್ಮ ನೋವು ವ್ಯಕ್ತಪಡಿಸಲು ಸಾಧ್ಯವಾಗುತ್ತಿಲ್ಲ, ಇಂತಹ ಸಂದರ್ಭ ಎದುರಾದಾಗ ರಾಜಕೀಯ ಪಕ್ಷಗಳು ಜನರ ಸುರಕ್ಷತೆಗೆ ಆದ್ಯತೆ ನೀಡಬೇಕು, ಗಾಯಗೊಂಡ ಜನರು ಬೆಂಬಲ ಅಥವಾ ಸಹಾಯಕ್ಕೆ ಅಂಗಲಾಚುತ್ತಿದ್ದರೆ, ಕಾರ್ಯಕ್ರಮಕ್ಕೆ ಕರೆ ನೀಡಿದ ಪಕ್ಷ ಮತ್ತು ಎರಡನೇ ಹಂತದ ನಾಯಕರು ಸಹ ಅಲ್ಲಿ ಇರಲಿಲ್ಲ, ನೀವೆಲ್ಲಾ ಅವರೊಂದಿಗೆ ಇರಬೇಕಿತ್ತು ಎಂದರು. ಸಂತ್ರಸ್ತ ಕುಟುಂಬಗಳು ನ್ಯಾಯವನ್ನು ಬಯಸುತ್ತಿವೆ, ಇದಕ್ಕೆ ಸಂಬಂಧಪಟ್ಟವರನ್ನು ಹೊಣೆಗಾರರನ್ನಾಗಿ ಮಾಡಬೇಕು, ಮುಖ್ಯಮಂತ್ರಿ ಸ್ಟಾಲಿನ್ ಪರಿಹಾರ ನೀಡಿರಬಹುದು, ಆದರೆ, ಯಾರಾದರೂ ಇದರ ಹೊಣೆ ಹೊರಬೇಕು ಎಂದು ಕನಿಮೋಳಿ ಹೇಳಿದರು.
