ವಿಮಾನ ನಿಲ್ದಾಣದಲ್ಲಿದ್ದ ವಿಮಾನಕ್ಕೆ ಬಡಿದ ಮಿಂಚು; ಕ್ಯಾಮೆರಾದಲ್ಲಿ ಸೆರೆಯಾದ Video Viral

ಬ್ರೆಸಿಲಿಯಾ: ಬ್ರೆಜಿಲ್‌ನಿಂದ ಅಚ್ಚರಿಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Video Viral)ಆಗಿದೆ. ವಾಸ್ತವವಾಗಿ ಇಲ್ಲಿ ಸಾವೊ ಪಾಲೊದಲ್ಲಿನ ಗೌರುಲ್ಹೋಸ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಬ್ರಿಟಿಷ್ ಏರ್​ವೇಸ್​​ ವಿಮಾನಕ್ಕೆ ಸಿಡಿಲು ಬಡಿದಿದೆ. ಈ ಅಪರೂಪದ ದೃಶ್ಯವನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿಯಲಾಗಿದೆ.

ಇದನ್ನು ಓದಿ: ಭಾವನೆಗಳನ್ನು ಅರ್ಥಮಾಡಿಕೊಳ್ಳುವಳೇ ತಾಯಿ; ಇದರ ನಿದರ್ಶನಕ್ಕೆ ಈ Viral Video ಸಾಕ್ಷಿ

ವೈರಲ್ ವಿಡಿಯೋದಲ್ಲಿ ಬ್ರಿಟಿಷ್ ಏರ್‌ವೇಸ್‌ನ A350-1041 ವಿಮಾನವು ವಿಮಾನ ನಿಲ್ದಾಣದಲ್ಲಿ ನಿಲುಗಡೆ ಮಾಡಿರುವುದನ್ನು ಕಾಣಬಹುದು. ಹವಾಮಾನವು ಬದಲಾಗಿದ್ದು ಆಕಾಶದಲ್ಲಿ ಸಿಡಿಲು ಮತ್ತು ಮಿಂಚು ಬೀಳುತ್ತದೆ. ಈ ಸಮಯದಲ್ಲಿ ಮಿಂಚು ನೇರವಾಗಿ ವಿಮಾನದ ಹಿಂದಿನ ಬಾಲಕ್ಕೆ ಹೊಡೆಯುವುದನ್ನು ನೋಡಬಹುದು.

ಈ 11 ಸೆಕೆಂಡುಗಳ ಅದ್ಭುತ ದೃಶ್ಯದ ವಿಡಿಯೋವನ್ನು ನೋಡಿ ನೆಟ್ಟಿಗರು ಬೆಚ್ಚಿ ಬಿದ್ದಿದ್ದಾರೆ. ಈ ಘಟನೆಯಲ್ಲಿ ವಿಮಾನಕ್ಕೆ ಯಾವುದೇ ಹಾನಿಯಾಗಿಲ್ಲ. ವಾಸ್ತವವಾಗಿ ಸಿಡಿಲು ವಿಮಾನವನ್ನು ಹೊಡೆದಾಗ ಪ್ರಯಾಣಿಕರಿಗೆ ಸಾಮಾನ್ಯವಾಗಿ ಯಾವುದೇ ಹಾನಿಯಾಗುವುದಿಲ್ಲ. ಏಕೆಂದರೆ ಮಿಂಚಿನ ಪ್ರಭಾವವನ್ನು ತಡೆದುಕೊಳ್ಳುವ ರೀತಿಯಲ್ಲಿ ವಿಮಾನವನ್ನು ವಿನ್ಯಾಸಗೊಳಿಸಲಾಗಿದೆ.(ಏಜೆನ್ಸೀಸ್​​)

https://www.vijayavani.net/viral-video-baba-runs-in-anger-and-pointed-trishul-on-man-in-mahakumbh