VIDEO| ಅಂಡರ್​ವಾಟರ್​ ಜಾವೆಲಿನ್​! ಚಿನ್ನದ ಹುಡುಗ ನೀರಜ್​ ಚೋಪ್ರಾರ ಈ ವಿಡಿಯೋ ನೋಡಿ

ಮಾಳೆ(ಮಾಲ್ಡೀವ್ಸ್): ಅಪರಿಮಿತ ಶ್ರದ್ಧೆ ಮತ್ತು ಸತತ ಪರಿಶ್ರಮದಿಂದಲೇ ಉನ್ನತ ಸಾಧನೆ ಸಾಧ್ಯ. ಇದಕ್ಕೆ ಒಲಿಂಪಿಕ್ಸ್​ನಲ್ಲಿ ಪದಕಗಳನ್ನು ಗೆದ್ದ ಭಾರತದ ಕ್ರೀಡಾಪಟುಗಳ ಜೀವನವೇ ನಿದರ್ಶನ. ಅದರಲ್ಲೂ ಜಾವೆಲಿನ್ ಎಸೆತದಲ್ಲಿ ಚಿನ್ನದ ಪದಕ ಗಳಿಸಿದ ನೀರಜ್​ ಚೋಪ್ರ ಅವರು, ಸದಾ ಕಾಲ ತಮ್ಮ ಕ್ರೀಡೆ ಬಗ್ಗೆಯೇ ಮನಸ್ಸು ಕೇಂದ್ರೀಕೃತವಾಗಿರುತ್ತೆ ಎಂದಿದ್ದಾರೆ.

ಹಾಲಿಡೇ ಮೇಲೆ ಮಾಲ್ಡೀವ್ಸ್​ಗೆ ತೆರಳಿರುವ ಚೋಪ್ರ, ಸಮುದ್ರದಡಿಯಲ್ಲಿ ಸ್ಕೂಬಾ ಡೈವಿಂಗ್​ ಮಾಡುತ್ತಾ ಜಾವೆಲಿನ್​ ಎಸೆಯುವಂತೆ ನಟಿಸಿದ್ದಾರೆ. ಈ ವಿಡಿಯೋವನ್ನು ತಮ್ಮ ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಶೇರ್ ಮಾಡಿ, "ಆಸ್ಮಾನ್​ ಪರ್​, ಜಮೀನ್​ ಪೆ ಯಾ ಅಂಡರ್​ವಾಟರ್​, ಐ ಆ್ಯಮ್ ಥಿಂಕಿಂಗ್​ ಆಫ್​ ... ಜಾವೆಲಿನ್!"(ಆಕಾಶದಲ್ಲಿ, ನೆಲದ ಮೇಲೆ ಅಥವಾ ನೀರಿನಲ್ಲಿ, ನಾನು ಜಾವೆಲಿನ್ ಬಗ್ಗೆಯೇ ಯೋಚಿಸುತ್ತಿದ್ದೇನೆ) ಎಂದು ಶೀರ್ಷಿಕೆ ನೀಡಿದ್ದಾರೆ. ಜೊತೆಗೆ, ತರಬೇತಿ ಶುರುವಾಗಿ ಬಿಟ್ಟಿದೆ ಎಂದು ಬರೆದಿದ್ದಾರೆ.

13 ಗಂಟೆಗಳ ಹಿಂದಷ್ಟೇ ಪೋಸ್ಟ್​ ಆಗಿರುವ ನೀರಜ್​ ಚೋಪ್ರರ ಈ ಪೋಸ್ಟ್​ಗೆ ಲಕ್ಷಾಂತರ ಅಭಿಮಾನಿಗಳು ಲೈಕ್​ಗಳ ಸುರಿಮಳೆಗೈದಿದ್ದಾರೆ. ಸಾವಿರಾರು ಜನ ನಿಮ್ಮ ಶ್ರದ್ಧೆ ಮೆಚ್ಚುವಂಥದ್ದು ಎಂದು ಹೊಗಳಿದ್ದಾರೆ. ಮತ್ತೊಂದೆಡೆ, ಹೈಜಂಪರ್​ ತೇಜಸ್ವಿನ್ ಶಂಕರ್​ ಅವರು, "ವೆಕೇಶನ್ನಲ್ಲೂ ಜಾವೆಲಿನ್ನಾ? ಸ್ವಲ್ಪ ನಿನ್ನ ಮನಸ್ಸು ಮತ್ತು ದೇಹಕ್ಕೆ ವಿಶ್ರಾಂತಿ ಕೊಡಪ್ಪ" ಎಂದು ಕಾಮೆಂಟ್​ ಮಾಡಿದ್ದಾರೆ.​ (ಏಜೆನ್ಸೀಸ್)

https://www.vijayavani.net/theft-in-police-head-constables-house/

https://www.vijayavani.net/corona-vaccine-for-kids-to-start-from-this-month-says-health-minister/

https://www.vijayavani.net/hallagere-shankar-two-sons-in-law-arrested-in-byadarahalli-suicide-case/