VIDEO| ಹಳೇ ಡೈಲಾಗ್​ ನೆನಪಿಸಿ ರೈತರನ್ನು ಅಭಿನಂದಿಸಿದ ರಾಹುಲ್​ ಗಾಂಧಿ!

ನವದೆಹಲಿ: ಕೇಂದ್ರದ ಮೂರು ವಿವಾದಿತ ಕೃಷಿ ಕಾನೂನುಗಳನ್ನು ವಾಪಸ್​​ ಪಡೆಯುವ ಪ್ರಧಾನಿ ನರೇಂದ್ರ ಮೋದಿ ಅವರ ನಿರ್ಧಾರವನ್ನು ದೇಶದ ಅನೇಕ ಗಣ್ಯರು ಸ್ವಾಗತಿಸಿದ್ದಾರೆ. ಪ್ರಮುಖ ವಿರೋಧಪಕ್ಷವಾದ ಕಾಂಗ್ರೆಸ್​ನ​ ನಾಯಕ ಹಾಗೂ ಸಂಸದ ರಾಹುಲ್​ ಗಾಂಧಿ ಕೂಡ ಟ್ವೀಟ್​ ಮಾಡಿ ರೈತರ ಈ ಗೆಲುವಿಗೆ ಶುಭಾಶಯ ಕೋರಿದ್ದಾರೆ.

"ದೇಶದ ಅನ್ನದಾತನು ಸತ್ಯಾಗ್ರಹದಿಂದ ಅಹಂಕಾರದ ತಲೆಯನ್ನು ತಗ್ಗಿಸಿಬಿಟ್ಟ! ಅನ್ಯಾಯದ ವಿರುದ್ಧದ ಈ ವಿಜಯಕ್ಕೆ ಅಭಿನಂದನೆಗಳು" ಎಂದು ಹೇಳಿರುವ ರಾಗಾ, "ಜೈ ಹಿಂದ್​, ಜೈ ಹಿಂದ್​ ಕಾ ಕಿಸಾನ್​" ಎಂದು ಉದ್ಗರಿಸಿದ್ದಾರೆ. ಜೊತೆಗೇ, ರೈತ ಮುಖಂಡರ ಹೋರಾಟವನ್ನು ಆರಂಭದಿಂದ ಬೆಂಬಲಿಸುತ್ತಾ ಬಂದಿರುವ ರಾಹುಲ್ ಗಾಂಧಿ, ಈ ಸಂದರ್ಭದಲ್ಲಿ, ತಮ್ಮ ಹಿಂದಿನ ಸಂದರ್ಶನದ ವಿಡಿಯೋ ತುಣುಕೊಂದನ್ನು ಶೇರ್​ ಮಾಡಿದ್ದಾರೆ.

ಕಳೆದ ಜನವರಿ 14 ರ ಈ ವಿಡಿಯೋ ಪೋಸ್ಟ್​ನಲ್ಲಿ, "ಕೃಷಿ ಕಾನೂನುಗಳ ವಿರುದ್ಧದ ಹೋರಾಟದಲ್ಲಿ ನಾನು ರೈತರನ್ನು ಸಂಪೂರ್ಣವಾಗಿ ಬೆಂಬಲಿಸುತ್ತೇನೆ. ಅವರ ಬಗ್ಗೆ ನನಗೆ ಹೆಮ್ಮೆ ಇದೆ. ನನ್ನ ಮಾತನ್ನು ನೆನಪಿಟ್ಟುಕೊಳ್ಳಿ... ಈ ಕಾನೂನುಗಳನ್ನು ಸರ್ಕಾರ ಮುಂದೊಂದು ದಿನ ವಾಪಸ್​​ ಪಡೆಯಲೇಬೇಕಾಗುತ್ತದೆ" ಎಂದು ರಾಹುಲ್​ ಗಾಂಧಿ ಸುದ್ದಿಗಾರರಿಗೆ ಹೇಳಿರುವುದು ದಾಖಲಾಗಿದೆ. (ಏಜೆನ್ಸೀಸ್​​)

https://www.vijayavani.net/come-polls-you-say-hindu-muslim-telengana-cm-attacks-bjp/

https://www.vijayavani.net/video-lady-superstar-nayantara-celebrates-birthday-today/