ಬಿಹಾರ: ರೋಹ್ತಾಸ್ ಜಿಲ್ಲೆಯಲ್ಲಿ ಮಹಿಳಾ ಪೇದೆಯೊಬ್ಬರು ಸ್ನಾನ ಮಾಡುತ್ತಿರುವ ವಿಡಿಯೋವನ್ನು ಶೂಟ್ ಮಾಡಿರುವ ಪ್ರಕರಣ ಮುನ್ನೆಲೆಗೆ ಬಂದಿದೆ. ಟ್ರೇನಿ ಕಾನ್ಸ್ಟೆಬಲ್ ಈ ವಿಡಿಯೋ ಮಾಡಿದ್ದಾರೆ ಎಂದು ಮಹಿಳಾ ಪೇದೆ ಆರೋಪಿಸಿದ್ದಾರೆ. ಈ ಸಂಬಂಧ ಎಫ್ಐಆರ್ ದಾಖಲಿಸಿಕೊಳ್ಳಲಾಗಿದೆ.
ಮೂಲಗಳ ಪ್ರಕಾರ, ಮಂಗಳವಾರ ಸಂಜೆ ಮಹಿಳಾ ಪೇದೆ ಸ್ನಾನ ಮಾಡುತ್ತಿದ್ದ ವೇಳೆ ವಿಡಿಯೋ ಮಾಡಲಾಗಿದೆ. ಈ ಹಿನ್ನೆಲೆಯಲ್ಲಿ ಟ್ರೇನಿ ಕಾನ್ಸ್ಟೆಬಲ್ ವಿರುದ್ಧ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ. ಆರೋಪಿ ಟ್ರೇನಿ ಕಾನ್ಸ್ಟೆಬಲ್ ತಲೆಮರೆಸಿಕೊಂಡಿದ್ದಾನೆ ಎನ್ನಲಾಗಿದೆ.
ಘಟನೆಯ ವಿವರ
ಮಹಿಳಾ ಪೇದೆಯನ್ನು ಜಿಲ್ಲಾ ಪೊಲೀಸ್ ಠಾಣೆಗೆ ನಿಯೋಜಿಸಲಾಗಿತ್ತು. ಮಂಗಳವಾರ ಬಾತ್ ರೂಂನಲ್ಲಿ ಸ್ನಾನ ಮಾಡುತ್ತಿದ್ದಾಗ ಆಕೆಯ ಕಣ್ಣು ಬಾತ್ ರೂಂ ಗೋಡೆಯ ಮೇಲೆ ಇಟ್ಟಿದ್ದ ಮೊಬೈಲ್ ಫೋನ್ ಮೇಲೆ ಬಿದ್ದಿದೆ. ಇದಾದ ನಂತರ ಆಕೆ ಗಲಾಟೆ ಮಾಡತೊಡಗಿದ್ದಾಳೆ. ಬಾತ್ರೂಂನಿಂದ ಹೊರಬಂದಾಗ ಟ್ರೇನಿ ಕಾನ್ಸ್ಟೆಬಲ್ ಓಡಿಹೋಗುವುದನ್ನು ನೋಡಲಾಗಿದೆ ಎಂದು ಮಹಿಳಾ ಪೇದೆ ಹೇಳಿದ್ದಾರೆ.
ಮಹಿಳಾ ಪೇದೆ ಘಟನೆಯ ಬಗ್ಗೆ ಹಿರಿಯ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಈ ಸಂಬಂಧ ಸ್ಥಳೀಯ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ. ಎಫ್ಐಆರ್ ಪ್ರಕಾರ, ಆರೋಪಿ ಕಾನ್ಸ್ಟೆಬಲ್ ಬಿಕ್ರಮ್ಗಂಜ್ ಪೊಲೀಸ್ ಠಾಣೆಯಲ್ಲಿ ನಿಯೋಜಿಸಲ್ಪಟ್ಟಿದ್ದಾರೆ.
ಈ ಕುರಿತು ತನಿಖೆ ನಡೆಸಲಾಗುತ್ತಿದೆ ಎಂದು ಮಹಿಳಾ ಪೊಲೀಸ್ ಠಾಣೆಯ ಠಾಣಾಧಿಕಾರಿ ಲಕ್ಷ್ಮೀ ಪಟೇಲ್ ತಿಳಿಸಿದ್ದಾರೆ. ಆರೋಪಿ ಕಾನ್ಸ್ಟೆಬಲ್ ತಲೆಮರೆಸಿಕೊಂಡಿದ್ದಾನೆ.
ರಿಷಿಕೇಶದಲ್ಲಿ ಗಂಗೆಯ ಉಗ್ರ ರೂಪ… ಮುಚ್ಚಿದ ರಾಮ್ ಝುಲಾ ಸೇತುವೆ, ಇದರ ಇತಿಹಾಸ, ಮಹತ್ವವೇನು?