ರಾಕೆಟ್ ನನ್ನ ಕೈಯಲ್ಲಿ ಇಲ್ಲದಿದ್ದರೆ ಏನೋ ಕಳೆದುಕೊಂಡಂತೆ, ಮುಂಬರುವ ಫ್ರೆಂಚ್ ಹಾಗೂ ಆಸ್ಟ್ರೇಲಿಯಾ ಓಪನ್ ಗ್ರಾಂಡ್ ಸ್ಲಾಂ ಸವಾಲಿಗೆ ಸನ್ನದ್ಧವಾಗಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ. ಈ ಮೂಲಕ ನಿವೃತ್ತಿ ಸುದ್ದಿಗಳಿಗೆ ಬ್ರೇಕ್ ಹಾಕಿದರು. ವೀನಸ್ ವಿಲಿಯಮ್ಸ್ 23 ಗ್ರಾಂಡ್ ಸ್ಲಾಂಗಳ ಒಡತಿ ಸೆರೇನಾ ವಿಲಿಯಮ್ಸ್ ಸಹೋದರಿ. ವಿಶ್ವ ಟೆನಿಸ್ ಕ್ಷೇತ್ರದಲ್ಲಿ ತಮ್ಮದೇ ಛಾಪು ಮೂಡಿಸಿದರೂ ವೃತ್ತಿ ಜೀವನದಲ್ಲಿ ಗೆದ್ದಿರುವ 7 ಗ್ರಾಂಡ್ ಸ್ಲಾಂಗಳ ಪೈಕಿ 5 ಬಾರಿ ವಿಂಬಲ್ಡನ್ ಹಾಗೂ 2 ಯುಎಸ್ ಓಪನ್ ಒಳಗೊಂಡಿವೆ. ಇದೀಗ ತಮ್ಮ 40ನೇ ವಯಸ್ಸಿನಲೂ ಗ್ರಾಂಡ್ ಸ್ಲಾಂ ಗೆಲುವಿನ ಕನಸು ಬಿಚ್ಚಿಟ್ಟಿದ್ದಾರೆ. ಟೆನಿಸ್ ರಂಗದಲ್ಲಿ ಉತ್ತುಂಗವನ್ನು ನೋಡಿದ್ದೇನೆ, ಪಾತಾಳಕ್ಕೂ ಕುಸಿದಿದ್ದೇನೆ, ಇದುವರೆಗೂ ಸಾಧಿಸಿರುವ ಸಾಧನೆ ಬಗ್ಗೆ ತೃಪ್ತಿಯಂತು ಇದೆ ಎಂದು ಹೇಳಿಕೊಂಡಿದ್ದಾರೆ.
