ಪುಣೆ: ರೈಡರ್ ವಿ. ಅಜಿತ್ (16 ಅಂಕ) ತೋರಿದ ಭರ್ಜರಿ ನಿರ್ವಹಣೆಯಿಂದ ಹಾಲಿ ಚಾಂಪಿಯನ್ ಜೈಪುರ ಪಿಂಕ್ಪ್ಯಾಂಥರ್ಸ್ ತಂಡ ಮೊದಲಾರ್ಧದ ಹಿನ್ನಡೆಯಿಂದ ಕಂಬ್ಯಾಕ್ ಮಾಡಿ ಪ್ರೊ ಕಬಡ್ಡಿ ಲೀಗ್ 10ನೇ ಆವೃತ್ತಿಯಲ್ಲಿ ಮೂರು ಬಾರಿಯ ಚಾಂಪಿಯನ್ ಪಟನಾ ಪೈರೇಟ್ಸ್ ಎದುರು 29-28 ಅಂತರದಿಂದ ರೋಚಕ ಗೆಲುವು ದಾಖಲಿಸಿದೆ.
ಛತ್ರಪತಿ ಸ್ಪೋಟ್ಸ್ ಕ್ಲಾಂಪೆಕ್ಸ್ನಲ್ಲಿ ನಡೆಯುತ್ತಿರುವ ಪುಣೆ ಚರಣದಲ್ಲಿ ಭಾನುವಾರದ ಹಾಲಿ-ಮಾಜಿ ಚಾಂಪಿಯನ್ನರ ಕಾದಾಟದಲ್ಲಿ ಪಟನಾ ಪೈರೇಟ್ಸ್ ಮೊದಲಾರ್ಧದಲ್ಲಿ 16-8 ಅಂಕಗಳಿಂದ ಮುನ್ನಡೆ ಸಾಧಿಸಿತು. ಮೊದಲ 20 ನಿಮಿಷದಲ್ಲಿ ಜೈಪುರವನ್ನು ಆಲೌಟ್ ಮಾಡಿದ ಪಟನಾ ಮೇಲುಗೈ ಸಾಧಿಸಿತು. ದ್ವಿತೀಯಾರ್ಧದಲ್ಲಿ ತಿರುಗೇಟು ನೀಡಿದ ಜೈಪುರ 36ನೇ ನಿಮಿಷದಲ್ಲಿ ಪಟನಾವನ್ನು ಅಲೌಟ್ ಬಲೆಗೆ ಕೆಡವಿ 24-24 ಅಂಕಗಳ ಸಮಬಲ ಸಾಧಿಸಿತು. ಅಂತಿಮ ನಿಮಿಷದಲ್ಲಿ ಎಚ್ಚರಿಕೆಯ ಆಟವಾಡಿದ ಜೈಪುರ ಟೂರ್ನಿಯಲ್ಲಿ 2ನೇ ಗೆಲುವು ಒಲಿಸಿಕೊಂಡಿತು.
https://x.com/ProKabaddi/status/1736422307785293952?s=20
ದಿನದ ಎರಡನೇ ಪಂದ್ಯದಲ್ಲಿ ಗುಮನ್ ಸಿಂಗ್ (11) ಹಾಗೂ ಅಮಿರ್ ಮೊಹಮದ್ ಜಾರ್ದಾನೇಶ್ (10) ತೋರಿದ ಅದ್ಭುತ ನಿರ್ವಹಣೆಯಿಂದ ಮಾಜಿ ಚಾಂಪಿಯನ್ ಯು ಮುಂಬಾ 46-33 ರಿಂದ ತಮಿಳ್ ತಲೈವಾಸ್ ಎದುರು ಗೆದ್ದು ಬೀಗಿದೆ.