ಓಹಿಯೋ: ಇಂದಿನ ಆಧುನಿಕ ಯುಗದಲ್ಲಿ ಮದುವೆ ಎಂಬುದು ಜಗತ್ತಿನಾದ್ಯಂತ ಚರ್ಚೆಯನ್ನು ಹುಟ್ಟು ಹಾಕಿದೆ. ಕೆಲವೆಡೆ ಸಲಿಂಗ ವಿವಾಹದ ಕುರಿತಾಗಿ ಚರ್ಚೆಗಳು ನಡೆಯುತ್ತಿದ್ದರೆ. ಇನ್ನೂ ಕೆಲವೆಡೆ ಹಲವರು ತಮ್ಮ ಕಾರು, ಮೊಬೈಲ್, ಗೊಂಬೆ ಹಾಗೂ ಇನ್ನೀತರ ವಸ್ತುಗಳ ಜತೆಗೆ ವಿವಾಹವಾಗಿದ್ದಾರೆ.
ಆದರೆ ಇಲ್ಲೊಬ್ಬ ಮಹಿಳೆಯ ವಿವಾಹವು ಎಲ್ಲರ ಹುಬ್ಬೆರಿಸುವಂತೆ ಮಾಡಿದೆ. ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಫಿಡೆಲಿ ಎಂಬುವಳು ತನ್ನನ್ನು ತಾನೇ ವಿವಾಹವಾಗಿ ಅಚ್ಚರಿಗೆ ಕಾರಣವಾಗಿದ್ದಾಳೆ. ಇದಕ್ಕಿಂತ ಆಶ್ಚರ್ಯಕರ ಸಂಗತಿ ಎಂದರೆ ಆಕೆಗೆ 77 ವರ್ಷ ವಯಸ್ಸಾಗಿದೆ. ಈ ಮದುವೆಯಲ್ಲಿ ಆಕೆಯ ಬಂಧುಗಳು, ನೆರೆಹೊರೆಯವರು, ಸ್ನೇಹಿತರು ನೆರೆದಿದ್ದರು.
ಇದನ್ನೂ ಓದಿ: ಜನ ವಿರೋಧಿ ಆಡಳಿತಕ್ಕೆ ಜನ ಉತ್ತರ ನೀಡಿದ್ದಾರೆ: ಕಲೀಲ್ ಭಾಷಾ
ಫಿಡೆಲಿಯ ಮಗಳು ಡೊನ್ಹಾ ಪೆನ್ನಿಂಗ್ಟನ್ ಕೂಡ, ತನ್ನ ತಾಯಿಯ ಏಕವ್ಯಕ್ತಿ ವಿವಾಹವನ್ನು ಇಷ್ಟಪಟ್ಟಿದ್ದು, ಆಕೆಯೇ ಸ್ವತಃ ನಿಂತು ಎಲ್ಲ ಉಸ್ತುವಾರಿಯನ್ನು ನೋಡಿಕೊಂಡಿದ್ದಾಳೆ. ಅಲ್ಲದೇ, ತನ್ನ ಜೀವಿತಾವಧಿಯನ್ನು ಈ ಮೊದಲು ಇತರರಿಗೆ ಮೀಸಲಿಟ್ಟಿದೆ. ಸದ್ಯ ತನ್ನ ಸ್ವಂತ ಕನಸುಗಳನ್ನು ಅನುಸರಿಸುವತ್ತ ಗಮನಹರಿಸುವ ಸಲುವಾಗಿ ತನ್ನನ್ನು ತಾನೇ ವಿವಾಹವಾಗಿದ್ದಾಗಿ ಫಿಡೆಲಿ ತಿಳಿಸಿದ್ದಾಳೆ.(ಏಜೆನ್ಸೀಸ್)