ವಾಷಿಂಗ್ಟನ್: ಇಂದು ಎಲ್ಲಿಯೂ ಹೋಗದೇ ಮನೆಯಲ್ಲೇ ಕುಳಿತು ತಮಗೇ ಬೇಕಾದ ವಸ್ತುವನ್ನು ತರಿಸಿಕೊಳ್ಳಬಹುದು. ಇದಕ್ಕೆ ಸ್ಮಾರ್ಟ್ಫೋನ್ ಒಂದಿದ್ದರೆ ಸಾಕು. ಮೊದಲೆಲ್ಲ ನಗರಗಳಿಗೆ ಮಾತ್ರ ಸೀಮಿತವಾಗಿದ್ದ ಆನ್ಲೈನ್ ವ್ಯವಹಾರ ಇಂದು ಹಳ್ಳಿ ಹಳ್ಳಿಗೂ ವ್ಯಾಪಿಸಿದೆ. ನಿಮ್ಮಿಷ್ಟದ ವಸ್ತುಗಳು, ಊಟ ಸೇರಿದಂತೆ ಎಲ್ಲವು ಆನ್ಲೈನ್ನಲ್ಲಿ ಲಭ್ಯವಿದ್ದು, ಆರ್ಡರ್ ಮಾಡಿದ ಕೆಲವೇ ಕ್ಷಣಗಳಲ್ಲಿ ನಿಮ್ಮ ಬಳಿಗೆ ತಲುಪಿಸುತ್ತಾರೆ. ಆನ್ಲೈನ್ ಶಾಪಿಂಗ್ನಲ್ಲಿ ಕೆಲವೊಮ್ಮೆ ಕಂಪನಿಯವರು ಮಾಡುವ ಎಡವಟ್ಟುಗಳಿಂದ ಗ್ರಾಹಕರು ಆಘಾತಕ್ಕೊಳಗಾಗುವ ಘಟನೆ ಆಗಾಗ ಬೆಳಕಿಗೆ ಬರುತ್ತಲೇ ಇರುತ್ತವೆ. ಇದೀಗ ಅಂಥದ್ದೇ ಮತ್ತೊಂದು ಘಟನೆ ವರದಿಯಾಗಿದೆ.
ಗ್ರಾಹಕರೊಬ್ಬರು ತಾವು ಆರ್ಡರ್ ಮಾಡಿದ ಮಿಲ್ಕ್ಶೇಕ್ಗೆ ಬದಲಾಗಿ ವಿಚಿತ್ರ ಐಟಂ ಒಂದನ್ನು ಸ್ವೀಕರಿಸಿದ್ದು, ತಮ್ಮ ಜೀವನದಲ್ಲೇ ಅತ್ಯಂತ ಕೆಟ್ಟ ಆನ್ಲೈನ್ ಫುಡ್ ಆರ್ಡರ್ ಅನುಭವ ಹೊಂದಿದ್ದಾರೆ.
ಅಂದಹಾಗೆ ಗ್ರಾಹಕನ ಹೆಸರು ಕ್ಯಾಲೆಬ್ ವುಡ್ಸ್. ಇವರು ಅಮೆರಿಕದ ಉತಾಹ್ ಮೂಲದ ನಿವಾಸಿ. ಗ್ರಬ್ಹಬ್ ಫುಡ್ ಡೆಲಿವರಿ ಆ್ಯಪ್ ಮುಖಾಂತರ ಚಿಕ್ಫಿಲ್ನಿಂದ ಮಿಲ್ಕ್ಶೇಕ್ ಮತ್ತು ಫ್ರೆಂಚ್ ಫ್ರೈ ಅನ್ನು ಆರ್ಡರ್ ಮಾಡಿದ್ದರು. ಆದರೆ, ಯಾವಾಗ ತಾನು ಆರ್ಡರ್ ಮಾಡಿದ್ದ ಐಟಂ ಮನೆಗೆ ತಲುಪಿತೋ ಅದನ್ನು ನೋಡಿದ ಕ್ಯಾಲೆಬ್ ವುಡ್ಸ್ ಒಂದು ಕ್ಷಣ ದಂಗಾಗಿದ್ದಾರೆ.
ಪ್ಯಾಕಿಂಗ್ ಓಪನ್ ಮಾಡಿದ ಬಳಿಕ ಮಿಲ್ಕ್ಶೇಕ್ ಅಂತ ಸ್ಟ್ರಾ ಹಾಕಿ ಒಂದು ಸಿಪ್ ಕುಡಿದಿದ್ದು, ವಿಚಿತ್ರ ಅನುಭವ ಹೊಂದಿದಾಗ ಒಂದು ಕ್ಷಣ ಕಪ್ ನೋಡಿದ ಕ್ಯಾಲೆಬ್ ವುಡ್ಸ್ ಅಸಹ್ಯ ಪಟ್ಟುಕೊಂಡರು. ಏಕೆಂದರೆ, ಆ ಕಪ್ನಲ್ಲಿ ಇದ್ದಿದ್ದು ಮಿಲ್ಕ್ಶೇಕ್ ಅಲ್ಲ ಬದಲಾಗಿ ಬೆಚ್ಚಗಿನ ಮೂತ್ರ. ನಿಜಕ್ಕೂ ಇದು ಅಸಹ್ಯ ಎನಿಸದೇ ಇರದರು.
ಇದರಿಂದ ಆಕ್ರೋಶಗೊಂಡ ಕ್ಯಾಲೆಬ್ ವುಡ್ಸ್, ತಕ್ಷಣ ಡೆಲಿವರಿ ಏಜೆಂಟ್ಗೆ ಕರೆ ಮಾಡಿ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಅಲ್ಲದೇ, ಇದೇ ಸಂದರ್ಭದಲ್ಲಿ ಇಬ್ಬರ ನಡುವೆ ಮಾತಿನ ಚಕಮಕಿ ಸಹ ನಡೆಯಿತು. ಈ ವೇಳೆ ಡೆಲಿವರಿ ಏಜೆಂಟ್ ತಪ್ಪೊಪ್ಪಿಕೊಂಡಿದ್ದು, ನಿರಂತರ ಕೆಲಸದಿಂದಾಗಿ ಮೂರ್ತ ವಿಸರ್ಜನೆಗೂ ಸಮಯ ಸಿಗದಿದ್ದಾಗ ಕಾರಿನಲ್ಲೇ ಮೂತ್ರ ವಿಸರ್ಜನೆ ಮಾಡಲು ಬೀಸಾಡಬಹುದಾದ ಕಪ್ಗಳನ್ನು ಬಳಸುತ್ತೇನೆ. ಇಂದಿನ ಯಡವಟ್ಟಿಗೂ ಇದೇ ಕಾರಣವಾಗಿದೆ ಎಂದು ಡೆಲಿವರಿ ಏಜೆಂಟ್ ಸ್ಪಷ್ಟನೆ ನೀಡಿದ್ದಾರೆ.
ಆದರೆ, ಕ್ಯಾಲೆಬ್ ವುಡ್ಸ್ ತೀವ್ರ ಅಸಮಾಧಾನಗೊಂಡಿದ್ದು, ಹಣ ರಿಫಂಡ್ ಮಾಡುವಂತೆ ಗ್ರಬ್ಹಬ್ ಸಂಪರ್ಕಿಸಿದ್ದಾರೆ. ಆದರೆ, ಈವರೆಗೂ ರೀಫಂಡ್ ಸ್ವೀಕರಿಸಿಲ್ಲ. ಇನ್ನೊಂದೆಡೆ ಗ್ರಬ್ಹಬ್ ಪತ್ರಿಕಾ ಹೇಳಿಕೆಯನ್ನು ನೀಡಿದ್ದು, ಡೆಲಿವರಿ ಏಜೆಂಟ್ ಅನ್ನು ಕೆಲಸದಿಂದ ತೆಗೆದು ಹಾಕಿರುವುದಾಗಿ ತಿಳಿಸಿದೆ. (ಏಜೆನ್ಸೀಸ್)
ಪುಣೆ-ಐಸಿಸ್ ಮಾಡ್ಯೂಲ್ ಪ್ರಕರಣ: ಆರೋಪಿಗಳೆಲ್ಲರೂ ಅತಿ ಬುದ್ಧಿವಂತರು, ಹಣ ಸಂಪಾದಿಸುವವರು; ಎನ್‌ಐಎ ತನಿಖೆ ವೇಳೆ ಬಹಿರಂಗ
ಊಟದ ನಡುವೆ ನೀರು ಕುಡಿಯುವ ಅಭ್ಯಾಸ ಇದ್ಯಾ?; ಹಾಗಿದ್ರೆ ನೀವು ಇದನ್ನು ತಿಳಿಯಲೇ ಬೇಕು….