ಅಮೆರಿಕಾ ಡ್ರೋನ್ ಹೊಡೆದುರುಳಿಸಿದ ಹೌತಿಬಂಡುಕೋರರು

ನವದೆಹಲಿ: ಪಶ್ಚಿಮ ಏಷ್ಯಾದಲ್ಲಿ ಉದ್ವಿಗ್ನತೆ ಮುಂದುವರಿದಿರುv ಬೆನ್ನಲ್ಲೇ ಅಮೆರಿಕಾದ ಅತ್ಯಾಧುನಿಕ ಕಣ್ಗಾವಲು ಡ್ರೋನ್ ಅನ್ನು ಹೌತಿಬಂಡುಕೋರರು ಹೊಡೆದುರುಳಿಸಿದ್ದಾರೆ.

ಇದನ್ನೂ ಓದಿ: 

ಯೆಮೆನ್‌ನ ಮಾರಿಬ್ ಗವರ್ನರೇಟ್‌ನ ವಾಯುಪ್ರದೇಶದಲ್ಲಿ ಹಾರುತ್ತಿದ್ದ ಎಂಕ್ಯೂ-9 ರೀಪರ್ ಡ್ರೋನ್ ಅನ್ನು ಹೊಡೆದುರುಳಿಸಲಾಗಿದೆ ಎಂದು ಹೌತಿ ಗುಂಪಿನ ವಕ್ತಾರ ಯಾಹ್ಯಾ ಸಾರಿ ಬಹಿರಂಗಪಡಿಸಿದ್ದಾನೆ.

ಹೌತಿಗಳ ನಿಯಂತ್ರಣದಲ್ಲಿರುವ ಪ್ರದೇಶದ ಮೇಲೆ ವೈಮಾನಿಕ ದಾಳಿ ನಡೆಸಲಾಗುವುದು ಎಂದು ಅಮೆರಿಕಾ ಎಚ್ಚರಿಸಿದೆ.

ಅಮೆರಿಕಾ ಕಣ್ಗಾವಲು ವಿಮಾನ ಎಂಕ್ಯೂ-9 ರೀಪರ್ ತುಂಬಾ ಎತ್ತರದಲ್ಲಿ ಹಾರಬಲ್ಲದು. ಇದು ಸುಮಾರು 50,000 ಅಡಿ ಎತ್ತರದಲ್ಲಿ 24 ಗಂಟೆಗಳ ಕಾಲ ಪ್ರಯಾಣಿಸುವಾಗ ಪ್ರಮುಖ ಮಾಹಿತಿಯನ್ನು ಸಂಗ್ರಹಿಸುವ ಸಾಮರ್ಥ್ಯವನ್ನು ಹೊಂದಿದೆ.

ಇಸ್ರೇಲ್ ಮತ್ತು ಹಮಾಸ್ ನಡುವೆ ನಡೆಯುತ್ತಿರುವ ಯುದ್ಧದಿಂದಾಗಿ ಪ್ಯಾಲೆಸ್ತೀನ್ ಜನರು ಸಾಕಷ್ಟು ತೊಂದರೆ ಅನುಭವಿಸುತ್ತಿದ್ದಾರೆ. ಈ ಕ್ರಮದಲ್ಲಿ, ಇರಾನ್‌ಗೆ ಬೆಂಬಲವಾಗಿ ಯೆಮೆನ್‌ನ ಮಧ್ಯಭಾಗದಲ್ಲಿ ಕೆಲಸ ಮಾಡುತ್ತಿರುವ ಹೌತಿ ಬಂಡುಕೋರರು ಕೆಂಪು ಸಮುದ್ರದಲ್ಲಿ ವಾಣಿಜ್ಯ ಹಡಗುಗಳ ಮೇಲೆ ದಾಳಿಯನ್ನು ಮುಂದುವರೆಸಿದ್ದಾರೆ. ಇತ್ತೀಚೆಗೆ, ಹೌತಿಗಳು ಗಲ್ಫ್ ಆಫ್ ಅಡೆನ್‌ನಲ್ಲಿ ವಾಣಿಜ್ಯ ಹಡಗಿನ ಮೇಲೆ ಕ್ಷಿಪಣಿ ದಾಳಿ ನಡೆಸಿದ್ದರು.