ಚೀನಾ ವಿಮಾನಗಳಿಗೆ ಪ್ರವೇಶ ನಿಷೇಧಿಸಿದ ಅಮೆರಿಕ!

ವಾಷಿಂಗ್ಟನ್: ಚೀನಾದಿಂದ ಬರುವ ವಿಮಾನಗಳಿಗೆ ಪ್ರವೇಶಾವಕಾಶ ನಿರಾಕರಿಸಲು ಅಮೆರಿಕ ಸರ್ಕಾರ ಬುಧವಾರ ನಿರ್ಧರಿಸಿದೆ. ಈ ಕ್ರಮದಿಂದಾಗಿ, ಅಮೆರಿಕ ಮತ್ತು ಚೀನಾ ನಡುವೆ ಈಗಾಗಲೇ ಹಳಸಿಹೋಗಿರುವ ಸಂಬಂಧ ಇನ್ನಷ್ಟು ಕೆಡುವ ಸಾಧ್ಯತೆ ಇದೆ.

ಈ ನಿಷೇಧ ಚೀನಾದ ನಾಲ್ಕು ಪ್ರಯಾಣಿಕ ವಿಮಾನಯಾನ ಕಂಪನಿಗಳಿಗೆ ಅನ್ವಯಿಸಲಿದೆ ಎಂದು ಅಮೆರಿಕದ ಸಾರಿಗೆ ಇಲಾಖೆ ತಿಳಿಸಿದೆ. ಈ ಕಂಪನಿಗಳು ಜೂನ್ 16ರಿಂದ ತಮ್ಮ ಕಾರ‌್ಯಾಚರಣೆ ಆರಂಭಿಸಲು ಉದ್ದೇಶಿಸಿದ್ದವು. ಚೀನಾದಿಂದ ಅಮೆರಿಕಕ್ಕೆ ಮತ್ತು ಅಮೆರಿಕದಿಂದ ಚೀನಾಕ್ಕೆ ವಿಮಾನಯಾನ ಅಂದು ಆರಂಭವಾಗುವುದಿತ್ತು.

ಇದನ್ನೂ ಓದಿ: 17ರಂದು ವಿಶ್ವಸಂಸ್ಥೆ ಭದ್ರತಾ ಸಮಿತಿ ಸದಸ್ಯತ್ವಕ್ಕೆ ಚುನಾವಣೆ

ಈ ವಾರ ಚೀನಾಕ್ಕೆ ಅಮೆರಿಕದಿಂದ ಆರಂಭವಾಗಲಿದ್ದ ಯುನೈಟೆಡ್ ಏರ್‌ಲೈನ್ಸ್ ಮತ್ತು ಡೆಲ್ಟಾ ಏರ್ ವಿಮಾನ ಕಂಪನಿಗಳ ಕಾರ್ಯಾಚರಣೆಗೆ ಚೀನಾ ಅವಕಾಶ ನಿರಾಕರಿಸಿದ ಹಿನ್ನೆಲೆಯಲ್ಲಿ ಅಮೆರಿಕ ಈ ಕ್ರಮ ಕೈಗೊಂಡಿದೆ ಎಂದು ಹೇಳಲಾಗಿದೆ. ಈ ಎರಡೂ ಕಂಪನಿಗಳು ಚೀನಾದ ವುಹಾನ್‌ನಲ್ಲಿ ಕರೊನಾ ಹಾವಳಿ ಅತಿಯಾಗಿದ್ದ ಸಂದರ್ಭದಲ್ಲಿ ತಮ್ಮ ಕಾರ್ಯಾಚರಣೆಯನ್ನು ನಿಲ್ಲಿಸಿದ್ದವು.

ಇದನ್ನೂ ಓದಿ: ವಿಜಯ್ ಮಲ್ಯ ಗಡಿಪಾರಿಗೆ ದಿನಗಣನೆ- ಶೀಘ್ರದಲ್ಲೇ ಭಾರತಕ್ಕೆ ಹಸ್ತಾಂತರ

ಮುಂದಿನ ದಿನಗಳಲ್ಲಿ ಕೂಡ ಚೀನಾದವರು ಅಮೆರಿಕದ ಎಷ್ಟು ಪ್ರಯಾಣಿಕ ವಿಮಾನಗಳಿಗೆ ಅವಕಾಶ ನೀಡುತ್ತಾರೆಯೋ ನಾವೂ ಅಷ್ಟೇ ಪ್ರಮಾಣದ ವಿಮಾನಗಳಿಗೆ ನಮ್ಮ ನೆಲದಲ್ಲಿ ಲ್ಯಾಂಡ್ ಆಗಲು ಅವಕಾಶ ನೀಡುತ್ತೇವೆ. ಜೂನ್ 16ರಂದೇ ಈ ಕುರಿತು ಅಧಿಕೃತ ಆದೇಶವನ್ನು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಜಾರಿ ಮಾಡಲಿದ್ದಾರೆ ಎಂದು ಅಮೆರಿಕದ ಅಧಿಕಾರಿಗಳು ತಿಳಿಸಿದ್ದಾರೆ.

https://www.vijayavani.net/covid-19-status-report-gok/