ಭಾರತದ ಮೇಲೆ ಅಮೆರಿಕಾದ ಹೆಚ್ಚುವರಿ ಸುಂಕ: ಅಸಮಂಜಸ ನಿರ್ಧಾರ ಎಂದ ಸಂಸದ ಶಶಿ ತರೂರ್ | Shashi Tharoor

Shashi Tharoor : ವ್ಯಾಪಾರ ಒಪ್ಪಂದದ ಕುರಿತು ಮಾತುಕತೆಗಳು ನಡೆಯುತ್ತಿರುವಾಗಲೇ, ಭಾರತದಿಂದ ಆಮದು ಮಾಡಿಕೊಳ್ಳುವ ಸರಕುಗಳ ಮೇಲೆ ಶೇ.25% ಹೆಚ್ಚುವರಿ ಆಮದು ಸುಂಕ ಮತ್ತು ದಂಡ ವಿಧಿಸುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನಿಲುವನ್ನು ಅಸಮಂಜಸ ನಿರ್ಧಾರ ಎಂದು ಕಾಂಗ್ರೆಸ್ ಸಂಸದ ಶಶಿ ತರೂರ್ ಟೀಕಿಸಿದ್ದಾರೆ.

ಸಂಸತ್ತಿನ ಆವರಣದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ತರೂರ್​, ವ್ಯಾಪಾರ ಮಾತುಕತೆಯ ಸಮಯದಲ್ಲಿ ಭಾರತ ಅಮೆರಿಕದ ಒತ್ತಡಕ್ಕೆ ಸಂಪೂರ್ಣವಾಗಿ ಮಣಿಯಬಾರದು ಎಂದರು.

ಇದನ್ನೂ ಓದಿ:ನಂದಿನಿ ಉತ್ಪನ್ನಗಳ ಮಾರಾಟ ಕೇಂದ್ರ ಉದ್ಘಾಟನೆ

ರಷ್ಯಾದಿಂದ ತೈಲ ಮತ್ತು ಅನಿಲ ಖರೀದಿಸಿದ್ದಕ್ಕಾಗಿ ಟ್ರಂಪ್ ಈ ನಿರ್ಧಾರ ತೆಗೆದುಕೊಂಡಿದ್ದಾರೆ. ಇದು ಮುಂದೆ ಶೇ.35% ಅಥವಾ ಶೇ.45% ವರೆಗೆ ಏರಿಕೆಯಾಗುವ ಸಾಧ್ಯತೆಗಳಿವೆ. ಶೇ.100 ರವರೆಗೂ ಸುಂಕ ವಿಧಿಸುವ ಚರ್ಚೆ ನಡೆಯುತ್ತಿದೆ. ಇದು ನಿಜವಾದರೆ ಅಮೆರಿಕಾದೊಂದಿಗಿನ ಭಾರತದ ವ್ಯಾಪಾರವನ್ನು ನಾಶ ಪಡಿಸುತ್ತದೆ ಎಂದರು.

ಪ್ರಸ್ತುತ ವ್ಯಾಪಾರ ಮಾತುಕತೆಗಳು ನಡೆಯುತ್ತಿರುವುದರಿಂದ, 25% ಹೆಚ್ಚುವರಿ ಸುಂಕ ಕೇವಲ ಚೌಕಾಶಿ ತಂತ್ರವಾಗಿರಬಹುದು. ಒಂದು ವೇಳೆ ಟ್ರಂಪ್ ಹೇಳಿದಂತೆ ನಡೆದುಕೊಂಡರೆ ಭಾರತದ ವ್ಯಾಪರಕ್ಕೆ ಖಂಡಿತವಾಗಿಯೂ ಹಾನಿಯುಂಟಾಗಲಿದೆ. ಸದ್ಯ ಬರುತ್ತಿರುವ ಮಾಹಿತಿಯ ಪ್ರಕಾರ ನಮ್ಮ GDP ಯ ಅರ್ಧದಷ್ಟು ನಷ್ಟವನ್ನು ಅನುಭವಿಸಬಹುದು ಎಂದರು.

ಇದನ್ನೂ ಓದಿ:ಗ್ರಾಹಕರು ಬಿಡಿಸಿಸಿ ಬ್ಯಾಂಕಿನ ಜೀವಾಳ

ನಮ್ಮಲ್ಲಿ ಸುಮಾರು 700 ಮಿಲಿಯನ್ ಭಾರತೀಯರು ಕೃಷಿಯ ಮೇಲೆ ಅವಲಂಬಿತರಾಗಿದ್ದಾರೆ. ಅಮೆರಿಕವನ್ನು ಸಂತೋಷಪಡಿಸಲು ನಾವು ಅವರ ಜೀವನೋಪಾಯವನ್ನು ಪಣಕ್ಕಿಡಲು ಸಾಧ್ಯವಿಲ್ಲ. ಅಮೆರಿಕ ನಮ್ಮ ಅಗತ್ಯಗಳನ್ನು ಸಹ ಅರ್ಥಮಾಡಿಕೊಳ್ಳಬೇಕು ಉದಾಹರಣೆ ಸಮೇತ ತಿಳಿಸಿದರು.(ಏಜೆನ್ಸೀಸ್)

https://www.vijayavani.net/karnataka-minister-santosh-lad-pushes-for-special-fund-to-support-young-obc-entrepreneurs