ಹಸಿರು ನ್ಯಾಯಾಧಿಕರಣದ ಆದೇಶದಂತೆ ನದಿಯ ಬಫರ್ ಝೋನ್ಗಳಲ್ಲಿ ಕೃಷಿ ಬಿಟ್ಟು ಬೇರೆ ಯಾವುದೇ ಚಟುವಟಿಕೆ ನಡೆಸುವಂತಿಲ್ಲ. ಆದರೆ ಕೊಡಗಿನಲ್ಲಿ ಬಫರ್ ಝೋನ್ಗಳ ಒತ್ತುವರಿ ಆಗಿದ್ದು, ಭೂ ಪರಿವರ್ತನೆಯೂ ನಡೆದಿದೆ. ಜಿಲ್ಲೆಯಾದ್ಯಂತ ಕಾವೇರಿ ನದಿ ಜಾಗ ದೊಡ್ಡ ಪ್ರಮಾಣದಲ್ಲಿ ಒತ್ತುವರಿ ಆಗಿದ್ದು, ಇದರ ತೆರವು ಅಥವಾ ಸರ್ವೆ ಕಾರ್ಯಕ್ಕೆ ಅಧಿಕಾರಿಗಳು ಮುಂದಾಗುತ್ತಿಲ್ಲ. ಈ ಬಗ್ಗೆ ಸಂಬAಧಿಸಿದವರು ಕ್ರಮ ತೆಗೆದುಕೊಳ್ಳದಿದ್ದರೆ ನ್ಯಾಯಾಲಯದ ಮೊರೆ ಹೋಗಲಾಗುವುದು ಎಂದರು.
ವಿರಾಜಪೇಟೆ ನಾಗರಿಕ ಸೇವಾ ಸಮಿತಿ ಪ್ರಮುಖರಾದ ಡಾ. ಐ.ಆರ್. ದುರ್ಗಾಪ್ರಸಾದ್ ಮಾತನಾಡಿ ನದಿ, ತೊರೆ, ಕೆರೆ, ತೋಡುಗಳನ್ನು ರಕ್ಷಿಸುವ ಕೆಲಸ ಆಗಬೇಕು. ವಿರಾಜಪೇಟೆಯಲ್ಲಿ ಮಲೆತಿರಿಕೆ ಬೆಟ್ಟದ ಬುಡದಿಂದ ಪಟ್ಟಣದ ಮಧ್ಯ ಭಾಗಕ್ಕಾಗಿ ಹರಿಯುವ ತೋಡು ಬಹುತೇಕ ಅತಿಕ್ರಮಣವಾಗಿದೆ. ಬೇತ್ರಿಗೆ ಸೇರಲಿರುವ ಈ ತೋಡಿಗೆ ಪಟ್ಟಣದ ತ್ಯಾಜ್ಯವೂ ಸೇರ್ಪಡೆ ಆಗುತ್ತಿದೆ. ಮತ್ತೆ ಇದೇ ನೀರು ಬೇತ್ರಿಯಿಂದ ವಿರಾಜಪೇಟೆಗೆ ಕುಡಿಯುವ ನೀರಿನ ರೂಪದಲ್ಲಿ ಸರಬಾರಾಜು ಆಗುತ್ತದೆ. ಕಾನೂನು ಪ್ರಕಾರ ತೋಡಿನಿಂದ 30 ಮೀ. ತನಕ ಕಟ್ಟಡಗಳು ಇರಬಾರದು. ಆದರೆ ವಿರಾಜಪೇಟೆಯಲ್ಲಿ ಈ ಕಾನೂನು ಗಾಳಿಗೆ ತೂರಲಾಗಿದೆ. ಇಲ್ಲಿನ ಅತಿಕ್ರಮ 7 ದಿನಗಳ ಒಳಗಾಗಿ ತೆರವು ಮಾಡುವುದಾಗಿ ಜಿಲ್ಲಾ ಉಸ್ತುವಾರಿ ಸಚಿವರು ಹೇಳಿ 70 ದಿನಗಳಾದರೂ ಯಾವುದೇ ಕ್ರಮ ತೆಗೆದುಕೊಂಡಿಲ್ಲ ಎಂದರು.
