ಶಶಿಕುಮಾರ್​ ಮಗನಿಗೆ ಶುಭ ಹಾರೈಸಿದ ಉಪ್ಪಿ ... ಯಾಕಿರಬಹುದು?

ಬೆಂಗಳೂರು: ಎಲ್ಲಾ ಅಂದುಕೊಂಡಂತೆ ಆಗಿದ್ದರೆ, ಶಶಿಕುಮಾರ್​ ಅವರ ಮಗ ಅಕ್ಷಿತ್​ ಇಷ್ಟರಲ್ಲಿ ಹೀರೋ ಆಗಿ ಎಂಟ್ರಿ ಕೊಡಬೇಕಿತ್ತು. ಈಗಾಗಲೇ ಎರಡು ವರ್ಷಗಳ ಹಿಂದೆಯೇ, ಅಕ್ಷಿತ್​ ಅಭಿನಯದ 'ಮೊಡವೆ' ಎಂಬ ಚಿತ್ರ ಸೆಟ್ಟೇರಿತ್ತು. ಚಿತ್ರದ ಮುಹೂರ್ತವಾಗಿ ಚಿತ್ರೀಕರಣ ಪ್ರಾರಂಭವಾದರೂ, ಕಾರಣಾಂತರಗಳಿಂದ ಚಿತ್ರ ಬಿಡುಗಡೆಯಾಗಲಿಲ್ಲ.

ಇದನ್ನೂ ಓದಿ: ಖುಷ್ಬೂ ಬಳಿಕ ಮತ್ತೋರ್ವ ನಟಿ ಬಿಜೆಪಿಗೆ ಸೇರ್ಪಡೆ ಸಾಧ್ಯತೆ?

ಈಗ ಅಕ್ಷಿತ್​, 'ಸೀತಾಯಣ' ಎಂಬ ಇನ್ನೊಂದು ಹೊಸ ಚಿತ್ರವನ್ನು ಒಪ್ಪಿಕೊಂಡಿದ್ದಾರೆ. ಈ ಚಿತ್ರದ ಒಂದು ಹಾಡನ್ನು ನಟ-ನಿರ್ದೇಶಕ ಉಪೇಂದ್ರ ಅವರು ಬಿಡುಗಡೆ ಮಾಡುವುದರ ಜತೆಗೆ, ಅಕ್ಷಿತ್​ ಮತ್ತು ಚಿತ್ರತಂಡಕ್ಕೆ ಶುಭ ಹಾರೈಸಿ ಕಳುಹಿಸಿದ್ದಾರೆ.

ಮದುವೆಯ ಶುಭಸಂದರ್ಭದಲ್ಲಿ ರಾಮಾಯಣದಲ್ಲಿ ಬರುವ ಶ್ಲೋಕವನ್ನು ಬದಲು ಮಾಡಿ ಅದನ್ನೇ ಚಿತ್ರಕ್ಕಾಗಿ ಹಾಡಾಗಿಸಲಾಗಿದೆ. 'ಶ್ರೀರಾಮ ಪತ್ನಿ, ಜನಕಸ್ಯ ಪುತ್ರಿ, ಸೀತಾಂಗನ ಸುಂದರ ಕೋಮಲಾಂಗಿ ...' ಎಂದು ಸಾಗುವ ಈ ಹಾಡನ್ನು ನಯನ ನಾಯರ್ ಹಾಡಿದ್ದಾರೆ.

'ಸೀತಾಯಣ' ಚಿತ್ರವನ್ನು ಪ್ರಭಾಕರ್‌ ಆರಿಪ್ಕಾ ರಚಿಸಿ-ನಿರ್ದೇಶಿಸಿರುವ ಈ ಚಿತ್ರದಲ್ಲಿ ಮುಂಬೈ ಹುಡುಗಿ ಅನಹಿತಾ ಭೂಷಣ್​ ನಾಯಕಿಯಾಗಿ ನಟಿಸಿದ್ದಾರೆ. ಇನ್ನು ಚಿತ್ರದಲ್ಲಿ ವಿಕ್ರಂ ಶರ್ಮ, ಶರ್ಮಿತಾ ಗೌಡ, ಮಧುಸೂದನ್, ಮೇಘನಾ ಗೌಡ, ಅಜಯ್‌ ಘೋಷ್, ಹಿತೇಶ್ ಮುಂತಾದವರು ನಟಿಸಿರುವ ಈ ಚಿತ್ರಕ್ಕೆ ಪದ್ಮನಾಭ್‌ ಭಾರದ್ವಾಜ್ ಸಂಗೀತ ಸಂಯೋಜಿಸಿದ್ದಾರೆ.

ಇದನ್ನೂ ಓದಿ: ಇನ್ನೊಂದು ಹಾಲಿವುಡ್​ ಚಿತ್ರದಲ್ಲಿ ಪ್ರಿಯಾಂಕಾ ಚೋಪ್ರಾ ನಟನೆ

ಈಗಾಗಲೇ, ಬೆಂಗಳೂರು, ಮಂಗಳೂರು, ಆಗುಂಬೆ, ವೈಜಾಗ್​, ಹೈದರಾಬಾದ್, ಬ್ಯಾಂಕಾಕ್ ಮುಂತಾದ ಕಡೆ 63 ದಿವಸ ಚಿತ್ರೀಕರಣ ನಡೆದಿದೆ. ಕನ್ನಡವಲ್ಲದೆ ತೆಲುಗು ಮತ್ತು ತಮಿಳು ಭಾಷೆಯಲ್ಲಿ ಬಿಡುಗಡೆಯಾಗುತ್ತಿರುವ ಈ ಚಿತ್ರವನ್ನು ಲಲಿತಾ ರಾಜಲಕ್ಷ್ಮೀ ಕಲರ್ಸ್‌ ಕ್ಲೌಡ್ಸ್ ಎಂಟರ್‌ಟೈನ್‌ಮೆಂಟ್ ಮೂಲಕ ನಿರ್ಮಾಣ ಮಾಡಿದ್ದಾರೆ.

https://www.vijayavani.net/komaram-bheems-grandson-warns-rajamouli-of-protest/