ಕಾನ್ಪುರ: ಜನರಲ್ಲಿ ಕಾನೂನಿನ ಬಗ್ಗೆ ಅರಿವು ಮೂಡಿಸಲು, ಕರೊನಾ ನಿಯಮಾವಳಿ ಪಾಲಿಸುವಂತೆ ಪ್ರೇರೇಪಿಸಲು ಇತ್ತೀಚೆಗೆ ಪೊಲೀಸರು ಮಾಡುತ್ತಿರುವ ಪ್ರಯತ್ನಗಳು ತರಹೇವಾರಿ. ಈ ತೆರನ ವಿಭಿನ್ನ ಪ್ರಯತ್ನವೊಂದನ್ನು ಉತ್ತರಪ್ರದೇಶದ ಪೊಲೀಸ್ ಇಲಾಖೆ ತನ್ನ ಟ್ವಿಟರ್ ಖಾತೆಯಲ್ಲಿ ಮಾಡಿದೆ.
ಹಿಂದಿ ಚಲನಚಿತ್ರ ‘ಶೋಲೆ’ಯಲ್ಲಿ ಬರುವ ಡಾಕೂ ಗಬ್ಬರ್ ಸಿಂಗ್ ಯಾರಿಗೆ ತಾನೇ ಗೊತ್ತಿಲ್ಲ. ಗಬ್ಬರ್ ಪಾತ್ರಧಾರಿ ಅಮ್ಜದ್ ಖಾನ್ ದರ್ಪದಿಂದ ಮಾತನಾಡುವ ಪರಿಯನ್ನು ಅನುಕರಿಸಿದವರೆಷ್ಟೋ ಜನ… ಆ ಚಿತ್ರದಲ್ಲಿ ಗಬ್ಬರ್ನನ್ನು ಬಂಧಿಸುವ ಪೊಲೀಸ್ ಅಧಿಕಾರಿಯಾಗಿ ಸಂಜೀವ್ ಕುಮಾರ್ ನಟಿಸಿದ್ದಾರೆ. ಬಾಕ್ಸ್ ಆಫೀಸಿನಲ್ಲಿ ಹಿಟ್ ಆದ ಐತಿಹಾಸಿಕ ಚಿತ್ರವಿದು. ಈಗ ಈ ಫ್ಲಾಶ್ಬ್ಯಾಕಿಗೆ ಕಾರಣ ಉತ್ತರಪ್ರದೇಶದ ಪೊಲೀಸರ ಹೊಸ ಸಾರ್ವಜನಿಕ ಸಂದೇಶ. ‘ಗಬ್ಬರ್ಕೋ ಮಿಲಿ ಕಿಸ್ ಬಾತ್ ಕಿ ಸಜಾ?’ (ಗಬ್ಬರ್ಗೆ ಶಿಕ್ಷೆ ಸಿಕ್ಕಿದ್ದು ಯಾಕೆ?) ಎಂಬ ಶೀರ್ಷಿಕೆಯಡಿ ಟ್ವಿಟರ್ನಲ್ಲಿ ಆ ವಿಡಿಯೋ ತುಣುಕು ಹಂಚಿಕೊಂಡಿರುವ ಪೊಲೀಸರು, ಸಾರ್ವಜನಿಕ ಸ್ಥಳಗಳಲ್ಲಿ ಉಗುಳುವುದು ಅಪರಾಧ; ಅದರಿಂದ ಕರೊನಾ ಹರಡುವ ಸಾಧ್ಯತೆಯೂ ಹೆಚ್ಚು ಎಂಬ ಸಂದೇಶ ನೀಡಿದ್ದಾರೆ.
ಇದನ್ನೂ ಓದಿ: ಸೆಕ್ಸ್ ಮಾಡುವಾಗ ಉಸಿರುಗಟ್ಟಿ ಸತ್ತೇ ಹೋದಳು… ಬ್ಯಾಚಲರ್ ಮನೆಯಲ್ಲಿ ವಿವಾಹಿತೆ ಸಾವು!
गब्बर को मिली किस बात की सज़ा ? pic.twitter.com/3Dq5UkfIcK
— UP POLICE (@Uppolice) January 20, 2021
ಯಾಕ್ ಥೂ ಎಂದು ಗಬ್ಬರ್ ಉಗುಳುವ, ನಂತರ ಪೊಲೀಸ್ ಅಧಿಕಾರಿ ಆತನನ್ನು ಅಟ್ಟಿಸಿಕೊಂಡು ಹೋಗಿ ಬಂಧಿಸುವ ದೃಶ್ಯವಿರುವ ಆ ವಿಡಿಯೋ ತುಣುಕನ್ನು ತೋರಿಸಿದ್ದಾರೆ. ಆಮೇಲೆ ಅದರಲ್ಲೇ ಕೊನೆಯಲ್ಲಿ, ಸಾರ್ವಜನಿಕ ಸ್ಥಳಗಳಲ್ಲಿ ಉಗುಳುವುದು ಕರೊನಾ ಹರಡುವಿಕೆಗೆ ಕಾರಣವಾಗುತ್ತೆ ಮತ್ತು ಅದು ಶಿಕ್ಷಾರ್ಹ ಅಪರಾಧ ಎಂಬ ಸಂದೇಶವನ್ನೂ ಬಿತ್ತರಿಸಿದ್ದಾರೆ. ಈ ಟ್ವೀಟ್ ವೈರಲ್ ಆಗಿದ್ದು, ಪೊಲೀಸರ ಈ ಸೃಜನಾತ್ಮಕ ಪ್ರಯತ್ನಕ್ಕೆ ಹಲವು ನೆಟ್ಟಿಗರ ಪ್ರಶಂಸೆ ಸಿಕ್ಕಿದೆ. ಜೊತೆಗೆ ಪಾನ್ ತಿಂದು ಉಗುಳುವ ಕಾನ್ಪುರದ ಜನರ ಬಗ್ಗೆ ಕೂಡ ಹಲವಾರು ಮೀಮ್ಗಳು ಬಂದಿವೆ.
ಬಿಎಸ್ಎನ್ಎಲ್ ಇಷ್ಟೊಂದು ಬರ್ಬಾದ್ ಆಗಿದ್ಯಾ? ಬರೀ 3 ಸಾವಿರ ರೂ. ಕೊಡಲು ಫಂಡ್ ಇಲ್ವಂತೆ!
ಬ್ಯಾಂಕ್ ಲಾಕರ್ನಲ್ಲೂ ಹಣ ಸೇಫ್ ಅಲ್ಲ!; ಇಲ್ಲಿಟ್ಟ ಹಣ ಏನಾಯ್ತು ನೋಡಿ…