ವಿಕಾಸ್​ ದುಬೆ ಸೋದರನ ಮೇಲೆ ಬಿತ್ತು ಯೋಗಿ ಸರ್ಕಾರದ ಕಣ್ಣು; ಕಾರ್ಯಾಚರಣೆಗಿಳಿದ ಪೊಲೀಸ್​

ಲಖನೌ: ಎನ್​​ಕೌಂಟರ್​​ನಲ್ಲಿ ಸತ್ತ ಗ್ಯಾಂಗ್​ಸ್ಟರ್​ ವಿಕಾಸ್​ ದುಬೆ ಸಹೋದರ ದೀಪ್​ ಪ್ರಕಾಶ್​ ದುಬೆ ತಲೆಗೆ ಉತ್ತರ ಪ್ರದೇಶ ಸರ್ಕಾರ 20,000 ರೂ.ಬಹುಮಾನ ಘೋಷಿಸಿದೆ.

ಸಹೋದರ ವಿಕಾಸ್​ ದುಬೆಯ ಅಕ್ರಮ ಕೆಲಸಗಳು, ಅಪರಾಧಗಳಲ್ಲಿ ದೀಪ್​ ಪ್ರಕಾಶ್​ ದುಬೆಯ ಪಾಲೂ ಇದೆ. ಈತನಿಗೆ ಸೋದರನ ಎಲ್ಲ ಚಟುವಟಿಕೆಗಳೂ ಗೊತ್ತಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.

ದೀಪ್​ ಪ್ರಕಾಶ್​ ಲಖನೌದಲ್ಲಿ ತನ್ನ ಪತ್ನಿ, ಕುಟುಂಬದೊಂದಿಗೆ ವಾಸವಾಗಿದ್ದ. ಆದರೆ ಶೂಟ್​ಔಟ್​ ಆದ ದಿನದಿಂದಲೇ ನಾಪತ್ತೆಯಾಗಿದ್ದು ಇನ್ನೂ ಅನುಮಾನಕ್ಕೆ ಕಾರಣವಾಗಿದೆ.

ಒಂದೊಮ್ಮೆ ದೀಪ ಪ್ರಕಾಶ್​ ನಮಗೆ ಸಿಕ್ಕರೆ, ಇನ್ನೂ ಅನೇಕ ಮಾಹಿತಿಗಳನ್ನು ನಾವು ಕಲೆಹಾಕಬಹುದಾಗಿದೆ. ವಿಕಾಸ್​ ದುಬೆ ಸಂಪರ್ಕದಲ್ಲಿ ಯಾರ್ಯಾರು ಇದ್ದಾರೆ ಎಂಬ ವಿವರಗಳೂ ಲಭ್ಯವಾಗುತ್ತವೆ ಎಂದು ಪೊಲೀಸರು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/sushant-suffered-from-same-mental-illness-portrayed-by-dhanush/